ନୂଆଦିଲ୍ଲୀ: ବିବାହକୁ ସ୍ୱତନ୍ତ୍ର କରିବା ପାଇଁ କପଲ୍ ମାନେ ବିଭିନ୍ନ ଉପାୟ ଆପଣାଉଛନ୍ତି। ବିବାହ ଦିନକୁ ରଙ୍ଗିନ୍ କରିବା ପାଇଁ କିଛି ଲୋକ ବହୁତ ଟଙ୍କା ଖର୍ଚ୍ଚ କରନ୍ତି। କିନ୍ତୁ ଟେକ୍ସାସରେ ରହୁଥିବା ଦମ୍ପତ୍ତି ବିବାହକୁ ବେଶ୍ ନିଆରା ଢଙ୍ଗରେ କରିଛନ୍ତି। ଏହି ଦମ୍ପତ୍ତି ଘରେ ବା କୌଣସି ବିବାହ ମଣ୍ଡପରେ ବିବାହ ନ କରି ଡାକ୍ତରଖାନରେ ବିବାହ କରିଛନ୍ତି।
ସୂଚନା ଅନୁଯାୟୀ, ଆଲିୟାହ ଓ ମାଇକେଲ ଦୁହିଁଙ୍କ ବିବାହ ଦିନ ସ୍ଥିର ହେବା ପରେ ମାଇକେଲଙ୍କ ବାପାଙ୍କ ଦେହ ଖରାପ ହୋଇ ଯାଇଥିଲା। ତାଙ୍କୁ ଡାକ୍ତରଖାନାରେ କିଛି ଦିନ ରହିବାର ଥିଲା। ତା ଭିତରେ ବିବାହ ତାରିଖ ରହିଯାଉଥିଲା। କିନ୍ତୁ ସେ ତାରିଖରେ ବାପା ଡକ୍ତରଖାନାରେ ରହିବେ ବୋଲି ବିବାହ ତାରିଖ ଘୁଞ୍ଚାଇଦେବା ପାଇଁ କିଛି ଲୋକ ପରାମର୍ଶ ଦେଇଥିଲେ। କିନ୍ତୁ ମାଇକେଲ ଧାର୍ଯ୍ୟ ତାରିଖରେ ହିଁ ବିବାହ କରିବାର ନିଷ୍ପତ୍ତି ନେଇଥିଲେ। ଯେଉଁଥିପାଇଁ ସେ ବାପା ରହୁଥିବା ଡାକ୍ତଖାନା ଯାଇ ତାଙ୍କ ସମ୍ମୁଖରେ ବିବାହ କରିଥିଲେ।
ଚାକଚକ୍ୟ ପୋଷାକ ପିନ୍ଧିବା ବଦଳରେ ସେମାନେ ଡାକ୍ତରଖାନା ପୋଷାକ ପିନ୍ଧି ବିବାହ କରିଥିଲେ। ଏବେ ଦୁହିଁଙ୍କ ବିବାହ ଫଟୋ ସୋଶାଲ୍ ମିଡିଆରେ ଭାଇରାଲ ହେଉଛି। ଫଟୋରେ ଦୁହେଁ ପରସ୍ପରକୁ ମୁଦି ପିନ୍ଧାଉଥିବା ଦେଖାଯାଇଛି।
ତେବେ ମାଇକେଲ ସାଧାରଣ ବିବାହ ପାଇଁ ଡାକ୍ତରଖାନା କର୍ତ୍ତୃପକ୍ଷଙ୍କଠାରୁ ଅନୁମତି ମାଗିଥିବା ବେଳେ ବିବାହ ଦିନ ଡାକ୍ତରଖାନା କର୍ତ୍ତୃପକ୍ଷ କେକ୍ର ବ୍ୟବସ୍ଥା କରିଥିଲେ। ଯାହା ମାଇକେଲଙ୍କୁ ଆଶ୍ଚର୍ଯ୍ୟ କରିବା ସହ ଖୁସି ଦେଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
