ବାଂଲାଦେଶ ଦେଇଥିବା ୨୫୭ ରନର ଟାର୍ଗେଟ ପାଇଥିବା ଭାରତକୁ ଦମଦାର ଷ୍ଟାର୍ଟ ଦେବା ପରେ ପ୍ୟାଭିଲିୟନ ଫେରିଛନ୍ତି ଅଧିନାୟକ ରୋହିତ ଶର୍ମା। ଆଫଗାନିସ୍ତାନ ବିପକ୍ଷରେ ଶତକ ଓ ପାକିସ୍ତାନ ବିପକ୍ଷରେ ୮୬ ରନର ଇନିଂସ ଖେଳିଥିବା ରୋହିତ ଶର୍ମା ଆଜି ମଧ୍ୟ ବଡ଼ବଡ଼ ଶଟ ଖେଳିଥିଲେ।
ଏପରି କି ତାଙ୍କ ବ୍ୟାଟରୁ ଚୌକା ଓ ଛକା ବର୍ଷା ହୋଇଥିଲା। ତେବେ ସେ ହାସନ ମହମୁଦଙ୍କୁ ଛକା ମାରିବାକୁ ଯାଇ ଡିପ୍ ସ୍କୋୟାର ଲେଗ୍ରେ ଆଉଟ ହୋଇ ଯାଇଛନ୍ତି। ଆଉଟ ହେବା ପୂର୍ବରେ ରୋହିତ ୪୦ ବଲରେ ୪୮ ରନର ଇନିଂସ ଖେଳିଛନ୍ତି। ଏହା ମଧ୍ୟରେ ୭ଟି ଚୌକା ଓ ୨ଟି ଛକା ରହିଛି।
Also Read
ରୋହିତ ଆଉଟ ହେବା ପରେ ଶୁବମନ ଗିଲ୍ଙ୍କୁ ସାଥ ଦେବାକୁ ଆସିଛନ୍ତି ବିରାଟ କୋହଲି। ସେ ଆରମ୍ଭରୁ ହିଁ ଚୌକା ଓ ଛକା ମାରିବା ଆରମ୍ଭ କରିଦେଇଛନ୍ତି। ଗିଲ୍ ମଧ୍ୟ ପଛରେ ନାହାନ୍ତି। ସେ ୫ଟି ଚୌକା ଓ ୨ଟି ଛକା ବଳରେ ୪୧ ରନ କରି ବ୍ୟାଟିଂ କରୁଛନ୍ତି। ବିରାଟ ୨୦ ରନରେ ରହିଛନ୍ତି।
ଭାରତ ପ୍ରଥମ ୧୦ ଓଭର୍ରେ ବାଂଲାଦେଶ ଭଳି ବିନା ୱିକେଟରେ ୬୩ ରନ କରିଥିଲା। ଦଳୀୟ ସ୍କୋର ୮୮ ରନରେ ଦଳର ରୋହିତଙ୍କୁ ହରାଇଥିଲା। ରିପୋର୍ଟ ଲେଖା ହେବା ବେଳକୁ ଭାରତ ୧୫ ଓଭର୍ରେ ୧ ୱିକେଟ ହରାଇ ୧୧୧ ରନ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
