ସମୁଦ୍ରରେ ଖେଳିଲା ପିଙ୍କ୍ ଡଲଫିନ୍, ଭିଡିଓ ଭାଇରାଲ୍

ନୂଆଦିଲ୍ଲୀ: ସାଧାରଣ ଦୁନିଆ ଠାରୁ ସମୁଦ୍ରର ଦୁନିଆ ସମ୍ପୂର୍ଣ୍ଣ ଭିନ୍ନ। ସେଠାକାର ତାପମାତ୍ରା, ଗଛ, କୀଟ ଓ ପଶୁ ସମସ୍ତେ ସାମାନ୍ୟ ଦୁନିଆ ଠାରୁ ଅଲଗା ହୋଇଥାନ୍ତି। ସମୁଦ୍ରରେ ଏବେବି ବଡ଼ ସଂଖ୍ୟାରେ ଏମିତି କିଛି ପ୍ରଜାତି ଅଛନ୍ତି, ଯାହାଙ୍କର ସନ୍ଧାନ ଜାରି ରହିଛି। ସମୁଦ୍ରରେ ପ୍ରାୟତଃ ଡଲଫିନ୍ ଅଧିକ ଦେଖିବାକୁ ମିଳେ। ହେଲେ କେହି କେବେ ପିଙ୍କ୍ ଡଲଫିନ୍ ଦେଖିଛନ୍ତି କି? ଶୁଣିଲେ ସାମାନ୍ୟ ଅଜବ ଲାଗୁଥିଲେ ବି ଏହା ସତ। ଆଜିକାଲି ସୋଶାଲ ମିଡିଆରେ […]

pink-dolphin

pink-dolphin

Ranjit Kumar Jena
  • Published: Monday, 23 August 2021
  • Updated: 23 August 2021, 09:03 PM IST

Sports

Latest News

ନୂଆଦିଲ୍ଲୀ: ସାଧାରଣ ଦୁନିଆ ଠାରୁ ସମୁଦ୍ରର ଦୁନିଆ ସମ୍ପୂର୍ଣ୍ଣ ଭିନ୍ନ। ସେଠାକାର ତାପମାତ୍ରା, ଗଛ, କୀଟ ଓ ପଶୁ ସମସ୍ତେ ସାମାନ୍ୟ ଦୁନିଆ ଠାରୁ ଅଲଗା ହୋଇଥାନ୍ତି। ସମୁଦ୍ରରେ ଏବେବି ବଡ଼ ସଂଖ୍ୟାରେ ଏମିତି କିଛି ପ୍ରଜାତି ଅଛନ୍ତି, ଯାହାଙ୍କର ସନ୍ଧାନ ଜାରି ରହିଛି। ସମୁଦ୍ରରେ ପ୍ରାୟତଃ ଡଲଫିନ୍ ଅଧିକ ଦେଖିବାକୁ ମିଳେ। ହେଲେ କେହି କେବେ ପିଙ୍କ୍ ଡଲଫିନ୍ ଦେଖିଛନ୍ତି କି? ଶୁଣିଲେ ସାମାନ୍ୟ ଅଜବ ଲାଗୁଥିଲେ ବି ଏହା ସତ।

ଆଜିକାଲି ସୋଶାଲ ମିଡିଆରେ ଏକ ଭିଡିଓ ଭାଇରାଲ୍ ହୋଇଛି, ଯେଉଁଥିରେ ଏକ ପିଙ୍କ ଡଲଫିନ୍ ଦେଖିବାକୁ ମିଳିଛି। ଆଉ ଏହି ଡଲଫିନର ସୌନ୍ଦର୍ଯ୍ୟ ଦେଖିବା ଯୋଗ୍ୟ। ସବୁଠାରୁ ଆଶ୍ଚର୍ଯ୍ୟକର କଥା ହେଉଛି ଏହି ଡଲଫିନ୍ ସମୁଦ୍ରରେ ଖୁବ୍ ମଜାରେ ଖେଳୁଛି। ସାଧାରଣତ ନୀଳ କିମ୍ବା କଳା ରଙ୍ଗର ଡଲଫିନ୍ ଦେଖିବାକୁ ମିଳେ, କିନ୍ତୁ ଏହି ଭିଡିଓରେ ଯେଉଁ ଡଲଫିନ୍ ଦେଖିବାକୁ ମିଳିଛି ତାହା ପିଙ୍କ୍।

https://twitter.com/susantananda3/status/1428366697489059845?s=20

ଏହି ଭିଡିଓ କୌଣସି ସମୁଦ୍ରରୁ ଶୁଟ୍ କରାଯାଇଛି। ହେଲେ ଏହା କେଉଁଠିକାର, ତା'ର ସୂଚନା ଦିଆଯାଇନାହିଁ। ଡଲଫିନ୍ ହେଉଛି ଏକ ଫ୍ରେଣ୍ଡଲୀ ସାମୁଦ୍ରିକ ଜୀବ। ଭିଡିଓରେ ଦେଖିବାକୁ ମିଳିଛି ଯେ ଏକ ପିଙ୍କ ଡଲଫିନ୍ ପାଣିରେ ଛୋଟ ଛୁଆଙ୍କ ଭଳି ଖେଳୁଛି। କେତେବେଳେ ପାଣି ଉପରକୁ ଯାଉଛି ତ କେତେବେଳେ ପାଣି ଭିତରକୁ ଚାଲି ଯାଉଛି। ସମୁଦ୍ରରେ ଏଭଳି ଦୃଶ୍ୟ ଖୁବ୍ ଜବରଦସ୍ତ ହୋଇଛି।

ଏହି ଭିଡିଓକୁ ଆଇଏଫସ୍ ଅଫିସର୍ ସୁଶାନ୍ତ ନନ୍ଦ ଟ୍ୱିଟରରେ ଶେୟାର୍ କରିଛନ୍ତି। ଭିଡିଓକୁ ଶେୟାର୍ କରି ସେ ଲେଖିଛନ୍ତି, ଯଦି ଆପଣମାନେ ପିଙ୍କ ଡଲଫିନ୍ ଦେଖିନାହାନ୍ତି, ତାହେଲେ ଏଠାରେ ଦେଖନ୍ତୁ। ଏହି ଭିଡିଓଟି ମାତ୍ର ୧୫ ସେକେଣ୍ଡର। ଏହି ଭିଡିଓକୁ ଏପର୍ଯ୍ୟନ୍ତ ୭୬ହଜାରରୁ ଅଧିକ ଲୋକ ଦେଖି ସାରିଛନ୍ତି। ସୋଶାଲ ମିଡିଆରେ ଭିଡିଓଟି ଖୁବ୍ ଭାଇରାଲ୍ ହୋଇଛି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos