୫ମ ଦିନିକିଆ: ଭାରତର ବ୍ୟାଟିଂ ବିପର୍ଯ୍ୟୟ

ହ୍ୟାମିଲଟନ୍‌: ୱେଲିଙ୍ଗଟନ୍‌ରେ ଭାରତ ଓ ନ୍ୟୁଜିଲ୍ୟାଣ୍ଡ ମଧ୍ୟରେ ୫ମ ତଥା ଶେଷ ଦିନିକିଆ ଆରମ୍ଭ ହୋଇଛି। ବିରାଟ କୋହଲିଙ୍କ ଅନୁପସ୍ଥିତିରେ ଟିମ୍‌ ଇଣ୍ଡିଆ ରୋହିତ ଶର୍ମାଙ୍କ ନେତୃତ୍ୱରେ ପଡ଼ିଆକୁ ଓହ୍ଲାଇଛି। ଟସ୍‌ ଜିତି ବ୍ୟାଟିଂ ନିଷ୍ପତ୍ତି ନେଇଥିବା ଭାରତକୁ ପ୍ରାରମ୍ଭିକ ଝଟକା ଲାଗିଛି।  ଦଳ ୬ ଓଭରରେ ଦୁଇ ୱିକେଟ୍‌ ହରାଇ ୧୨ ରନ୍‌ କରିଛି।

ଅଧିନାୟକ ରୋହିତ ଶର୍ମା ମାତ୍ର ୨ ରନ୍‌ କରି ଆଉଟ୍‌ ହୋଇଯାଇଛନ୍ତି। ସେହିପରି ଅନ୍ୟତମ ଓପ୍‌ନର ଶିଖର ଧୱନ ୬ ରନ୍‌ କରି ପ୍ୟାଭିଲିୟନ୍‌ ଫେରିଛନ୍ତି।

ମ୍ୟାଟ୍‌ ହେନରୀ, ରୋହିତଙ୍କୁ ବୋଲ୍ଡ କରିଥିବା ବେଳେ ଧୱନ ଟ୍ରେଣ୍ଟ ବୋଲ୍ଟଙ୍କ ଶିକାର ହୋଇଛନ୍ତି।

୫ଟିକିଆ ଦିନିକିଆ ସିରିଜକୁ ଭାରତ ୩-୧ରେ ଜିତି ସାରିଛି। ପ୍ରଥମ ୩ଟି ମ୍ୟାଚ୍‌ ଜିତି ଭାରତ ସିରିଜ୍‌ ଜିତିଥିବା ବେଳେ ଚତୁର୍ଥ ମ୍ୟାଚ୍‌ ନ୍ୟୁଜିଲ୍ୟାଣ୍ଡ ଜିତିଥିଲା।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।