ବର୍ମିଂହାମ: ରାଜ୍ୟଗୋଷ୍ଠୀ କ୍ରୀଡ଼ାର ପ୍ରଥମ ମୁକାବିଲାରେ ନିଜର ଦମ ଦେଖାଇଛନ୍ତି ଭାରତୀୟ ବକ୍ସର ମହମ୍ମଦ ହସମୁଦ୍ଦିନ। ସେ ୫୭ କେଜି ବର୍ଗର ପ୍ରି କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି। ଆଜିର ରାଉଣ୍ଡ ୩୨ ମୁକାବିଲାରେ ମହମ୍ମଦ ହସମୁଦ୍ଦିନ ଦକ୍ଷିଣ ଆଫ୍ରିକାର ଆମଜୋଲେଲେ ଡିଙ୍କୁ ୫-୦ରେ ପରାସ୍ତ କରି ପରବର୍ତ୍ତୀ ରାଉଣ୍ଡରେ ପ୍ରବେଶ କରିଛନ୍ତି। ଆମଜୋଲେଲେଙ୍କ ବିରୋଧରେ ଭାରତୀୟ ବକ୍ସର ହସମୁଦ୍ଦିନଙ୍କ ପଞ୍ଚ ଓ ପାଦର ମୁଭମେଣ୍ଟ ବେଶ ଚମତ୍କାର ରହିଥିଲା। ଏଥିପାଇଁ ସେ ୫ ଜଣ ବିଚାରପତିଙ୍କ ସର୍ବସମ୍ମତିକ୍ରମେ ବିଜୟୀ ହୋଇଛନ୍ତି।
୩ଟି ଯାଉ ରାଉଣ୍ଡରେ ସେ ତାଙ୍କର ଦବଦବା ଦେଖାଇଥିଲେ। ପ୍ରଥମ ରାଉଉଣ୍ଡରେ ୫ ଜଣ ଯାକ ଜଜ ଭାରତର ହସମୁଦ୍ଦିନଙ୍କୁ ୧୦ ଲେଖାଏ ପଏଣ୍ଟ ଦେଇଥିବା ବେଳେ ଆମଜୋଲେଲେ ୯ ପଏଣ୍ଟ ଲେଖାଏ ପାଇଥିଲେ। ଦ୍ୱିତୀୟ ଓ ତୃତୀୟ ରାଉଣ୍ଡରେ ମଧ୍ୟ ପୂରା ୫ ଜଜଙ୍କ ଠାରୁ ହସମୁଦ୍ଦିନ ୫୦ ପଏଣ୍ଟ ଲେଖାଏ ପାଇଛନ୍ତି। ଏବେ କ୍ୱାର୍ଟର ଫାଇନାଲରେ ନିଜର ସ୍ଥାନ ପକା କରିବା ପାଇଁ ହସମୁଦ୍ଦିନ ବାଂଲାଦେଶର ମହମ୍ମସ ସଲିମ ହୁସେନଙ୍କୁ ଭେଟିବେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।