ଲଣ୍ଡନ: ଇଂଲଣ୍ଡ ବିପକ୍ଷ ପ୍ରଥମ ଦିନିକିଆରେ ମ୍ୟାଚ୍ ସହ ହୃଦୟ ଜିତିଛନ୍ତି ଟିମ ଇଣ୍ଡିଆର ଅଧିନାୟକ ରୋହିତ ଶର୍ମା। ବଲ ମାଡ଼ରେ ଆହତ ହୋଇଥିବା ଜଣେ ୬ ବର୍ଷୀୟ ଝିଅକୁ ରୋହିତ ମ୍ୟାଚ୍ ପରେ ଭେଟି ସମସ୍ତଙ୍କ ପ୍ରଶଂସାର ପାତ୍ର ହୋଇଛନ୍ତି। ରୋହିତ ଗତକାଲି ଓଭାଲରେ ଖେଳା ଯାଉଥିବା ପ୍ରଥମ ଦିନିକିଆରେ ଅପରାଜିତ ୭୬ ରନର ଇନିଂସ ଖେଳିଛନ୍ତି। ଏହି ଇନିଂସରେ ସେ ୫ଟି ବିଶାଳ ଛକା ମାରିଥିଲେ।
ହେଲେ ସେ ୫ମ ଓଭରରେ ଡାଭିଲ ୱିଲ୍ଲୀଙ୍କୁ ମାରିଥିବା ଗୋଟିଏ ଛକା ଷ୍ଟାଣ୍ଡରେ ବସିଥିବା ୬ ବର୍ଷୀୟ ମୀରା ସାଲଭିଙ୍କ ଦେହରେ ମାଡ଼ ହୋଇଥିଲା। ସେ ଆହତ ହେବା ସହ ଇଂଲଣ୍ଡ ଟିମର ଫିଜିଓ ତୁରନ୍ତ ତାଙ୍କ ସ୍ୱାସ୍ଥ୍ୟ ଯାଞ୍ଚ କରିଥିଲେ। ଏହାର ଭିଡିଓ ମଧ୍ୟ ରହିଛି।
ରୋହିତଙ୍କ ଛକା ଝିଅଟି ଦେହରେ ମାଡ଼ ହୋଇଯିବାରୁ ସମସ୍ତ ଆଶ୍ଚର୍ଯ୍ୟ ହୋଇ ଯାଇଥିଲେ। ରୋହିତ ମଧ୍ୟ ଏକଥା ଜାଣି ବିଚଳିତ ହୋଇଥିଲେ। କିଛି ମିନିଟ ପାଇଁ ମ୍ୟାଚ ବନ୍ଦ ରହିବା ସହ ସମସ୍ତେ ଷ୍ଟାଣ୍ଡକୁ ଚାହିଁ ରହିଥିଲେ। ପ୍ରାଥମିକ ଚିକିତ୍ସା ପରେ ମୀରା ସଂପୂର୍ଣ୍ଣ ସୁସ୍ଥ ଥିବା ଜଣାପଡ଼ିଥିଲା। ଏହାପରେ ପୁଣି ଖେଳ ଆରମ୍ଭ ହୋଇଥିଲା।
ତେବେ ମ୍ୟାଚ୍ ଶେଷ ହେବା ପରେ ରୋହିତ ନିଜେ ମୀରାଙ୍କୁ ସାକ୍ଷାତ କରି ତାଙ୍କ ସ୍ୱାସ୍ଥ୍ୟାବସ୍ଥା ସମ୍ପର୍କରେ ବୁଝିଛନ୍ତି। ଏହି ସମୟରେ ସେ ତାଙ୍କ ବାପାଙ୍କ କୋଳରେ ରହିଥିଲେ। ରୋହିତଙ୍କ ଏପରି ଆଚରଣକୁ ସମସ୍ତେ ପ୍ରଶଂସା କରିଛନ୍ତି।
— Guess Karo (@KuchNahiUkhada) July 12, 2022
ଭାରତ ଆର୍ମି ପକ୍ଷରୁ ଟ୍ୱିଟ କରି କୁହାଯାଇଛି ଯେ ରୋହିତ ଶର୍ମାଙ୍କ ଛକା ମୀରାଙ୍କ ଦେହରେ ମାଡ଼ ହେବା ପରେ ଇଂଲଣ୍ଡ ଫିଜିଓ ତାଙ୍କର ଚିକିତ୍ସା କରିଥିଲେ। ସେ ସଂପୂର୍ଣ୍ଣ ସୁସ୍ଥ ଅଛନ୍ତି ଓ ତାଙ୍କ ଶରୀରରେ କୌଣସି ବଡ଼ ଆଘାତ ଲାଗି ନାହିଁ। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ରୋହିତ ଶର୍ମା ନିଜେ ମ୍ୟାଚ୍ ପରେ ମୀରାଙ୍କ ସହ କଥା ହୋଇ ତାଙ୍କ ସ୍ୱାସ୍ଥ୍ୟାବସ୍ଥା କଥା ବୁଝିଛନ୍ତି।
Meera Salvi, a 6 years old girl who was hit on the back by a six hit by @ImRo45 is fine👍🏽👍🏽. pic.twitter.com/irbO2BtQZZ
— Rohit Sharma Trends™ (@TrendsRohit) July 12, 2022
ମ୍ୟାଚ୍ କଥା ବିଚାରକୁ ନେଲେ ଭାରତ ମଙ୍ଗଳବାର ମ୍ୟାଚ୍କୁ ଏକତରଫା ଭାବେ ଜିତି ନେଇଛି। ଯଶପ୍ରୀତ ବୁମ୍ରାଙ୍କ ୬ ୱିକେଟ ସଫଳତା ଯୋଗୁ ଇଂଲଣ୍ଡ ୧୧୦ରେ ଅଲଆଉଟ ହୋଇଯାଇଥିଲା। ଟିମ ଇଣ୍ଡିଆ ୧୧୧ ରନର ଟାର୍ଗେଟକୁ ବିନା କୌଣସି ୱିକେଟ ହରାଇ ୧୮୮ ବଲ ପୂର୍ବରୁ ହାସଲ କରି ନେଇଛି। ରୋହିତ ଶେଷ ଯାଏ ୫୮ ବଲରେ ୭୬ ଓ ଶିଖର ଧୱନ ୫୪ ବଲରେ ଅପରାଜିତ ୩୧ ରନର ଇନିଂସ ଖେଳିଥିଲେ। ଏହି ବିଜୟ ସହ ୩ଟିକିଆ ଦିନିକିଆ ସିରିଜରେ ଭାରତ ୧-୦ରେ ଆଗୁଆ ହୋଇଯାଇଛି।
Shoutout to the @englandcricket physios yesterday 🙌
6 year-old Meera was hit by a Rohit Sharma six in the crowd and they quickly rushed round to check on her.
She was okay and even received a visit off Sharma himself later in the day!#ENGvIND pic.twitter.com/mbvOsoT6lQ
— England’s Barmy Army (@TheBarmyArmy) July 13, 2022
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
