ହସ୍ପିଟାଲରେ ଭର୍ତ୍ତି ହେଲେ ଧୋନିଙ୍କ ବାପା-ମା’

ରାଞ୍ଚି: ହସ୍ପିଟାଲରେ ଭର୍ତ୍ତି ହେଲେ ଭାରତୀୟ କ୍ରିକେଟ ଦଳର ପୂର୍ବତନ କୁଲ୍ କ୍ୟାପଟେନ୍ ମହେନ୍ଦ୍ର ସିଂହ ଧୋନିଙ୍କ ବାପା-ମା’। ତାଙ୍କ ପରିବାରରେ ଏବେ ମହାମାରୀ କରୋନା ଆତଙ୍କ ଦେଖାଦେଇଛି। ତାଙ୍କ ବାପା-ମା’ ଉଭୟ କରୋନାରେ ଆକ୍ରାନ୍ତ ହୋଇଥିବା ନେଇ ସୂଚନା ମିଳିଛି। କରୋନାରେ ଆକ୍ରାନ୍ତ ହେବା ପରେ ଉଭୟଙ୍କୁ ଚିକିତ୍ସା ପାଇଁ ରାଞ୍ଚିର ପଲ୍ସ ସୁପର ସ୍ପେଶାଲିଷ୍ଟ ହସ୍ପିଟାଲରେ ଭର୍ତ୍ତି କରାଯାଇଛି।

MS-Dhoni-And-his-parentas
ଧୋନି ତାଙ୍କ ସ୍ତ୍ରୀ ଓ ବାପା-ମା’

ସୂଚନା ମୁତାବକ ଧୋନିଙ୍କ ବାପା ପାନ ସିଂହ ଧୋନି ଏବଂ ମା’ ଦେବିକା ଦେବୀଙ୍କୁ କରୋନା ଲକ୍ଷ ଦେଖାଦେବାରୁ ଉଭୟଙ୍କ କୋଭିଡ ଟେଷ୍ଟ କରାଯାଇଥିଲା। ଦୁହିଁଙ୍କ ରିପୋର୍ଟ ପଜିଟିଭ ଆସିଛି। ସେପଟେ ଡାକ୍ତରଙ୍କ କହିବା ଅନୁସାରେ, ମାହିଙ୍କ ମା’ ଓ ବାପାଙ୍କ ସ୍ୱାସ୍ଥ୍ୟାବସ୍ଥା ଠିକୋ ଅଛି। ଉଭୟ ଅକ୍ସିଜେନ୍‌ ଲେଭଲ ମଧ୍ୟ ସଠିକ୍ ଥିବା ତାଙ୍କୁ ଚିକିତ୍ସା କରୁଥିବା ଡାକ୍ତର କହିଛନ୍ତି। ଏଥିସହ ଆଗାମୀ କିଛି ଦିନ ମଧ୍ୟରେ ଧୋନିଙ୍କ ବାପା-ମା’ କରୋନା ସଂକ୍ରମଣରୁ ଶୀଘ୍ର ମୁକ୍ତ ହୋଇଯିବେ ବୋଲି ଡାକ୍ତର ଆଶା ରଖିଛନ୍ତି।

ସୂଚନା ମୁତାବକ ବର୍ତ୍ତମାନ ଆଇପିଏଲ ମ୍ୟାଚ୍‌ ଚାଲିଛି। ଏଥିପାଇଁ ଧୋନି ମୁମ୍ୱାଇରେ ଅଛନ୍ତି । ବାପା ପାନ୍ ସିଂହ ସରକାରୀ ଚାକିରୀରୁ ଅବସର ନେବା ପରେ ଝାଡଖଣ୍ଡ ରାଞ୍ଚିରେ ରହୁଛନ୍ତି ।

ଦେଶରେ ସ୍ଥିତି ସଂଗୀନ ହେଉଥିବାବେଳେ ଝାଡଖଣ୍ଡରେ ବି ଦୈନିକ ନୂଆ ନୂଆ କେସ୍ ସାମ୍ନାକୁ ଆସୁଛି । ଫଳରେ ସେଠାରେ ଏକ ସପ୍ତାହ ପାଇଁ ଲକ୍‌ଡାଉନୋ ଘୋଷଣା କରିଛନ୍ତି ସରକାର। ଆସନ୍ତା କାଲି ଅର୍ଥାତ ଏପ୍ରିଲ ୨୨ ସକାଳ ୬ଟାରୁ ୨୯ ଏପ୍ରିଲ ସକାଳ ୬ ଯାଏଁ ଲକ୍‌ଡାଉନ ଘୋଷଣା କରାଯାଇଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।