ଆନ୍ତର୍ଜାତିକ କ୍ରିକେଟରୁ ଜାହିର ଖାନଙ୍କ ଅବସର

ନୂଆଦିଲ୍ଲୀ: ଆନ୍ତର୍ଜାତିକ କ୍ରିକେଟରୁ ଅବସର ନେଲେ ପେସ୍ ବୋଲର୍ ଜାହିର ଖାନ୍। ସେ ଆଜି ଏନେଇ ନିଜ ଟ୍ୱିଟର ଆକାଉଣ୍ଟରେ ବିଧିବଦ୍ଧ ଘୋଷଣା କରିଛନ୍ତି। ଜାହିର ୯୨ଟି ଟେଷ୍ଟ୍ ମ୍ୟାଚ୍ ଖେଳି ୩୧୧ଟି ୱିକେଟ୍ ଓ ୨ ଶହ ଏକଦିବସୀୟ ଖେଳି ୨୮୨ ଟି ୱିକେଟ ଅକ୍ତିଆର କରିଛନ୍ତି। ସେହିପରି ୧୭ଟି ଟି-ଟ୍ୱେଣ୍ଟି ମ୍ୟାଚ୍ ଖେଳିଛନ୍ତି। ଜ୍ୟାକ୍ ନାଁରେ ପରିଚିତ ଜାହିର ଖାନ୍ ଶେଷ ଥର ପାଇଁ ୨୦୧୪ ଫେବୃୟାରୀରେ ବେଲିଂଟନଠାରେ ନ୍ୟୁଜିଲାଣ୍ଡ ବିପକ୍ଷରେ ଟେଷ୍ଟ ମ୍ୟାଚ ଖେଳିଥିଲେ। କାନ୍ଧର ଆଘାତ ଯୋଗୁ ମୁମ୍ୱାଇରେ ଖେଳାଯାଇଥିବା ୨୦୧୪ ଓ ୨୦୧୫ ରଣଜୀ ଟ୍ରଫିରୁ ମଧ୍ୟ ବାଦ୍ ପଡିଥିଲେ। ଆସନ୍ତା ଆଇପିଏଲ୍ ଜାହିରଙ୍କ ଶେଷ କ୍ରିକେଟ ଟୁର୍ଣ୍ଣାମେଣ୍ଟ ହେବ।