ଆଇପିଏଲ ୨୦୨୪: କାହାକୁ ମିଳିଲା କେତେ ଟଙ୍କା ଓ କେଉଁ ପୁରସ୍କାର

ଶେଷ ହୋଇଛି ଆଇପିଏଲର ୨୦୨୪ ସଂସ୍କରଣ। ସମସ୍ତଙ୍କୁ ପଛରେ ପକାଇ କୋଲକାତା ନାଇଟ ରାଇଡର୍ସ (କେକେଆର) ବିନିଛି ଚାମ୍ପିୟନ। ଫାଇନାଲରେ ଦଳ ସନରାଇଜର୍ସ ହାଇଦ୍ରାବାଦକୁ ଏକତରଫା ଭାବେ ୮ ୱିକେଟ ପରାସ୍ତ କରି ତୃତୀୟ ଥର ପାଇଁ ଟ୍ରଫି କରାୟାତ କରିଛି। ୨୦୧୨ ଓ ୨୦୧୪ ପରେ କେକେଆର ଆଇପିଏଲ ବିଜେତା ହୋଇଛି।

ଆଇପିଏଲ ପାଇଁ ମୋଟ ୪୬.୫ କୋଟି ଟଙ୍କା ରହିଥିବା ବେଳେ ଏହାକୁ ୱିନର, ରନର୍ସ ଅପ ଓ ଶ୍ରେଷ୍ଠ ପ୍ରଦର୍ଶନ କରିଥିବା ଖେଳାଳିଙ୍କ ମଧ୍ୟରେ ବାଣ୍ଟି ଦିଆଯାଇଛି। ଚାମ୍ପିୟନ ଦଳ କେକେଆର ଟ୍ରଫି ସହ ୨୦ କୋଟି ଟଙ୍କା ପାଇଥିବା ବେଳେ ହାଇଦ୍ରାବାଦ ୧୩ କୋଟି ଟଙ୍କା ପାଇଛି।

ଏହାବାଦ ପ୍ଲେଅଫକୁ ଆସି ପରାସ୍ତ ହୋଇଥିବା ରାଜସ୍ଥାନ ରୟାଲ୍ସ ଓ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁକୁ ମଧ୍ୟ ପୁରସ୍କାର ଭାବେ ଟଙ୍କା ଦିଆଯାଇଛି।

କାହାକୁ କେଉଁ ପୁରସ୍କାର ଓ କେତେ ଟଙ୍କା ମିଳିଲା

୧- କୋଲକାତା ନାଇଟ ରାଇଡର୍ସ- ଚାମ୍ପିୟନ- ୨୦ କୋଟି ଟଙ୍କା

୨- ସନ ରାଇଜର୍ସ ହାଇଦ୍ରାବାଦ- ରନର୍ସ ଅପ- ୧୩ କୋଟି ଟଙ୍କା

୩- ରାଜସ୍ଥାନ ରୟାଲ୍ସ- ତୃତୀୟ ସ୍ଥାନ- ୭ କୋଟି ଟଙ୍କା

୪- ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ- ୪ର୍ଥ ସ୍ଥାନ – ୬.୫ କୋଟି ଟଙ୍କା

୫- କମଳା ରଙ୍ଗର ଟୋପି- ବିରାଟ କୋହଲି(ଆରସିବି,୭୧୪ ରନ)- ୧୫ ଲକ୍ଷ ଟଙ୍କା

୬- ବାଇଗଣୀ ରଙ୍ଗର ଟୋପି- ହର୍ଷଲ ପଟେଲ(ପଞ୍ଜାବ, ୨୪ ୱିକେଟ)- ୧୫ ଲକ୍ଷ ଟଙ୍କା

୭- ସିଜିନର ମୂଲ୍ୟବାନ ଖେଳାଳି- ସୁନୀଲ ନାରିନ(କେକେଆର)- ୧୨ ଲକ୍ଷ ଟଙ୍କା

୮- ସିଜିନର ଏମର୍ଜେଂ ଖେଳାଳି- ନୀତୀଶ କୁମାର ରେଡ୍ଡୀ(ହାଇଦ୍ରାବାଦ)- ୨୦ ଲକ୍ଷ ଟଙ୍କା

୯- ସିଜିନର ‍ଫାଣ୍ଟାସୀ ଖେଳାଳି- ସୁନୀଲ ନାରିନ(କେକେଆର) – ୧୦ ଲକ୍ଷ

୧୦- ସର୍ବାଧିକ ଚୌକା- ଟ୍ରାଭିସ ହେଡ୍‌(୬୪)- ୧୦ ଲକ୍ଷ ଟଙ୍କା

୧୧- ସର୍ବାଧିକ ଛକା- ଅଭିଷେକ ଶର୍ମା(୪୨)- ୧୦ ଲକ୍ଷ ଟଙ୍କା

୧୨- ଇଲେକ୍ଟ୍ରିକ ଷ୍ଟ୍ରାଇକର- ଜ୍ୟାକ ଫ୍ରେଜର ମ୍ୟାଗର୍କ(ଦିଲ୍ଲୀ)- ୧୦ ଲକ୍ଷ

୧୩- ସିଜିନର ଶ୍ରେଷ୍ଠ କ୍ୟାଚ୍‌- ରମଣଦୀପ ସିଂହ(କେକେଆର)- ୧୦ ଲକ୍ଷ

୧୪- ଫେୟାର ପ୍ଲେ ଆୱାର୍ଡ- ସନରାଇଜର୍ସ ହାଇଦ୍ରାବାଦ- ୧୦ ଲକ୍ଷ

୧୫-ପିଚ୍‌ ଓ ଗ୍ରାଉଣ୍ଡ ଆୱାର୍ଡ-ହାଇଦ୍ରାବାଦ କ୍ରିକେଟ ଆସୋସିଏସନ- ୫୦ ଲକ୍ଷ