ଚେନ୍ନାଇ: ମଝି ଆକାଶରେ ପିନ୍ଧାଇଲେ ଫୁଲ ମାଳ । ବାନ୍ଧିଲେ ମଙ୍ଗଳସୂତ୍ର । ହାତକୁ ଦି ହାତ ହେଲେ ବର-କନ୍ୟା । ବିମାନ ଭିତରେ ହେଲା ବିବାହ । ତାମିଲନାଡୁର ମଦୁରାଇରେ ଦେଖିବାକୁ ମିଳିଛି କିିଛି ଏଭଳି ନିଆରା ବିବାହ । କରୋନା ପ୍ରତିବନ୍ଧକକୁ ଦେଖି ଆକାଶ ବିବାହ କରିଛନ୍ତି ଦମ୍ପତି । ଯାହାର ଭିଡିଓ ଏବେ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି ।
ସାରା ଦେଶ ଏବେ ମହାମାରୀ କରୋନା ସହ ଲଢ଼ୁଛି । ଦେଶର ଅନେକ ରାଜ୍ୟରେ ଲକଡାଉନ୍ ମଧ୍ୟ ଲାଗୁ ହୋଇଛି । ଏଥିପାଇଁ ଲୋକଙ୍କୁ ଅନେକ ସମସ୍ୟାର ସମ୍ମୁଖୀନ ହେବାକୁ ପଡୁଛି । ଲୋକଙ୍କ ସମସ୍ତ ଜରୁରୀ କାର୍ଯ୍ୟ ସ୍ଥଗିତ ହୋଇଯାଇଛି । ବ୍ୟବସାୟ ଠାରୁ ଆରମ୍ଭ କରି ଚାରିକି ଏବଂ ବିବାହ । ଲକଡାଉନକୁ ଦୃଷ୍ଟିରେ ରଖି ପୃଥୀବି ଛାଡି ଆକାଶରେ ବିବାହ କରିବା ପାଇଁ ମନସ୍ଥ କରିଥିଲେ ମଦୁରାଇର ବର-କନ୍ୟା ।
ନବ ଦମ୍ପତି ଏଭଳି ନିଆରା ବିବାହର ଭିଡିଓ ଏବେ ଚାରିଆଡେ ଚର୍ଚ୍ଚାର ବିଷୟ ପାଲଟିଛି । ଏଥିସହ ସୋଶାଲ ମିଡିଆରେ ମଧ୍ୟ ଏହି ଦମ୍ପତିଙ୍କ ବିବାହର ଭିଡିଓ ଟ୍ରେଣ୍ଡ କରିବାରେ ଲାଗିଛି । ସୂଚନା ମୁତାବକ ତାମିଲନାଡୁରେ ବଢ଼ୁଥିବା କରୋନା ମାମଲାକୁ ଦୃଷ୍ଟିରେ ରଖି ମୁଖମନ୍ତ୍ରୀ ଷ୍ଟାଲିନ ୨୪ ମେ୩ରୁ ୩୧ ଯାଏ ୭ ଦିନିଆ ସମ୍ପୂର୍ଣ୍ଣ ଲକଡାଉନ ଘୋଷଣା କରିଛନ୍ତି ।
https://twitter.com/DonthuRamesh/status/1396465757505028108?s=20