ଆରମ୍ଭ ହେଲା ଆଫଗାନିସ୍ତାନ ଓ ଭାରତ ମଧ୍ୟରେ ମହାମୁକାବିଲା। ଟିମ୍ ଭାରତ ବିରୋଧରେ ବ୍ୟାଟିଂ ନିଷ୍ପତ୍ତି ନେଲା ଆଫଗାନିସ୍ତାନ। ଚଳିତ ବିଶ୍ୱକପ୍ର ନବମ ଲିଗ୍ ମ୍ୟାଚ୍ରେ ଟିମ୍ ଇଣ୍ଡିଆ ପ୍ରଥମେ ବୋଲିଂ କରିବ। ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମ୍ରେ ଏହି ମ୍ୟାଚ୍ ଖେଳାଯାଉଛି।
Also Read
ସେପଟେ ଭାରତୀୟ ପ୍ଲେଇଂ ଇଲେଭେନ୍ରେ ଗୋଟିଏ ପରିବର୍ତ୍ତନ କରାଯାଇଛି । ଅଶ୍ୱିନଙ୍କ ସ୍ଥାନରେ ଶାର୍ଦ୍ଦୁଳ ଠାକୁରଙ୍କୁ ସୁଯୋଗ ଦିଆଯାଇଛି । ଗୋଟିଏ ପଟେ ବିଜୟଧାରା ବଜାୟ ରଖିବା ଲକ୍ଷ୍ୟରେ ରହିଛି ଟିମ୍ ଇଣ୍ଡିଆ। ଅଷ୍ଟ୍ରେଲିଆ ବିପକ୍ଷ ପ୍ରଥମ ମ୍ୟାଚ୍ ଜିତିବାରେ ଭାରତୀୟ ଦଳ ସଫଳ ହୋଇଛି। ଅନ୍ୟପଟେ ବାଂଲାଦେଶ ଠାରୁ ପ୍ରଥମ ମ୍ୟାଚରେ ପରାଜିତ ହୋଇସାରିଛି ଆଫଗାନିସ୍ତାନ।
ଏହି ମ୍ୟାଚ୍ ଜିତି ଭାରତୀୟ ଦଳ ନିଜର ବିଜୟ ଧାରା ଜାରି ରଖିବାକୁ ପ୍ରୟାସ କରିବ। ଏଥିସହିତ ଆଫଗାନିସ୍ତାନ ଭାରତକୁ କଡା ଟକ୍କର ଦେବାକୁ ଚେଷ୍ଟା କରିବ। ବିଶ୍ୱକପ୍ କ୍ରିକେଟରେ ଆଫଗାନିସ୍ତାନର ସର୍ବଶ୍ରେଷ୍ଠ ସ୍ପିନର ରସିଦ ଖାନ ଅଛନ୍ତି। ତେଣୁ ଆଜି ଭାରତ ବିପକ୍ଷରେ ବିପର୍ଯ୍ୟୟ ଘଟାଇବାକୁ ଦଳ ପ୍ରୟାସ କରିବ ।
୨୦୧୯ ବିଶ୍ୱକପରେ ଉଭୟ ଦଳ ପରସ୍ପରକୁ ଭେଟିଥିଲେ। ୧୧ ରନରେ ଜିତିଥିଲା ଭାରତ। ଆଜିର ମ୍ୟାଚରେ ଭାରତର ପଲା ଭାରି ରହିବା ସ୍ୱାଭାବିକ। କିନ୍ତୁ ଆଫଗାନିସ୍ତାନ ବିପର୍ଯ୍ୟୟ ଘଟାଇବାର କ୍ଷମତା ରଖିଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
