ଅଲିମ୍ପିକ୍ସ ପଦକ ବିଜେତା ରେସଲର ବଜରଙ୍ଗ ପୁନିଆଙ୍କୁ ବଡ଼ ଝଟକା। ତାଙ୍କୁ ନ୍ୟାସନାଲ ଆଣ୍ଟିଂ ଡୋପିଂ ଏଜେନ୍ସି (NADA) ସସ୍ପେଣ୍ଡ୍ କରିଛି। ସେ ମୂତ୍ର ନମୁନା ପରୀକ୍ଷଣ ପାଇଁ ନ ଦେବାରୁ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ କରାଯାଇଛି। ତାଙ୍କୁ ଡୋପିଂ ଟେଷ୍ଟ ପାଇଁ ମୂତ୍ର ନମୁନା ପରୀକ୍ଷା ପାଇଁ ଦେବାକୁ ଡୋପିଂ କଣ୍ଟ୍ରୋଲ ଅଫିସର (DCO) କହିଥିଲେ।
ତଥାପି ସେ ଏହାକୁ ଖାତିର କରତ ନଥିଲେ। ତେଣୁ ତାଙ୍କୁ ଜୁଲାଇ ୧୧ ଯାଏ ରେସଲିଂରୁ ନିଲମ୍ବିତ କରାଯାଇଛି। ସେହିପରି ଜୁଲାଇ ୧୧ ସୁଦ୍ଧା ସସ୍ପେଣ୍ଡ୍ ନୋଟିସ୍ ଉପରେ ଉତ୍ତର ରଖିବାକୁ ନିର୍ଦ୍ଦେଶ ଦିଅଯାଇଛି। ଯଦି ସେ ଉତ୍ତର ନ ଦେବେ, ତା’ହେଲେ ନିଲମ୍ବନ ଆଦେଶକୁ ପୁଣି ବୃଦ୍ଧି କରାଯିବ।
Also Read
ନାଡା ପକ୍ଷରୁ କୁହାଯାଇଛି ଯେ ବଜରଙ୍ଗ ତାଙ୍କ ମୂତ୍ର ନମୁନା ପରୀକ୍ଷା ପାଇଁ ଦେଇ ନଥିଲେ। ନାଡା ପୁରୁଣା ଯୁଗର ପରୀକ୍ଷା କିଟ୍ ବ୍ୟବହାର କରୁଛି ଓ ଏହା ଉପରେ ସେ ନାଡାକୁ ଜବାବ ମାଗିଥିଲେ। ଏପରି ହରକତ ପାଇଁ ବଜରଙ୍ଗଙ୍କୁ ଡିସିଓ ପକ୍ଷରୁ ବାରମ୍ବାର ଚେତାବନୀ ଦିଆଯାଇଥିଲା। ତଥାପି ଏହାକୁ ବଜରଙ୍ଗ ଖାତିର କରି ନଥିଲେ। ତେଣୁ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନୋଟିସର ଜବାବ ଦେବାକୁ କୁହାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
