ବିଜୟ ଅଭିମୁଖେ ଭାରତ; ଭାଙ୍ଗିଲା ଟ୍ରାଭିସ ହେଡ ଓ ମିଚେଲ ମାର୍ଶଙ୍କ ଯୋଡ଼ି

ପର୍ଥ ଟେଷ୍ଟରେ ବିଜୟ ଅଭିମୁଖେ ଟିମ୍ ଇଣ୍ଡିଆ। ଅଷ୍ଟ୍ରେଲିଆ ବିପକ୍ଷରେ ଭାରତ ବିଜୟ ଲକ୍ଷ୍ୟରେ ରହିଛି। ଟ୍ରାଭିସ୍ ହେଡ୍ ଓ ମିଚେଲ ମାର୍ଶଙ୍କ ଯୋଡ଼ି ଭାଙ୍ଗିବା ପରେ ଏହି ଆଶା ଆହୁରି ଉଜ୍ଜୀବିତ ହୋଇଯାଇଛି। 

ଅଷ୍ଟ୍ରେଲିଆ 79 ରନରେ 5 ୱିକେଟ ହରାଇ ବ୍ୟାକ୍ ଫୁଟକୁ ଚାଲିଯାଇ ଥିବାବେଳେ ହେଡ୍ ଓ ମାର୍ଶ ଦଳକୁ ମଜବୁତ ସ୍ଥିତିକୁ ଆଣିଥିଲେ। ଉଭୟ ଜଗି ରଖି ଖେଳିବା ସହ ଦଳୀୟ ସ୍କୋରକୁ ଆଗେଇ ନେଇ ଚାଲିଥିଲେ। ମାତ୍ର ଯଶପ୍ରୀତ ବୁମରା ହେଡଙ୍କୁ ପାଭିଲିଅନ ରାସ୍ତା ଦେଖାଇବା ପରେ ଏହି ଯୋଡ଼ି ଭାଙ୍ଗିଯାଇଛି।

ଫଳରେ ଅଷ୍ଟ୍ରେଲିଆ ବିପକ୍ଷରେ ଭାରତର ବିପୁଳ ବ୍ୟବଧାନର ବିଜୟ ଆଶା ଉଜ୍ଜୀବିତ ହୋଇଛି। ହେଡ୍ 89 ରନ୍ କରି ଥିବାବେଳେ ବୁମରାଙ୍କ ବୋଲରେ ତାଙ୍କୁ କ୍ୟାଚ୍ ଆଉଟ୍ କରାଇ ନେଇଥିଲେ ଋଷଭ ପନ୍ତ।  ଏହା ପରେ ମିଚେଲ ମାର୍ଶଙ୍କୁ ବୋଲ୍ଡ କରାଇ ନେଇଛନ୍ତି ନୀତିଶ ରେଡ୍ଡୀ। ସେ 47 ରନ୍ କରି ଥିବାବେଳେ ଆଉଟ୍ ହୋଇଛନ୍ତି।

ଖବର ଲେଖା ହେବା ସୁଦ୍ଧା ଅଷ୍ଟ୍ରେଲିଆ 7 ୱିକେଟ ହରାଇ 182 ରନ୍ କରିଥିଲା। ଏହା ଦଳର ଦ୍ୱିତୀୟ ଇନିଂସ ଥିବାବେଳେ ବିଜୟ ପାଇଁ ଆହୁରି 351 ରନ୍ ଆବଶ୍ୟକ।