ନୂଆଦିଲ୍ଲୀ: ରାଜ୍ୟଗୋଷ୍ଠୀ କ୍ରୀଡ଼ାର ଦୁଇଥର ସ୍ୱର୍ଣ୍ଣ ପଦକ ବିଜେତା ଭାରତୀୟ ଭାରୋତ୍ତଳକ କେ. ସଞ୍ଜିତା ଚାନୁଙ୍କ ଉପରେ ଲଗାଯାଇଥିବା ପ୍ରତିବନ୍ଧକ ହଟାଇ ଦିଆଯାଇଛି। ଆନ୍ତରାଷ୍ଟ୍ରୀୟ ଭାରୋତ୍ତଳନ ମହାସଂଘ (IWF) ପ୍ରତିବନ୍ଧକ ହଟାଇ ଦେଇଥିବା IWF ଓକିଲ ଭାରତୀୟ ଭାରତ୍ତୋଳନ ମହାସଂଘ ଓ ସଞ୍ଜିତାଙ୍କୁ ସୂଚନା ଦେଇଛନ୍ତି।
ସେ ସଞ୍ଜିତା ଓ ଭାରତୀୟ ଭାରୋତ୍ତଳନ ମହାସଂଘକୁ ପଠାଇଥିବା ଇମେଲ୍ରେ କହିଛନ୍ତି, “ମୋତେ ମିଳିଥିବା ସୂଚନା ଅନୁସାରେ ସଞ୍ଜିତାଙ୍କ ଉପରେ ଲଗାଯାଇଥିବା ଅସ୍ଥାୟୀ ପ୍ରତିବନ୍ଧକ ହଟାଇ ଦେବାକୁ IWF ନିଷ୍ପତ୍ତି ନେଇଛି। ୨୦୧୯ ଜାନୁଆରୀ ୨୨ ତାରିଖରେ ଏହି ପ୍ରତିବନ୍ଧକ ହଟାଇ ଦିଆଯିବ।”
ସୂଚନାଯୋଗ୍ୟ, ୨୦୧୮ ଗୋଲ୍ଡକୋଷ୍ଟ ରାଜ୍ୟଗୋଷ୍ଠୀ କ୍ରୀଡ଼ାରେ ୫୩ କେଜି ବର୍ଗରେ ସ୍ୱର୍ଣ୍ଣ ପଦକ ଜିତିଥିଲେ ସଞ୍ଜିତା। ହେଲେ ଡୋପ୍ ଟେଷ୍ଟରେ ସେ ବିଫଳ ହୋଇଥିଲେ। ଏହାପରେ IWF ଗତବର୍ଷ ମେ’ ମାସରେ ତାଙ୍କ ଉପରେ ଅସ୍ଥାୟୀ ନିଲମ୍ବନ ଲଗାଇଥିଲା।