କ୍ରିକେଟ ଇତିହାସରେ ଘଟିଛି ବିରଳ ଘଟଣା। ଗୋଟିଏ ବଲରେ ହୋଇଛି ୬ କିମ୍ବା ୪ ନୁହେଁ ବରଂ ୧୮ ରନ। ଶୁଣିବାକୁ ଆଶ୍ଚର୍ଯ୍ୟ ଲାଗୁଥିବ। କିନ୍ତୁ ତାମିଲନାଡୁ ପ୍ରିମିୟର ଲିଗ (ଟିଏନପିଏଲ)ର ଗୋଟିଏ ମ୍ୟାଚ୍ରେ ଏପରି ଘଟଣା ଘଟିଛି। ଚେପକ ସୁପର ଗିଲସ ଓ ସାଲେମ ସ୍ପାର୍ଟନ୍ସ ମଧ୍ୟରେ ଚାଲିଥିବା ମ୍ୟାଚ୍ରେ ଗୋଟିଏ ବଲରୁ ୧୮ ରନ ଦେଖିବାକୁ ମିଳିଛି।
ଗୋଟିଏ ବଲରେ ଏତେ ରନ କୌଣସି ସାଧାରଣ ଖେଳାଳି ନୁହନ୍ତି, ବରଂ ସ୍ପାର୍ଟନ୍ସର ଅଧିନାୟକ ଅଭିଷେକ ତନୱର ଦେଇଛନ୍ତି। ସେ ଇନିଂସର ଶେଷ ଓଭରର ଶେଷ ବଲ୍ରେ ୧୮ ରନ ଖର୍ଚ୍ଚ କରି ଲଜ୍ଜାଜନକ ରେକର୍ଡର ଅଧିକାରୀ ହୋଇଛି।
Also Read
ଟିଏନପିଏଲର ୨୦୨୨ ସଂସ୍କରଣରେ ତନୱର ସର୍ବାଧିକ ୱିକେଟ ଦଖଲକାରୀ କ୍ରିକେଟର ରହିଥିଲେ। ହେଲେ ଚଳିତ ବର୍ଷ ସୁର ଗିଲ୍ସ ବିପକ୍ଷ ମ୍ୟାଚ୍ରେ ସେ ଆଦୌ ଲୟ ପାଇ ନାହାନ୍ତି। ଶେଷରେ ସେ ୨୦ତମ ଓଭର୍ର ଶେଷ ବଲରେ ସେ ୧୮ ରନ ଖର୍ଚ୍ଚ କରିଛନ୍ତି।
ଶେଷ ଓଭରରେ ସେ ମୋଟ ୨୬ ରନ ଦେଇଥିବା ବେଳେ ଗୋଟିଏ ବଲରେ ୧୮ ରନ ଦେଇଛନ୍ତି। ଏହି ମହଙ୍ଗା ଓଭର ଯୋଗୁ ସୁପର ଗିଲ୍ସ ୨୦ ଓଭର୍ରେ ୫ ୱିକେଟ ହରାଇ ୨୧୭ ରନ କରିଥିଲା।
କେମିତି ଥିଲା ଶେଷ ଓଭର୍ର ଶେଷ ବଲ
ଇନିଂସର ଶେଷ ବଲ ତନୱର ପକାଇଥିବା ବେଳେ ବ୍ୟାଟର କ୍ଲିନବୋଲ୍ଡ ହୋଇଯାଇଥିଲେ। ସମସ୍ତେ ସେଲିବ୍ରେଟ କରୁଥିବା ବେଳେ ଅମ୍ପାୟାର ନୋ-ବଲ ଘୋଷଣା କରିଥିଲେ।
ପରବର୍ତ୍ତୀ ବଲ୍ ତନୱର ପୁଣି ନୋ ପକାଇଥିବା ବେଳେ ଏହାକୁ ବ୍ୟାଟର ଛକା ମାରି ଦେଇଥିଲେ। ଫଳରେ ମୋଟ ୮ ରନ ମିଳିଥିଲା।
ଫ୍ରି ହିଟ୍ ବଲ ପୁଣି ନୋ ହୋଇଥିଲା ଓ ବ୍ୟାଟର ଦୁଇ ରନ ଆଦାୟ କରିଥିଲେ।
ତନୱାର ନର୍ଭସ ହେବା ସହ ଫ୍ରି ହିଟ୍ ବଲ ୱାଇଡ ପକାଇଥିଲେ। ସେତେବେଳକୁ ସେ ୧୨ ରନ ଦେଇ ସାରିଥିଲେ।
ଶେଷରେ ସେ ଲସିଗାଲ ବଲ ପକାଇଥିଲେ ମଧ୍ୟ ଏହା ୬କା ହୋଇଯାଇଥିଲା। ଫଳରେ ଗୋଟିଏ ବଲ୍ରେ ସେ ୧୮ ରନ ଖର୍ଚ୍ଚ କରିଥିଲେ।
The most expensive delivery ever? 1 Ball 18 runs#TNPLonFanCode pic.twitter.com/U95WNslHav
— FanCode (@FanCode) June 13, 2023
ମ୍ୟାଚ୍ ପରେ ତନୱର ଅଧିନାୟକ ଭାବେ ସବୁ ଦୋଷ ନିଜ ମୁଣ୍ଡକୁ ନେଇଛନ୍ତି। ସେ ବାରମ୍ବାର ନୋ ବଲ ପାଇଁ ପବନକୁ ଦୋଷ ଦେଇଛନ୍ତି। ସେହିପରି ସ୍ପାର୍ଟନ୍ସ ୨୧୮ ରନର ଟାର୍ଗେଟକୁ ପିଛା କରୁଥିବା ବେଳେ ୯ ୱିକେଟ ହରାଇ କେବଳ ୧୬୫ ରନ କରିବାକୁ ସକ୍ଷମ ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
