ନିକଟରେ 25 ବର୍ଷର ସର୍ଚ୍ଚ ହିଷ୍ଟ୍ରି ପ୍ରକାଶ କରିଛି 'ଗୁଗଲ୍', ଯେଉଁଥିରେ ରେକର୍ଡ କରିଛନ୍ତି ବିରାଟ କୋହଲି। କୋହଲି ସବୁଠୁ ଅଧିକ ଖୋଜା ହୋଇଥିବା କ୍ରିକେଟର ବୋଲି ଜଣାପଡିଛି। ଗୁଗଲ୍ ପ୍ରକାଶ କରିଥିବା ରିପୋର୍ଟ ଅନୁସାରେ, 25 ବର୍ଷ ମଧ୍ୟରେ ବିରାଟ କୋହଲି ସବୁଠୁ ଅଧିକା ସର୍ଚ୍ଚ ହୋଇଥିବା କ୍ରିକେଟର।
ସର୍ଚ୍ଚ ଇଞ୍ଜିନ୍ ଜିଆଣ୍ଟ 'ଗୁଗଲ୍' ଏହାର 25 ବର୍ଷର ସର୍ଚ୍ଚ ହିଷ୍ଟ୍ରି ପ୍ରକାଶ କରିଛି। ଗୁଗଲ୍ ଆସିବା ପରଠାରୁ, ବିଶ୍ୱରେ କେତେକ ଶ୍ରେଷ୍ଠ କ୍ରିକେଟର ସର୍ଚ୍ଚ ଲିଷ୍ଟରେ ଅଛନ୍ତି। ଏହି ତାଲିକାରେ ସଚିନ ତେନ୍ଦୁଲକର, ଏମଏସ ଧୋନି, ରୋହିତ ଶର୍ମାଙ୍କ ଭଳି ପ୍ରମୁଖ ଖେଳାଳି ଅଛନ୍ତି। କିନ୍ତୁ ଏ ସମସ୍ତ କ୍ରିକେଟରଙ୍କ ରେକର୍ଡ ଭାଙ୍ଗି ଗୁଗୁଲ ହିଷ୍ଟ୍ରିରେ 'ସର୍ବାଧିକ ସର୍ଚ୍ଚ କ୍ରିକେଟର' ଭାବରେ ଶୀର୍ଷରେ ଅଛନ୍ତି ବିରାଟ କୋହଲି।
If the last 25 years have taught us anything, the next 25 will change everything. Here’s to the most searched moments of all time. #YearInSearch pic.twitter.com/MdrXC4ILtr
— Google (@Google) December 11, 2023Also Read
କ୍ରିକେଟରଙ୍କ ମଧ୍ୟରେ ବିରାଟ କୋହଲି ଶୀର୍ଷରେ ଥିଲେ ମଧ୍ୟ କ୍ରୀଡାବିତଙ୍କ ମଧ୍ୟରେ ତାଙ୍କ ରେକର୍ଡ ଭାଙ୍ଗିଛନ୍ତି ଅନ୍ୟ ଜଣେ ଖେଳାଳି। ଆଉ ସେ ହେଉଛନ୍ତି ଫୁଟବଲର୍ କ୍ରିଷ୍ଟିଆନୋ ରୋନାଲ୍ଡୋ। ଗୁଗଲର 25 ବର୍ଷର ସର୍ଚ୍ଚ ହିଷ୍ଟ୍ରି କହୁଛି, ଆଥଲେଟଙ୍କ ମଧ୍ୟରେ ରୋନାଲ୍ଡୋ ସର୍ବାଧିକ ସର୍ଚ୍ଚ ହୋଇଛନ୍ତି। ବିଶ୍ୱର ସମସ୍ତ ନାମି ଦାମୀ ଖେଳାଳିଙ୍କ ମଧ୍ୟରୁ ରୋନାଲ୍ଡଙ୍କୁ ଲୋକେ ଅଧିକ ଗୁଗୁଲରେ ଖୋଜିଛନ୍ତି।
ସେହିପରି ଗୁଗଲ୍ ପ୍ରକାଶ କରିଥିବା 2023 ରିପୋର୍ଟ ଅନୁସାରେ, ଗତବର୍ଷ ଶୁବମନ ଗିଲ୍ ସବୁଠୁ ଅଧିକ ସର୍ଚ୍ଚ ହୋଇଛନ୍ତି। କ୍ରିକେଟରଙ୍କ ମଧ୍ୟରେ ଗିଲ୍ ଟପରେ ଥିବାବେଳେ ବଲିଉଡ୍ କଳାକାରଙ୍କ ମଧ୍ୟରେ କିଆରା ଆଡଭାନୀ ଶୀର୍ଷରେ ଅଛନ୍ତି। ସେହିପରି ମହମ୍ମଦ ଶାମି, ଗ୍ଲେନ ମାକ୍ସୱେଲ, ଟ୍ରାଭିସ ହେଡ୍ ରଚିନ ରବୀନ୍ଦ୍ର(ନ୍ୟୁଜିଲ୍ୟାଣ୍ଡ କ୍ରିକେଟର) ଗତବର୍ଷ ଅଧିକ ସର୍ଚ୍ଚ ହୋଇଥିବା କ୍ରିକେଟର।
ଗୁଗଲ୍ ଟପ୍ ଟେନ୍ ସର୍ଚ୍ଚ ଲିଷ୍ଟ 2023
- କିଆରା ଆଡଭାନି
- ଶୁବମନ ଗିଲ୍
- ରଚିନ ରବୀନ୍ଦ୍ର
- ମହମ୍ମଦ ଶାମି
- ଏଲଭିଶ ଯାଦବ
- ସିଦ୍ଧାର୍ଥ ମଲହୋତ୍ରା
- ଗ୍ଲେନ ମାକ୍ସୱେଲ
- ଡେଭିଡ ବେକହାମ୍
- ସୂର୍ଯ୍ୟକୁମାର ଯାଦବ
- ଟ୍ରାଭିସ ହେଡ୍
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
