ଦୁବାଇ: ବାଲୋଚିସ୍ତାନରେ ତିଆରି ହୋଇଥିବା ଗୋଟିଏ କ୍ରିକେଟ ଷ୍ଟାଡିୟମର ଫଟୋ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି। ଚାରିପଟେ ବଡ଼ବଡ଼ ଖଣ୍ଡିଆ ପାହାଡ଼ ରହିଥିଲେ ହେଁ ଏହାର ମଧ୍ୟ ଭାଗରେ ସବୁଜ ଘାସ ଗାଲିଚାର ସୁନ୍ଦର ଷ୍ଟାଡିୟମ ତିଆରି କରାଯାଇଛି।
ଗୱାଦର ଷ୍ଟାଡିୟମର ଦୃଶ୍ୟକୁ ଯିଏ ବି ଦେଖୁଛି, ସେ ଏହାର ସୁନ୍ଦରତାରେ ବିମୋହିତ ହୋଇ ଯାଉଛି। ଆଇସିସି ପକ୍ଷରୁ ଏହାର ଏକାଧିକ ଫଟୋ ଟ୍ୱିଟ କରାଯାଇଛି। ଏଥିସହ ଗୱାଦର କ୍ରିକେଟ ଷ୍ଟାଡିୟମ ତୁଳନାରେ ଆଉ କେଉଁ ସ୍ଥାନରେ ସୁନ୍ଦର ଷ୍ଟାଡିୟମ ରହିଛି, ତା’ର ଫଟୋ ଶେୟାର କରିବାକୁ ମଧ୍ୟ ଆଇସିସି କ୍ରିକେଟ ପ୍ରେମୀଙ୍କୁ କହିଛି।
🖼️ Show us a more picturesque sports venue than the Gwadar cricket stadium in Balochistan.
We'll wait...
📸 @falamb3 pic.twitter.com/lz6nUGr9HH
— ICC (@ICC) January 31, 2021
ଏହି ଷ୍ଟାଡିୟମଟିର ଚାରିପାଖରେ ସୁଉଚ୍ଚ ପାହାଡ଼ ରହିଛି। ହେଲେ କ୍ରିକେଟ ପଡ଼ିଆଟି ସଂପୂର୍ଣ୍ଣ ସବୁଜ ବଳୟର ହୋଇଛି। ପାହାଡ଼କୁ କାଟା ଯାଇ ଏହି ଷ୍ଟାଡିୟମକୁ ଅତ୍ୟନ୍ତ ସୁନ୍ଦର ଢଙ୍ଗରେ ତିଆରି କରାଯାଇଛି। ଏହାର ଫଟୋକୁ ଦେଖି ଦକ୍ଷିଣ ଆଫ୍ରିକାର ବାମହାତୀ ସ୍ପିନର ତବ୍ରିଜ ଶାମସି କହିଛନ୍ତି, “କ’ଣ ଆମେ ୩ୟ ଟି-୨୦କୁ ଏହି ପଡ଼ିଆକୁ ସ୍ଥାନାନ୍ତର କରିପାରିବା କି? ଏହା ଦେଖିବାକୁ ଅତ୍ୟନ୍ତ ଚମତ୍କାର। ମୋ ଆଖିରେ ୩ଟି ସୁନ୍ଦର ଷ୍ଟାଡିୟମ ହେଲା-ନ୍ୟୁଲ୍ୟାଣ୍ଡସ, ଭାରତର ଧର୍ମଶାଳା ଓ ଏବେ ଏହି ଗୱାଦର ଷ୍ଟାଡିୟମ।”
Can we move the 3rd T20 to this place??
LOOKS STUNNING! 😍
The 3 most beautiful surroundings for a cricket stadium for me would be Newlands, Dharamsala and this place ❤ https://t.co/JeUKX2skmd
— Tabraiz Shamsi (@shamsi90) January 31, 2021
କେବଳ ଶାମସି ନୁହନ୍ତି, ଅନେକ କ୍ରିକେଟ ପ୍ରେମୀ ଓ ପୂର୍ବତନ କ୍ରିକେଟର ମଧ୍ୟ ଗୱାଦର ଷ୍ଟାଡିୟମକୁ ଦେଖି ପ୍ରଶଂସା କରିଛନ୍ତି।