ଅର୍ଜୁନ୍ ପୁରସ୍କାର ପାଇଁ ଜିତୁଙ୍କ ସମେତ ୩ ଜଣଙ୍କ ନାଁ ସୁପାରିଶ କଲା ରାଇଫଲ ସଂଘ

ନୂଆଦିଲ୍ଲୀ: ଚଳିତ ବର୍ଷ  ସମ୍ମାନଜନକ ଅର୍ଜୁନ୍ ପୁରସ୍କାର ପାଇଁ ସୁଟର ଜିତୁ ରାୟ, ରାହି ସରଣୋବତ ଓ ପିଏନ୍ ପ୍ରକାଶଙ୍କ ନାମ ସୁପାରିଶ କରିଛି ନ୍ୟାସନାଲ ରାଇଫଲ୍ ଅସୋସିଏସନ୍ ଅଫ୍ ଇଣ୍ଡିଆ (ଏନ୍ଆରଏଆଇ )।

୨୮ ବର୍ଷୀୟ ଜିତୁ  ଗତ ବର୍ଷ ଜୁନରୁ ଏଯାବତ ରେକର୍ଡ ସଂଖ୍ୟକ ୭ଟି ମେଡାଲ ଜିତି ସାରିଲେଣି। ଏଇ ନିକଟରେ ସେ ସାଉଥ କୋରିଆରେ ଅନୁଷ୍ଠିତ ହୋଇଥିବା ଆଇଏସଏସଏଫ୍ ବିଶ୍ୱକପରେ ୧୦ ମିଟର ଏୟାର ପିସ୍ତଲ ଚାଳନାରେ ବ୍ରୋଞ୍ଜ ପଦକ ଜିତି ଥିଲେ। ଗୋର୍ଖ ରେଜିମେଣ୍ଟର ୧୧ର ବାଟାଲିୟନରେ ନିଯୁକ୍ତ ହୋଇଥିବା ଜିତୁ ରାୟ ୨୦୧୪ ରାଜ୍ୟଗୋଷ୍ଠୀ ଓ ଏସିଆନ୍ ଗେମ୍ସରେ ସ୍ୱର୍ଣ୍ଣ ପଦକ ଜିତିଥିଲେ। ସେହିପରି ସ୍ପେନରେ ଅନୁଷ୍ଠିତ ଆଇଏସଏସଏଫ ୱାଲର୍ଡ ଚାମ୍ପିଅନସିପରେ ରୌପ୍ୟ ପଦକ ଜିତିଥିଲେ। ଆଉ ଏହା ତାଙ୍କୁ ଆସନ୍ତା ରିଓ ଅଲମ୍ପିକ ଗେମ୍ସରେ ଖେଳିବାକୁ ସିଧାସଳଖ ସୁଯୋଗ ପ୍ରଦାନ କରିଛି।

ସେହିଭଳି ରାଜ୍ୟଗୋଷ୍ଠୀ କ୍ରୀଡ଼ାରେ ସ୍ୱର୍ଣ୍ଣ ପଦକ ଓ ଏସିଆନ ଗେମ୍ସରେ ରୌପ୍ୟ ପଦକ ଜିତିଥିବା ସରଣୋବତଙ୍କ ନାମ ବି ଅର୍ଜୁନ ପୁରସ୍କାର ପାଇଁ ସୁପାରିଶ କରିଛି ଏନ୍ଆରଏଆଇ।

ବେଙ୍ଗଲୁରୁର ପିଏନ୍ ପ୍ରକାଶ ଗତ ବର୍ଷ ଗ୍ଲାସଗୋ ଗେମ୍ସରେ ରୌପ୍ୟ ପଦକ ହାତେଇ ଥିଲେ। ସେହିପରି ଗତବର୍ଷ ପୁନେରେ ଅନୁଷ୍ଠିତ ହୋଇଥିବା ୫୮ ତମ ଜାତୀୟ ସୁଟିଂ ଚାମ୍ପିଅନସିପରେ ଚାମ୍ପିଅନ୍ ଅଫ୍ ଚାମ୍ପିଅନ୍ ହୋଇଥିଲେ। ୨୦୧୩ ବିଶ୍ୱକପରେ ମଧ୍ୟ ସେ ବ୍ରୋଞ୍ଜ ପଦକ ଜିତି ଥିଲେ। ଏହି ସମାନ ଟୁର୍ନାମେଣ୍ଟରେ ସରଣୋବତ ଏକ ସ୍ୱର୍ଣ୍ଣ ପଦକ ଜିତି ଇତିହାସ ରଚିଥିଲେ। ପିସ୍ତଲ ସୁଟର ଭାବେ ଏକ ବିଶ୍ୱକପରେ ସ୍ୱର୍ଣ୍ଣ ପଦକ ଜିତିବାରେ ସେ ହେଉଛନ୍ତି ପ୍ରଥମ ଭାରତୀୟ।

ଆହୁରି ପଢ଼ନ୍ତୁ

ସାରଜାରେ ରନ ବର୍ଷା: ଫିକା ପଡ଼ିଲା ମୟଙ୍କ ଅଗ୍ରୱାଲଙ୍କ ଶତକ, ରାଜସ୍ଥାନର ଚମତ୍କାର ବିଜୟ

ଆଇପିଏଲରେ ମୟଙ୍କ ଅଗ୍ରୱାଲଙ୍କ ପ୍ରଥମ ଶତକ: ପଞ୍ଜାବର ବିଶାଳ ୨୨୩

ଟସ୍‌ ଜିତିଲେ ସ୍ମିଥ, ବୋଲିଂ କରିବ ରାଜସ୍ଥାନ: ଫେରିଲେ ବଟଲର

ସୁପର୍ ସଣ୍ଡେ’ରେ ରୟାଲ୍ସକୁ ଭେଟିବ କିଙ୍ଗସ୍ ଇଲେଭେନ୍: ଫେରି ପାରନ୍ତି ବଟଲର୍ ଓ ଗେଲ୍

ଗିଲ୍‌ଙ୍କ ଦମଦାର ବ୍ୟାଟିଂ, ବିଜୟ ଅଭିଯାନ ଆରମ୍ଭ କଲା କୋଲକାତା

୧୪୨ ରନ୍‌ରେ ଅଟକିଲା ହାଇଦ୍ରାବାଦ

ଟସ୍‌ ଜିତିଲେ ୱାର୍ଣ୍ଣର: ବୋଲିଂ କରିବ କୋଲକାତା

ପୁଣି ହାରିଲା ଧୋନିଙ୍କ ଚେନ୍ନାଇ, ଦିଲ୍ଲୀର ଦ୍ୱିତୀୟ ବିଜୟ

ଚେନ୍ନାଇ ଆଗରେ ୧୭୬ ରନ୍‌ର ଟାର୍ଗେଟ, ଶ’ଙ୍କ ବିସ୍ଫୋରକ ୬୪

ପୁଣି ଟସ୍‌ ଜିତିଲେ ଧୋନି, ବ୍ୟାଟିଂ କରିବ ଦିଲ୍ଲୀ

ଗାଭାସ୍କରଙ୍କ ଟିପ୍ପଣୀ ’ଅରୁଚିକର’: ଅନୁଷ୍କା

କେଏଲ ରାହୁଲଙ୍କ ନାଁରେ ଏକାଧିକ ରେକର୍ଡ, ସଚିନ ବି ପଛରେ ପଡ଼ିଲେ