ଏସିଆନ ଆଥଲେଟିକ୍ସ ପାଇଁ ଭାରତୀୟ ଦଳ ଘୋଷଣା; ଓଡ଼ିଶାରୁ ଶ୍ରାବଣୀ ଓ ପୂର୍ଣ୍ଣିମା ସାମିଲ

ନୂଆଦିଲ୍ଲୀ: ଏସିଆନ ଆଥଲେଟିକ୍ସ ପାଇଁ ଗୁରୁବାର ଭାରତୀୟ ଦଳ ଘୋଷଣା କରାଯାଇଛି। ଏଥିରେ ଓଡ଼ିଶାରୁ ଦୁଇ ଜଣ ଖେଳାଳି ସ୍ଥାନ ପାଇଛନ୍ତି। ସେମାନେ ହେଲେ ଶ୍ରାବଣୀ ନନ୍ଦ ଓ ପୂର୍ଣ୍ଣିମା ହେମ୍ବ୍ରମ। ୧୦୦ ଓ ୨୦୦ ମିଟର ଦୌଡ଼ ପାଇଁ ଶ୍ରାବଣୀଙ୍କୁ ଟିମରେ ସାମିଲ କରାଯାଇଛି। ସେହିପରି ପୂର୍ଣ୍ଣିମା ହେପ୍ଟାଥାଲାନ ପାଇଁ ମନୋନୀତ ହୋଇଛନ୍ତି।

ସୂଚନାଯୋଗ୍ୟ, ମେ’ ପ୍ରଥମ ସପ୍ତାହରେ କର୍ଣ୍ଣଟକର ମାଙ୍ଗାଲୋର ଠାରେ ଅନୁଷ୍ଠିତ ସିନିୟର ଆଥଲେଟିକ୍ ଚାମ୍ପିଅନସିପରେ ଉଭୟ ୧୦୦ ଓ ୨୦୦ ମିଟର ଦୌଡ଼ରେ ଶ୍ରାବଣୀଙ୍କୁ ମିଳିଥିଲା ଦୁଇଟି ସ୍ୱର୍ଣ୍ଣ। ସେହିଭଳି ପୂର୍ଣ୍ଣିମା ମଧ୍ୟ ଏଥିରେ ହେପ୍ଟାଥାଲାନରେ ସ୍ୱର୍ଣ୍ଣ ପଦକ ଜିତି ଥିଲେ।