ଏସୀୟ କ୍ରୀଡାରେ ଭାରତକୁ ଆଉ ଏକ ପଦକ, ପୋତଚାଳନାରେ ମିଳିଲା ରୌପ୍ୟ

ଚୀନର ହାଙ୍ଗଝୌରେ ଖେଳାଯାଉଥିବା ଏସୀୟ କ୍ରୀଡାରେ ଭାରତକୁ ମିଳିଲା ଆଉ ଏକ ପଦକ। ପୋତଚାଳନାରେ ନେହା ଠାକୁର ପ୍ରଥମ କରି ଭେଟି ଦେଲେ ରୌପ୍ୟ। ପ୍ରତିଯୋଗିତାର ତୃତୀୟ ଦିନରେ ଭାରତର ପଦକ ସଂଖ୍ୟା 12କୁ ବୃଦ୍ଧି ପାଇଛି। ଗତକାଲି ଗୋଟିଏ ଦିନରେ ଭାରତ ଜିତିଥିଲା ଦୁଇଟି ସୂର୍ଣ୍ଣ ପଦକ। 

ଡିଙ୍ଗି ILCA-4 ମୋଟ 11 ରେସର ଏକ ପ୍ରତିଯୋଗିତା ଥିଲା। ଏଥିରେ ନେହା ମୋଟ 32 ପଏଣ୍ଟ ହାସଲ କରି ରୋପ୍ୟ ପଦକ ଜିତିଛନ୍ତି। ଚଳିଚ ସଂସ୍କରଣରେ ଏପର୍ଯ୍ୟନ୍ତ ପୋତଚାଳନାରେ କୌଣସି ପଦକ ଆସିନଥିଲା। ନେହା ପ୍ରଥମ କରି ରୌପ୍ୟ ଭେଟି ଦେଇଛନ୍ତି। ତାଙ୍କ ବିଜୟରେ କେନ୍ଦ୍ର ମନ୍ତ୍ରୀ କିରଣ ରିଜିଜୁ ତାଙ୍କୁ ଶୁଭେଚ୍ଛା ଜଣାଇଛନ୍ତି।

Great performance by Neha Thakur who represented India in the Girl's Dinghy - ILCA 4 category. Hearty congratulations on winning the SILVER MEDAL at the #AsianGames2022
A good beginning as this is India's 1st medal in Sailing!#Cheer4India#JeetegaBharat 🇮🇳 pic.twitter.com/z3FYHPraHt

— Kiren Rijiju (@KirenRijiju) September 26, 2023

ଏସୀୟ କ୍ରୀଡାର 19ତମ ସଂସ୍କରଣରେ ଭାରତ ଏପର୍ଯ୍ୟନ୍ତ 12ଟି ପଦକ ହାସଲ କରିଛି। ଏଥିରେ 2 ଟି ସ୍ୱର୍ଣ୍ଣ, 4 ଟି ରୌପ୍ୟ ଏବଂ 6 ଟି ବ୍ରୋଞ୍ଜ ପଦକ ରହିଛି। ଗତକାଲି ମହିଳା କ୍ରିକେଟ ଏବଂ ସୁଟିଂରେ ଦୁଇଟି ସୂର୍ଣ୍ଣ ସମେତ 6 ଟି ପଦକ ଜିତିଥିଲା ଭାରତ। ଆଜିର ପୁରୁଷ ହକି ଗ୍ରୁପ ପର୍ଯ୍ୟାୟର ଦ୍ୱିତୀୟ ମୁକାବିଲାରେ ସିଙ୍ଗାପୁରକୁ ହରାଇଛନ୍ତି ଭାରତୀୟ ହକି ଟିମ୍।