ହେସନଙ୍କୁ ହାସେନ ଲେଖି ଟ୍ରୋଲ୍ ହେଲା ବିସିସିଆଇ

ନୂଆଦିଲ୍ଲୀ: ସୋଶାଲ ମିଡିଆରେ ଜୋରଦାର ଟ୍ରୋଲର ଶିକାର ହୋଇଛି ବିସିସିଆଇ। ବିସିସିଆଇର ସିଏସି କମିଟି ଗତକାଲି ଟିମ୍‌ ଇଣ୍ଡିଆର ମୁଖ୍ୟ କୋଚଙ୍କ ନାଁ ଘୋଷଣା କରିଥିଲା। ରବି ଶାସ୍ତ୍ରୀ ପୁଣିଥରେ କୋଚ ଭାବେ ନିଯୁକ୍ତି ପାଇଛନ୍ତି।

କିନ୍ତୁ କୋଚ ଦୌଡ଼ରେ ଟମ ମୁଡି ଓ ମାଇକ୍‌ ହେସନ (Mike Hesson) ରହିଥିଲେ। ବିସିସିଆଇ ପକ୍ଷରୁ ଏ ସମ୍ପର୍କରେ ଏକ ଅଫିସିଆଲ ପ୍ରେସ ରିଲିଜ୍‌ ଦ୍ୱାରା ସମସ୍ତଙ୍କୁ ଅବଗତ କରାଯାଇଥିଲା। ତେବେ ଅଫିସିଆଲ ପ୍ରେସ ରିଲିଜ୍‌ରେ ବିସିସିଆଇ ହେସନ ଲେଖିବା ବଦଳରେ ହାସେନ ଲେଖି ଦେଇଥିଲା।

ଏହାକୁ ଟ୍ୱିଟର ବ୍ୟବହାରକାରୀ ଜୋରଦାର ଟ୍ରୋଲ କରିଛନ୍ତି। ହାସେନ କିଏ ବୋଲି ମଧ୍ୟ ଅନେକ ଲୋକେ ପ୍ରଶ୍ନ କରିଛନ୍ତି।