ଚାମ୍ପିୟନ୍ସ ଟ୍ରଫିକୁ ନେଇ ବିବାଦ ଚାଲିଥିବା ବେଳେ ଏବେ ପାକିସ୍ତାନକୁ ଆଉ ଏକ ଝଟକା ଦେଇଛି ଆଇସିସି। ପାକିସ୍ତାନ ଚାମ୍ପିୟନ୍ସ ଟ୍ରଫି ଆୟୋଜନ କରୁଥିବା ବେଳେ ଏହାର ଟ୍ରଫି ପାକ୍ ଅଧିକୃତ କଶ୍ମୀର ବା ପିଓକେକୁ ନେବାକୁ ଚାହୁଁଛି। ହେଲେ ବିସିସିଆଇର ଆପତ୍ତି ପରେ ଏବେ ପାକିସ୍ତାନକୁ ତାଗିଦ କରିଛି ଆଇସିସି।
ପାକିସ୍ତାନ ଚାମ୍ପିୟନ୍ସ ଟ୍ରଫିକୁ ପିଓକେର ସକ୍ରଦୁ, ମୁରୀ ଓ ମୁଜାଫରବାଦରେ ବୁଲାଇବାକୁ ଚାହୁଁଥିଲା। ହେଲେ ଚାମ୍ପିୟନ୍ସ ଟ୍ରଫି ପିଓକେକୁ ଯାଇ ପାରିବ ନାହିଁ ବୋଲି ଆଇସିସି ସ୍ପଷ୍ଟ ଭାବେ ପାକିସ୍ତାନକୁ କହି ଦେଇଛି। ଏହି ୩ ଅଞ୍ଚଳରେ ହେବାକୁ ଥିବା ଟ୍ରଫି ଟୁରକୁ ଆଇସିସି ବାତିଲ କରିଦେଇଛି। ଏହାର ଅର୍ଥ ଚାମ୍ପିୟନ୍ସ ଟ୍ରଫି ଆଉ ପିଓକେ ଯାଇ ପାରିବ ନାହିଁ।
ପାକିସ୍ତାନ ଚାମ୍ପିୟନ୍ସ ଟ୍ରଫିକୁ ପିଓକେ ନେବାକୁ ଚାହୁଁଥିବାରୁ ଏହାକୁ ବିସିସିଆଇ ବିରୋଧ କରିଥିଲା। ଏହାପରେ ଆଇସିସି ନିକଟରେ ଏନେଇ ଅଭିଯୋଗ କରିଥିଲା। ଆଇସିସି ଏବେ ପାକିସ୍ତାନକୁ ଝଟକା ଦେଇଛି।
Also Read
ଦେଶବ୍ୟାପୀ ଟ୍ରଫି ଟୁର କାର୍ଯ୍ୟକ୍ରମ ପିସିବି ଆସନ୍ତାକାଲି ଠାରୁ ଆରମ୍ଭ କରିବ। ଆସନ୍ତା ୨୪ ଯାଏ ଏହା ଚାଲିବ। କିନ୍ତୁ ଆଇସିସି ଟ୍ରଫିକୁ ପିଓକେରୁ ଦୂରେଇ ରଖିବା ପାଇଁ ପିସିବିକୁ କହିଛି। ଚାମ୍ପିୟନ୍ସ ଟ୍ରଫି ପାଇଁ ଭାରତୀୟ ଟିମ ପାକିସ୍ତାନ ଯିବ ନାହିଁ ବୋଲି କହିବାରୁ ବିବାଦ ଦେଖାଯାଇଛି।
ପାକିସ୍ତାନ ପକ୍ଷରୁ ଏନେଇ ଆଇସିସିକୁ ଲିଖିତ ଭାବେ ଜବାବ ମଗାଯାଇଛି। ଏହି ବିବାଦ ଯୋଗୁ ଚାମ୍ପିୟନ୍ସ ଟ୍ରଫିର ଭବିଷ୍ୟତ ଅନିଶ୍ଚିତା ମଧ୍ୟରେ ରହିଛି। ଏବେ ପୁଣିଥରେ ଟ୍ରଫି ଟୁରକୁ ନେଇ ବିବାଦ ଦେଖାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
