ଏସୀୟ କ୍ରୀଡା: 25 ମିଟର ପିସ୍ତଲ ଟିମ୍ ଇଭେଣ୍ଟରେ ଭାରତ ଜିତିଲା ସ୍ୱର୍ଣ୍ଣ

ଏସୀୟ କ୍ରୀଡାରେ ଭାରତକୁ ଆଉ ଏକ ସ୍ୱର୍ଣ୍ଣ। ଚୀନର ହାଙ୍ଗଝୌରେ ଆୟୋଜିତ 19ତମ ଏସିଆନ୍ ଗେମ୍ସରେ ଭାରତକୁ ମିଳିଛି ଚତୁର୍ଥ ସ୍ୱର୍ଣ୍ଣ ପଦକ। ମହିଳା 25 ମିଟର ପିସ୍ତଲ ଟିମ୍ ଇଭେଣ୍ଟ ଫାଇନାଲରେରେ ବିଜୟୀ ହୋଇ ଗୋଲ୍ଡ ମେଡାଲ୍ ହାସଲ କରିଛନ୍ତି। 

ମାନୁ ଭାକର, ଇଶା ସିଂହ ଓ ଆର୍ ସାଙ୍ଗୱାନ୍ ଆୟୋଜକ ଟିମ୍ ଚୀନକୁ ହରାଇ ଭାରତକୁ ଏହି ସ୍ୱର୍ଣ୍ଣ ଭେଟି ଦେଇଛନ୍ତି। ସେହିପରି ଚଳିତ ଏସୀୟ କ୍ରୀଡାରେ ଆଜି ଭାରତକୁ ଆଉ ଏକ ପଦକ ମିଳିଛି। ମହିଳା 50 ମିଟର ରାଇଫଲ 3 ପୋଜିସନ୍ ଟିମ୍ ରୌପ୍ୟ ବିଜୟୀ ହୋଇଥନ୍ତି। ସିଫ୍ତ କୌର ସାମ୍ରା, ଆଶି ଚୌକଶି ଓ ମାନିନୀ କୌଶିକ ଟିମ୍ ଇଭେଣ୍ଟରେ ରୌପ୍ୟ ଜିତିଛନ୍ତି। 

ଏହି ବିଜୟ ସହ ଭାରତ ପଦକ ସଂଖ୍ୟା 16ରେ ପହଞ୍ଚିଛି। ଏଥିସହ ପଦକ ତାଲିକାର ସପ୍ତମରେ ରହିଛି ଭାରତ। ବର୍ତ୍ତମାନ ସୁଦ୍ଧା ଦେଶକୁ 4 ସ୍ୱର୍ଣ୍ଣ, 5 ରୌପ୍ୟ ଏବଂ 7ଟି କାଂସ୍ୟ ମିଳିଛି।