ଥରେ ନୁହେଁ, ଏ ବର୍ଷ ଦୁଇଥର ଭାରତ-ପାକ୍ ଟକ୍କର

ନୂଆଦିଲ୍ଲୀ: କ୍ରିକେଟ୍ ମଇଦାନରେ ପୁଣିଥରେ ଭାରତ ଓ ପାକିସ୍ତାନ ମୁହାଁମୁହିଁ। ଚଳିତ ବର୍ଷ ଥରେ ନୁହେଁ ଦୁଇଥର ଭାରତ ଓ ପାକିସ୍ତାନ ମଧ୍ୟ ମ୍ୟାଚ୍ ଖେଳାଯିବ। ଚଳିତ ବର୍ଷ ଅଷ୍ଟ୍ରେଲିଆରେ ହେବାକୁଥିବା ଆଇସିସି ପୁରୁଷ ଟି-୨୦ ବିଶ୍ୱକପ୍ ପାଇଁ କାର୍ଯ୍ୟସୂଚୀ ଜାରି ହୋଇଛି। କାର୍ଯ୍ୟସୂଚୀରେ ଭାରତ ଓ ପାକିସ୍ତାନ ପୁଣିଥରେ ଗୋଟିଏ ଗ୍ରୁପରେ ସ୍ଥାନ ପାଇଛନ୍ତି। ସେହିପରି ଚଳିତ ବର୍ଷ ମାର୍ଚ୍ଚ ମାସରେ ହେବାକୁଥିବା ମହିଳା ଦିନିକିଆ ବିଶ୍ୱକପରେ ମଧ୍ୟ ଭାରତ ଓ ପାକିସ୍ତାନ ସାମ୍ନାସାମ୍ନି ହେବ। […]

india-vs-pak

india-vs-pak

Ranjit Kumar Jena
  • Published: Friday, 21 January 2022
  • Updated: 21 January 2022, 04:41 PM IST

Sports

Latest News

ନୂଆଦିଲ୍ଲୀ: କ୍ରିକେଟ୍ ମଇଦାନରେ ପୁଣିଥରେ ଭାରତ ଓ ପାକିସ୍ତାନ ମୁହାଁମୁହିଁ। ଚଳିତ ବର୍ଷ ଥରେ ନୁହେଁ ଦୁଇଥର ଭାରତ ଓ ପାକିସ୍ତାନ ମଧ୍ୟ ମ୍ୟାଚ୍ ଖେଳାଯିବ। ଚଳିତ ବର୍ଷ ଅଷ୍ଟ୍ରେଲିଆରେ ହେବାକୁଥିବା ଆଇସିସି ପୁରୁଷ ଟି-୨୦ ବିଶ୍ୱକପ୍ ପାଇଁ କାର୍ଯ୍ୟସୂଚୀ ଜାରି ହୋଇଛି। କାର୍ଯ୍ୟସୂଚୀରେ ଭାରତ ଓ ପାକିସ୍ତାନ ପୁଣିଥରେ ଗୋଟିଏ ଗ୍ରୁପରେ ସ୍ଥାନ ପାଇଛନ୍ତି। ସେହିପରି ଚଳିତ ବର୍ଷ ମାର୍ଚ୍ଚ ମାସରେ ହେବାକୁଥିବା ମହିଳା ଦିନିକିଆ ବିଶ୍ୱକପରେ ମଧ୍ୟ ଭାରତ ଓ ପାକିସ୍ତାନ ସାମ୍ନାସାମ୍ନି ହେବ। ତେଣୁ ଚଳିତ ବର୍ଷ ଫ୍ୟାନଙ୍କୁ ଭାରତ ଓ ପାକିସ୍ତାନ ମୁକାବିଲାର ଡବଲ୍ ତଡକା ମିଳିବ।

ଟି-୨୦ ବିଶ୍ୱକପର ଶୁଭାରମ୍ଭ ଅକ୍ଟୋବର ୧୬ ତାରିଖରୁ ଆରମ୍ଭ ହେବ ଏବଂ ନଭେମ୍ବର ୧୩ରେ ଫାଇନାଲ୍ ଅନୁଷ୍ଠିତ ହେବ। ଆଇସିସି ପକ୍ଷରୁ ଜାରି କାର୍ଯ୍ୟସୂଚୀ ଅନୁଯାୟୀ, ଭାରତ ଓ ପାକିସ୍ତାନ ସମେତ ଗ୍ରୁପ୍-ବି’ରେ ଦକ୍ଷିଣ ଆଫ୍ରିକା, ବାଂଲାଦେଶ ସହ ଦୁଇଟି କ୍ୱାଲିଫାୟର୍ ଟିମ୍ ରହିବେ। ଭାରତ ଓ ପାକିସ୍ତାନ ମଧ୍ୟରେ ମ୍ୟାଚ୍ ଅକ୍ଟୋବର ୨୩ ତାରିଖରେ ଖେଳାଯିବ। ଏହି ମ୍ୟାଚ୍ ମେଲବର୍ଣ୍ଣରେ ଅନୁଷ୍ଠିତ ହେବ। ଗତ ବର୍ଷ ୟୁଏଇରେ ଆୟୋଜିତ ଟି-୨୦ ବିଶ୍ୱକପରେ ମଧ୍ୟ ଭାରତ ଓ ପାକିସ୍ତାନ ମଧ୍ୟରେ ମ୍ୟାଚ୍ ଖେଳାଯାଇଥିଲା। କିନ୍ତୁ ପାକିସ୍ତାନ ବାଜି ପଲଟାଇ ବିଶ୍ୱକପ୍ ଇତିହାସରେ ପ୍ରଥମଥର ଭାରତକୁ ହରାଇବାରେ ସଫଳ ହୋଇଥିଲା।

ଟି-୨୦ ବିଶ୍ୱକପର ମ୍ୟାଚ୍ ଅଷ୍ଟ୍ରେଲିଆରେ ଆୟୋଜନ ହେବ। ସମସ୍ତ ମ୍ୟାଚ୍ ୭ଟି ଭେନ୍ୟୁରେ ଖେଳାଯିବ। ଭେନ୍ୟୁ ଗୁଡ଼ିକ ହେଲେ ମେଲବର୍ଣ୍ଣ, ଆଡିଲେଡ୍, ବ୍ରିସବେନ୍, ହୋବାର୍ଟ, ଜିଲଙ୍ଗ, ପର୍ଥ ଓ ସିଡନୀ। ଉକ୍ତ ବିଶ୍ୱକପର ମୁଖ୍ୟ ରାଉଣ୍ଡରେ ମୋଟ ୧୨ଟି ଟିମ୍ ଭାବେ ଭାଗ ନେବେ। ପୂର୍ବ ସଂସ୍କରଣ ଭଳି ଟି-୨୦ ବିଶ୍ୱକପ୍ ଦୁଇଟି ରାଉଣ୍ଡରେ ଅନୁଷ୍ଠିତ ହେବ। ରାଉଣ୍ଡ-୧ରେ ୮ଟି ଟିମ୍ ମଧ୍ୟରେ ମ୍ୟାଚ୍ ଖେଳାଯିବ। ରାଉଣ୍ଡ-୧ର ଦୁଇଟି ଗ୍ରୁପରୁ ମୋଟ ୪ଟି ଟିମ୍ ରାଉଣ୍ଡ-୨କୁ କ୍ୱାଲିଫାଏ କରିବେ।

ICC Men's T20 World Cup 2022 Fixtures

ରାଉଣ୍ଡ-୧ରେ ନାମିବିଆ, ସ୍କଟଲ୍ୟାଣ୍ଡ, ଶ୍ରୀଲଙ୍କା ଓ ୱେଷ୍ଟଇଣ୍ଡିଜ୍ ଟିମ୍ ପୂର୍ବ ସଂସ୍କରଣ ଆଧାରରେ କ୍ୱାଲିଫାଏ କରିସାରିଛନ୍ତି। ବାକି ୪ଟି ଟିମ୍ ଗ୍ଲୋବାଲ କ୍ୱାଲିଫାୟର୍ ଆଧାରରେ କ୍ୱାଲିଫାଏ କରିବେ। ରାଉଣ୍ଡ-୧ ମ୍ୟାଚ୍ ଅକ୍ଟୋବର ୧୬ରୁ ୨୧ ତାରିଖ ଯାଏ ଅନୁଷ୍ଠିତ ହେବ। ଏହା ପରେ ସୁପର୍-୧୨ ରାଉଣ୍ଡ ଅକ୍ଟୋବର ୨୨ ତାରିଖରୁ ଆରମ୍ଭ ହେବ। ରାଉଣ୍ଡ-୧୨କୁ ଦୁଇଟି ଗ୍ରୁପରେ ବିଭକ୍ତ କରାଯାଇଛି। ଗ୍ରୁପ୍-୧ରେ ଆୟୋଜକ ତଥା ଡିଫେଣ୍ଡିଂ ଚାମ୍ପିୟନ୍ ଅଷ୍ଟ୍ରେଲିଆ, ନ୍ୟୁଜିଲ୍ୟାଣ୍ଡ, ଇଂଲଣ୍ଡ, ଆଫଗାନିସ୍ତାନ ଓ ଦୁଇଟି କ୍ୱାଲିଫାୟର୍ ଟିମ୍ ରହିଛନ୍ତି।

ଉଦଘାଟନୀ ମ୍ୟାଚ୍ ୨୨ରେ ଡିଫେଣ୍ଡିଂ ଚାମ୍ପିୟନ୍ ଅଷ୍ଟ୍ରେଲିଆ ଓ ନ୍ୟୁଜିଲ୍ୟାଣ୍ଡ ମଧ୍ୟରେ ସିଡନୀରେ ଖେଳାଯିବ। ଦ୍ୱିତୀୟ ମ୍ୟାଚ୍ ଇଂଲଣ୍ଡ ଓ ଆଫଗାନିସ୍ତାନ ମଧ୍ୟରେ ଖେଳାଯିବ। ଟି-୨୦ ବିଶ୍ୱକପର ଫାଇନାଲ୍ ମ୍ୟାଚ୍ ନଭେମ୍ବର ୧୩ ତାରିଖରେ ମେଲବର୍ଣ୍ଣ କ୍ରିକେଟ୍ ଗ୍ରାଉଣ୍ଡରେ ଅନୁଷ୍ଠିତ ହେବ। ସେମିଫାଇନାଲ୍ ମ୍ୟାଚର ଆୟୋଜନ ନଭେମ୍ବର ୯ ଓ ୧୦ ତାରିଖରେ ସିଡନୀ ଓ ଆଡିଲେଡରେ ଖେଳାଯିବ।

https://twitter.com/ICC/status/1484354432456278019?s=20

ଭାରତ ଗ୍ରୁପ୍-୨ରେ ତା’ର ପ୍ରଥମ ମ୍ୟାଚରେ ପାକିସ୍ତାନକୁ ଅକ୍ଟୋବର ୨୩ରେ ଭେଟିବ। ଏହା ପରେ ୨୭ ତାରିଖରେ ରାଉଣ୍ଡ-୧ ଗ୍ରୁପ୍-ଏ’ର ରନର-ଅପ୍, ଅକ୍ଟୋବର ୩୦ରେ ଦକ୍ଷିଣ ଆଫ୍ରିକା, ନଭେମ୍ବର ୨ରେ ବାଂଲାଦେଶ ଏବଂ ନଭେମ୍ବର ୬ରେ ରାଉଣ୍ଡ-୧ ଗ୍ରୁପ୍-ବି’ର ବିଜେତାକୁ ଭେଟିବ।

୨୦୨୧ ଆଇସିସି ଟି-୨୦ ବିଶ୍ୱକପରେ ଭାରତ ଓ ପାକିସ୍ତାନକୁ ଗୋଟିଏ ଗ୍ରୁପରେ ରଖାଯାଇଥିଲା। ଟୁର୍ଣ୍ଣାମେଣ୍ଟରେ ଭାରତ ୨୦ ୱିକେଟରେ ପାକିସ୍ତାନ ଠାରୁ ପରାସ୍ତ ହୋଇଥିଲା। ବିଶ୍ୱକପ୍ ଇତିହାସରେ ପାକିସ୍ତାନ ପ୍ରଥମଥର ଭାରତକୁ ହରାଇଥିଲା। ଏହା ପୂର୍ବରୁ ଟି-୨୦ ଓ ୫୦ ଓଭର ଫର୍ମାଟରେ ଭାରତ କେବେବି ପାକିସ୍ତାନ ଠାରୁ ପରାସ୍ତ ହୋଇନଥିଲା। ୨୦୨୧ରେ ଖେଳାଯାଇଥିବା ମ୍ୟାଚରେ ଭାରତ ପ୍ରଥମେ ବ୍ୟାଟିଂ କରି ୭ ୱିକେଟରେ ୧୫୧ ରନ୍ କରିଥିଲା। ଜବାବରେ ମହମ୍ମଦ ରିଜୱାନ ଓ ବାବର ଆଜମଙ୍କ ଅର୍ଦ୍ଧଶତକ ବଳରେ ପାକିସ୍ତାନ ୧୦ ୱିକେଟରେ ମ୍ୟାଚକୁ ଜିତି ନେଇଥିଲା।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos