India Today 
ଆଇପିଏଲକୁ ନେଇ ବଡ଼ ଅପଡେଟ ସାମ୍ନାକୁ ଆସିଛି। ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ପାଇଁ ଖେଳିବେ ନ୍ୟୁଜିଲ୍ୟାଣ୍ଡର ଷ୍ଟାର ଅଲରାଉଣ୍ଡର ମାଇକେଲ ବ୍ରେସୱେଲ। ୱିଲ ଜ୍ୟାକ୍ସଙ୍କ ବଦଳରେ ଆରସିବି ବ୍ରେସୱେଲଙ୍କୁ ନିଜ ସମୟ ସାମିଲ କରିଛି। ତାଙ୍କୁ ମୂଳଦର ୧ କୋଟି ଟଙ୍କାରେ ଆରସିବି କିଣିଛି।
ଆଇପିଏଲ ନିଲାମ ବେଳେ ଆରସିବି ୱିଲ ଜ୍ୟାକ୍ସଙ୍କୁ କିଣିଥିଲା। କିନ୍ତୁ ନିକଟରେ ଶେଷ ହୋଇଥିଲା ବାଂଲାଦେଶ ବିପକ୍ଷ ଦିନିକିଆ ସିରିଜ୍ରେ ଏହି ଷ୍ଟାର ଇଂଲଣ୍ଡ ଖେଳାଳି ଜଣଙ୍କ ଆହତ ହୋଇଥିଲେ। ତେଣୁ ସେ ଆଇପିଏଲରୁ ବାଦ ପଡ଼ିଛନ୍ତି।
୩୨ ବର୍ଷୀୟ ବ୍ରେସୱେଲଙ୍କ ପାଖରେ ଭାରତରେ ଖେଳିବାର ଅଭିଜ୍ଞତା ରହିଛି। ନିକଟରେ ଶେଷ ହୋଇଥିବା ଭାରତ ବିପକ୍ଷ ଟି-୨୦ ଓ ଦିନିକିଆ ସିରିଜ୍ରେ ସେ ନିଜର ପ୍ରଦର୍ଶନ ମାଧ୍ୟମରେ ସମସ୍ତଙ୍କ ଦୃଷ୍ଟି ଆକର୍ଷଣ କରିପାରିଥିଲେ। ଏଯାଏ ସେ ୧୧୭ ଟି-୨୦ ମ୍ୟାଚ୍ ଖେଳି ୩୦.୮୬ ହାରରେ ୨୨୮୪ ରନ କରିଛନ୍ତି।
Also Read
ତାଙ୍କ ନାଁରେ ଗୋଟିଏ ଶତକ ଓ ୧୩ଟି ଅର୍ଦ୍ଧଶତକ ରହିଛି। ସେ ୪୦ଟି ୱିକେଟ ମଧ୍ୟ ନେଇଛନ୍ତି। ଭାରତ ବିପକ୍ଷ ଦିନିକିଆରେ ସେ ୧୪୦ ରନ କରିଥିଲେ। ସେହିପରି ଟି-୨୦ ସିରିଜ୍ରେ ନ୍ୟୁଜିଲ୍ୟାଣ୍ଡ ପାଇଁ ସର୍ବାଧିକ ୱିକେଟ ଦଖଲକାରୀ ବୋଲର ମଧ୍ୟ ବନିଥିଲେ।
🔊 ANNOUNCEMENT 🔊
— Royal Challengers Bangalore (@RCBTweets) March 18, 2023
Michael Bracewell of New Zealand will replace Will Jacks for #IPL2023.
The 32-year-old all-rounder was the top wicket taker for Kiwis during the T20I series in India, and scored a fighting 140 in an ODI game. 🙌#PlayBold #ನಮ್ಮRCB pic.twitter.com/qO0fhP5LeY
ଆଇପିଏଲ ପକ୍ଷରୁ ଜାରି ବିବୃତିରେ କୁହାଯାଇଛି ଯେ ଇଂଲଣ୍ତ ବ୍ୟାଟର ୱିଲ ଜ୍ୟାକ୍ସଙ୍କୁ ଆରସିବି ୩.୨ କୋଟି ଟଙ୍କାରେ କିଣିଥିଲା। ହେଲେ ସେ ଆହତ ହୋଇଥିବାରୁ ଟାଟା ଆଇପିଏଲ ୨୦୨୩ରୁ ବାଦ ପଡ଼ିଛନ୍ତି।
ତାଙ୍କ ବଦଳରେ ଆରସିବି ବ୍ରେସୱେଲଙ୍କୁ ନିଜ ସହ ସାମିଲ କରିଛି। ୧ କୋଟି ଟଙ୍କାରେ ସେ ଆରସିବିରେ ଯୋଗଦେବେ। ବ୍ରେସୱେଲ ୧୬ଟି ଅନ୍ତର୍ଜାତୀୟ ଟି-୨୦ ଖେଳି ୧୧୩ ରନ କରିବା ସହ ୨୧ଟି ୱିକେଟ ଦଖଲ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
