୬ ମାସ ପରେ ପୁଣି ଏକ ନମ୍ବର ତାଜ୍ ପିନ୍ଧିଲା ଟିମ୍ ଇଣ୍ଡିଆ

ନୂଆଦିଲ୍ଲୀ: ମୁମ୍ବାଇରେ ଖେଳାଯାଇଥିବା ଦ୍ୱିତୀୟ ଟେଷ୍ଟକୁ ୩୭୨ ରନର ବୃହତ ବ୍ୟବଧାନରେ ଜିତି ସିରିଜ୍ ହାତେଇଛି ଟିମ୍ ଇଣ୍ଡିଆ। ସିରିଜ୍ ଜିତିବା ପରେ ଟିମ୍ ଇଣ୍ଡିଆକୁ ରାଙ୍କିଙ୍ଗରେ ମଧ୍ୟ ବଡ଼ ଫାଇଦା ହୋଇଛି। ସଦ୍ୟ ଘୋଷିତ ଆଇସିସି ଟେଷ୍ଟ ରାଙ୍କିଙ୍ଗରେ ଭାରତ ପୁଣିଥରେ ଏକ ନମ୍ବର ସ୍ଥାନ ହାସଲ କରିଛି। ମୁମ୍ବାଇ ଟେଷ୍ଟ ଜିତିବା ପରେ ଆଇସିସି ଟେଷ୍ଟ ରାଙ୍କିଙ୍ଗରେ ଭାରତର ୧୨୪ ରେଟିଂ ପଏଣ୍ଟ ହୋଇଛି। ସେହିପରି ପରାଜୟ ସ୍ୱୀକାର କରିଥିବା କିୱି ଟିମର ରେଟିଂ […]

india

india

Ranjit Kumar Jena
  • Published: Monday, 06 December 2021
  • Updated: 06 December 2021, 06:22 PM IST

ନୂଆଦିଲ୍ଲୀ: ମୁମ୍ବାଇରେ ଖେଳାଯାଇଥିବା ଦ୍ୱିତୀୟ ଟେଷ୍ଟକୁ ୩୭୨ ରନର ବୃହତ ବ୍ୟବଧାନରେ ଜିତି ସିରିଜ୍ ହାତେଇଛି ଟିମ୍ ଇଣ୍ଡିଆ। ସିରିଜ୍ ଜିତିବା ପରେ ଟିମ୍ ଇଣ୍ଡିଆକୁ ରାଙ୍କିଙ୍ଗରେ ମଧ୍ୟ ବଡ଼ ଫାଇଦା ହୋଇଛି। ସଦ୍ୟ ଘୋଷିତ ଆଇସିସି ଟେଷ୍ଟ ରାଙ୍କିଙ୍ଗରେ ଭାରତ ପୁଣିଥରେ ଏକ ନମ୍ବର ସ୍ଥାନ ହାସଲ କରିଛି।

ମୁମ୍ବାଇ ଟେଷ୍ଟ ଜିତିବା ପରେ ଆଇସିସି ଟେଷ୍ଟ ରାଙ୍କିଙ୍ଗରେ ଭାରତର ୧୨୪ ରେଟିଂ ପଏଣ୍ଟ ହୋଇଛି। ସେହିପରି ପରାଜୟ ସ୍ୱୀକାର କରିଥିବା କିୱି ଟିମର ରେଟିଂ ପଏଣ୍ଟ ୧୨୧କୁ ଖସି ଆସିଛି। ଅଷ୍ଟ୍ରେଲିଆ ୧୦୮ ପଏଣ୍ଟ ସହ ତୃତୀୟ ଏବଂ ଇଂଲଣ୍ଡ ୧୦୭ ପଏଣ୍ଟ ସହ ଚତୁର୍ଥ ସ୍ଥାନରେ ରହିଛି। ଏଥିସହ ଭାରତ ୬ ମାସ ପରେ ପୁଣିଥରେ ଏକ ନମ୍ବର ସ୍ଥାନ କବଜା କରିଛି। ଜୁନ୍ ମାସରେ ଇଂଲଣ୍ଡରେ ଖେଳାଯାଇଥିବା ଆଇସିସି ଟେଷ୍ଟ ଚାମ୍ପିୟନଶିପର ଫାଇନାଲରେ ନ୍ୟୁଜିଲ୍ୟାଣ୍ଡ ଠାରୁ ହାରିବା ପରେ ଭାରତ ଏକ ନମ୍ବର ସ୍ଥାନ ହରାଇଥିଲା। ଏହା ପରେ କିୱି ଟିମ୍ ଶୀର୍ଷ ସ୍ଥାନରେ ରହିଥିଲା।

https://twitter.com/BCCI/status/1467731958264258561?s=20

କ୍ୟାପଟେନ୍ କୋହଲିଙ୍କ ନେତୃତ୍ୱରେ ଭାରତୀୟ କ୍ରିକେଟ୍ ଟିମରେ ଟେଷ୍ଟ ବେଶ୍ ମଜଭୁତ। ଭାରତ ୨୦୧୬ରୁ ୨୦୨୦ ଯାଲ ଲଗାତର ଏକ ନମ୍ବର ସ୍ଥାନରେ ରହିଥିଲା। ଏହା ପରେ ଅଷ୍ଟ୍ରେଲିଆ ଓ ନ୍ୟୁଜିଲ୍ୟାଣ୍ଡ କିଛି ସମୟ ପାଇଁ ଏକ ନମ୍ବର ସ୍ଥାନରେ ରହିଥିଲେ। ଏହା ପରେ ଭାରତ ପୁଣିଥରେ ଶୀର୍ଷକୁ ଫେରିଥିଲା।

https://twitter.com/ICC/status/1467755426712367110?s=20

ମୁମ୍ବାଇ ଟେଷ୍ଟରେ ୫୪୦ ରନର ବିଶାଳ ଲକ୍ଷ୍ୟର ପିଛା କରୁଥିବା ନ୍ୟୁଜିଲ୍ୟାଣ୍ଡ ତୃତୀୟ ଦିବସ ଖେଳ ଶେଷ ସୁଦ୍ଧା ୫ ୱିକେଟ୍ ହରାଇ ୧୪୦ ରନ୍ କରିଥିଲା। ମ୍ୟାଚ୍ ଜିତିବା ପାଇଁ ଭାରତକୁ ୫ ୱିକେଟ୍ ଦରକାର ହେଉଛି। ଆଉ ଚତୁର୍ଥ ଦିବସରେ ଘଣ୍ଟାଏ ଭିତରେ ଭାରତୀୟ ସ୍ପିନର କିୱି ଟିମକୁ ଅଲଆଉଟ୍ କରି ମ୍ୟାଚକୁ ୩୭୨ ରନର ବଡ଼ ବ୍ୟବଧାନରେ ଜିତି ନେଇଥିଲା। ମ୍ୟାଚରେ ରବିଚନ୍ଦ୍ରନ୍ ଅଶ୍ୱିନ୍ ୪ଟି, ଜୟନ୍ତ ଯାଦବ ୩ଟି ଓ ଅକ୍ଷର ପଟେଲ ୨ଟି ୱିକେଟ୍ ଅକ୍ତିଆର କରିଥିଲେ।

ନ୍ୟୁଜିଲ୍ୟାଣ୍ଡ ଉକ୍ତ ମ୍ୟାଚର ପ୍ରଥମ ଇନିଂସରେ ମାତ୍ର ୬୨ ରନରେ ସୀମିତ ରହିଥିବା ଦ୍ୱିତୀୟ ଇନିଂସରେ ୧୬୭ ରନ୍ କରି ଅଲଆଉଟ୍ ହୋଇଥିଲା। ଏହା ପୂର୍ବରୁ କାନପୁରରେ ଖେଳାଯାଇଥିବା ପ୍ରଥମ ଟେଷ୍ଟ ଡ୍ର’ ରହିଥିଲା। ହେଲେ ମୁମ୍ବାଇର କଠିନ ପିଚରେ ଭ୍ରମଣକାରୀ ଦଳର ବ୍ୟାଟ୍ସମ୍ୟାନ୍ ଭାରତୀୟ ସ୍ପିନ୍ ଆଟାକକୁ ସାମ୍ନା କରିପାରିନଥିଲେ।

ମୁମ୍ବାଇ ଟେଷ୍ଟରେ କିୱି ସ୍ପିନର ଏଜାଜ ପଟେଲ୍ ରେକର୍ଡ ୧୪ ୱିକେଟ୍ ହାସଲ କରିଛନ୍ତି। ସେ ପ୍ରଥମ ଇନିଂସରେ ଭାରତର ସମସ୍ତ ୧୦ଟି ଯାକ ୱିକେଟ୍ ନେଇ ବିଶ୍ୱ ରେକର୍ଡ ସ୍ଥାପନ କରିଥିଲେ। ସେ ଦୁନିଆର ତୃତୀୟ ବୋଲର ଭାବେ ଟେଷ୍ଟରେ ପରଫେକ୍ଟ ଟେନ୍ ହାସଲ କରିଛନ୍ତି। ତାଙ୍କ ପୂର୍ବରୁ ଜିମ୍ ଲେକର୍ ଓ ଅନୀଲ କୁମ୍ବଲେ ଏହି ରେକର୍ଡର ଅଧିକାରୀ ହୋଇଥିଲେ।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos