କାନପୁରରେ ଚାଲିଥିବା ବାଂଲାଦେଶ ବିପକ୍ଷ ଦ୍ୱିତୀୟ ଟେଷ୍ଟର କାଲି ହେଉଛି ଶେଷ ଦିନ। ମ୍ୟାଚ୍ ରୋମାରଞ୍ଚକର ସ୍ଥିତିରେ ରହିଛି। ଭାରତ ପ୍ରଥମ ଇନିଂସ ୨୮୫/୯ରେ ଘୋଷଣା କରିବା ପରେ ବାଂଲାଦେଶ ୨୬/୨ ସ୍ଥିତରେ ରହିଛି। ତେଣୁ ଆସନ୍ତକାଲି ମ୍ୟାଚ୍ର ମୋଡ ବଦଳି ପାରେ। ଏପରି ସ୍ଥିତିରେ ମ୍ୟାଚ୍ ଶେଷ ହେବା ପୂର୍ବରୁ ୩ ଜଣ ଖେଳାଳିଙ୍କୁ ସ୍କ୍ୱାଡରୁ ରିଲିଜ କରିଛି ବିସିସିଆଇ।
ଆସନ୍ତକାଲି ଠାରୁ ଲକ୍ଷ୍ନୌରେ ଇରାନୀ କପ ଆରମ୍ଭ ହେବ। ମୁମ୍ବାଇ ଓ ରେଷ୍ଟ ଅଫ ଇଣ୍ଡିଆ ଏହି ମ୍ୟାଚ୍ରେ ମୁହାଁମୁହିଁ ହେବେ। ଏଥିପାଇଁ ବାଂଲାଦେଶର ବିପକ୍ଷ ଟେଷ୍ଟର ଚୂଡ଼ାନ୍ତ ଏକାଦଶରେ ସାମିଲ ହୋଇ ନଥିବା ସର୍ଫରାଜ ଖାନ, ଧ୍ରୁବ ଜୁରେଲ ଓ ୟାଶ ଦୟାଲଙ୍କୁ ଆଜି ସନ୍ଧ୍ୟାରେ ବିସିସିଆଇ ସ୍କ୍ୱାଡରୁ ରିଲିଜ କରିଛି। ଏମାନେ ଆସନ୍ତାକାଲି ଠାରୁ ଆରମ୍ଭ ହେଉଥିବା ଇରାନୀ କପରେ ଭାଗ ନେବେ।
Update: Sarfaraz Khan, Dhruv Jurel and Yash Dayal have been released from India's Test squad to participate in the #IraniCup, scheduled to commence tomorrow in Lucknow. pic.twitter.com/E0AsPuIVYX
— BCCI (@BCCI) September 30, 2024
ସର୍ଫରାଜ ଇରାନୀ କପରେ ମୁମ୍ବାଇ ଟିମ ପକ୍ଷରେ ଖେଳିବେ। ସେହିପରି ଜୁରେଲ ଓ ଦୟାଲ ରେଷ୍ଟ ଅଫ ଇଣ୍ତିଆ ସ୍କ୍ୱାଡରେ ରହିଛନ୍ତି। ପୂର୍ବରୁ ମଧ୍ୟ ବିସିସିଆଇ ଏକଥା ସ୍ପଷ୍ଟ କରିଥିଲା।
ଯଦି ଇରାନୀ କପ ସ୍କ୍ୱାଡରେ ଥିବା ଖେଳାଳି ବାଂଲାଦେଶ ବିପକ୍ଷ ଦ୍ୱିତୀୟ ଟେଷ୍ଟର ଚୂଡ଼ାନ୍ତ ଏକାଦଶରେ ସ୍ଥାନ ନ ପାଇବେ, ତା’ହେଲେ ସେମାନଙ୍କୁ ୩୦ ତାରିଖରେ ରିଲିଜ କରାଯିବ। ଆଜି ସେହି ଅନୁସାରେ ୩ ଖେଳାଳିଙ୍କୁ ଭାରତୀୟ ସ୍କ୍ୱାଡରୁ ରିଲିଜ କରାଯାଇଛି।
ଆସନ୍ତକାଲି ଭାରତୀୟ ଟିମ ପାଖରେ ଚୂଡ଼ାନ୍ତ ଏକାଦଶ ବ୍ୟତୀତ ଅତିରକ୍ତ ଭାବେ କେବଳ ଦୁଇ ଜଣ ଖେଳାଳି ରହିବେ। ସେମାନେ ହେଲେ ଅକ୍ଷର ପଟେଲ ଓ କୁଲଦୀପ ଯାଦବ। ଏମାନଙ୍କ ସହ ସର୍ପୋଟ ଷ୍ଟାଫ ମଧ୍ୟ ଡ୍ରିଙ୍କ୍ସ ବ୍ରେକ ବେଳେ ଖେଳାଳିଙ୍କ ସହାୟତା କରିବେ।