ବର୍ମିଂହାମ: ରାଜ୍ୟଗୋଷ୍ଠୀ କ୍ରୀଡ଼ାରେ ଆଜି ଖେଳାଯାଉଥିବା ମହିଳା କ୍ରିକେଟ ମ୍ୟାଚରେ ଭାରତ ଓ ପାକିସ୍ତାନ ମୁହାଁମୁହିଁ ହୋଇଛନ୍ତି। ପାକିସ୍ତାନ ନିର୍ଦ୍ଧାରିତ ୧୮ ଓଭରରେ ସମସ୍ତ ୱିକେଟ୍ ହରାଇ ୯୯ ରନ୍ ସଂଗ୍ରହ କରିଛି। ଫଳରେ ଭାରତ ଆଗରେ ୧୦୦ ରନ୍ର ବିଜୟ ଲକ୍ଷ୍ୟ ରହିଛି।
ବର୍ଷା ବାଧିତ ଏହି ମ୍ୟାଚକୁ ୧୮ ଓଭର ଲେଖାଏଁ କରିଦିଆଯାଇଛି। ଟସ୍ ଜିଣି ପାକିସ୍ତାନ ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା। ହେଲେ ଭାରତୀୟ ଦଳର ଭଲ ବୋଲିଂ ଆଗରେ ପାକିସ୍ତାନର କୌଣସି ଖେଳାଳି ବେଶି ସମୟ ତିଷ୍ଠି ପାରି ନ ଥିଲେ। ନିୟମିତ ବ୍ୟବଧାନରେ ପାକିସ୍ତାନ ଦଳ ୱିକେଟ ହରାଇଥିଲା।
ପାକିସ୍ତାନ ପକ୍ଷରୁ ମୁନିବା ଅଲି ୩୦ଟି ବଲ୍ ଖେଳି ସର୍ବାଧିକ ୩୨ ରନ କରିଥିଲେ।
ଭାରତ ପକ୍ଷରୁ ସ୍ନେହ ରାଣା ଓ ରାଧା ଯାଦବଙ୍କୁ ୨ଟି ଲେଖାଏଁ ୱିକେଟ ମିଳିଥିବା ବେଳେ ରେଣୁକା ସିଂହ, ମେଘନା ସିଂହ ଓ ସେଫାଳି ବର୍ମାଙ୍କୁ ଗୋଟିଏ ଲେଖାଏଁ ୱିକେଟ୍ ମିଳିଥିଲା।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
