ନିକଟରେ ସମସ୍ତଙ୍କୁ ଚକିତ କରି ରବିଚନ୍ଦ୍ରନ ଅଶ୍ୱିନ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଥିଲେ। ସେ କାହିଁକି ହଠାତ ଏପରି ପଦକ୍ଷେପ ନେଲେ, ତା’ର କାରଣ ଖୋଜା ଚାଲିଛି। କିନ୍ତୁ ଏସବୁ ଭିତରେ ଅଶ୍ୱିନ ଦେଇଥିବା ବୟାନ ନୂଆ ବତର୍କ ସୃଷ୍ଟି କରିଛି। ସେ ଗୋଟିଏ କାର୍ଯ୍ୟକ୍ରମରେ କହିଛନ୍ତି ଯେ “ହିନ୍ଦୀ ଆମର ରାଷ୍ଟ୍ରୀୟ ଭାଷା ନୁହେଁ। କିନ୍ତୁ ଏହା ଏକ ଅଫିସିଆଲ ଭାଷା।”
ତାମିଲନାଡୁର ଗୋଟିଏ ଘରୋଇ ଇଞ୍ଜିନିୟରିଂ କଲେଜରେ ଆୟୋଜିତ କାର୍ଯ୍ୟକ୍ରମରେ ଅଶ୍ୱିନ ଯୋଗ ଦେଇଥିଲେ। ଏହି ସମୟରେ ସେ ହିନ୍ଦୀ ଭାଷାକୁ ନେଇ ନିଜର ମତ ରଖିଛନ୍ତି। ସେ କହିଛନ୍ତି, “ଇଂରାଜୀ ଶିକ୍ଷାର୍ଥୀମାନେ ଏଠାରେ ରହିଛନ୍ତି। ଏହାକୁ ମୋତେ ନିଶ୍ଚିତ କରନ୍ତୁ।” ସେ ବଡ଼ ଚିୟର କରିବାକୁ କହିଥିଲେ। ତାମିଲ କଥା କହିବାକୁ ପିଲାମାନେ ପୁଣି ନାରା ଦେଇଥିଲେ। ଅଶ୍ୱିନ ହିନ୍ଦୀ କଥା ପଚାରିବାକୁ ପୂରା ପରିବେଶ ଶାନ୍ତ ପଡ଼ି ଯାଇଥିଲା।
ଏହାପରେ ଅଶ୍ୱିନ କହିଥିଲେ, “ମୁଁ ଭାବୁଛି ମୋର ଏକଥା କହିବା ଠିକ ହେବ। ହିନ୍ଦୀ ଆମର ରାଷ୍ଟ୍ରୀୟ ଭାଷା ନୁହେଁ। ଏହା ଏକ ଅଫିସିଆଲ ଭାଷା।” ସମାନ କାର୍ଯ୍ୟକ୍ରମରେ ଅଶ୍ୱିନଙ୍କୁ ଟିମ ଇଣ୍ଡିଆର ଅଧିନାୟକ ପଦକୁ ନେଇ ପ୍ରଶ୍ନ କରାଯାଇଥିଲା। ଏହାର ଜବାବରେ ସେ ସିଧାସଳଖ କୌଣସି ଉତ୍ତର ଦେଇନାହାନ୍ତି।