ମହିଳା ଏସିଆ କପ ଫାଇନାଲ: ଭାରତର ବ୍ୟାଟିଂ

ମହିଳା ଏସିଆ କପ ଫାଇନାଲ ମ୍ୟାଚ୍‌ରେ ଟସ୍‌ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଛି ଭାରତ। ଏହାର ଅର୍ଥ ଘରୋଇ ଟିମ ଶ୍ରୀଲଙ୍କା ପ୍ରଥମେ ବୋଲିଂ କରିବ। ଏଯାଏ ଟୁର୍ଣ୍ଣାମେଣ୍ଟରେ ଅପରାଜେୟ ଥିବା ଭାରତୀୟ ମହିଳା ଦଳ ୮ମ ଥର ପାଇଁ ଏସିଆ କପ ଜିତିବା ଲକ୍ଷ୍ୟରେ ରହିଛି। ସେପଟେ ଘରୋଇ ପରିବେଶରେ ଭାରତକୁ ମାତ ଦେଇ ଶ୍ରୀଲଙ୍କା ଟିମ ଇତିହାସ ବଦଳାଇବା ମୁଡରେ ରହିଛି। ଫାଇନାଲରେ ଦୁଇ ଦଳ ୫ଥର ମୁହାଁମୁହିଁ ହୋଇଥିବା ବେଳେ ସବୁଥର ଭାରତ ହିଁ ବାଜି ମାରିଛି। 

ଗ୍ରୁପ ପର୍ଯ୍ୟାୟରେ ଭାରତୀୟ ମହିଳା ଦଳ ପାକିସ୍ତାନ, ନେପାଳ ଓ ୟୁଏଇକୁ ହରାଇଥିଲା। ସେମି ଫାଇନାଲରେ ଦଳ ବାଂଲାଦେଶକୁ ପରାସ୍ତ କରି ଫାଇନାଲରେ ପ୍ରବେଶ କରିଛି। ସେହିପରି ଶ୍ରୀଲଙ୍କା ମଧ୍ୟ ଏଯାଏ ଅପରାଜେୟ ରହିଛି। ଦଳ ପାକିସ୍ତାନକୁ ସେମି ଫାଇନାଲରେ ହରାଇ ଫାଇନାଲ ଟିକେଟ ହାସଲ କରିଛି।

ଭାରତୀୟ ଟିମ- ସ୍ମୃତି ମନ୍ଧାନା, ଶେଫାଳି ବର୍ମା, ଉମା ଛେତ୍ରୀ, ହରମନପ୍ରୀତ କୌର, ଜେମିମା ରୋଡ୍ରିଗସ, ରିଚା ଘୋଷ, ଦୀପ୍ତି ଶର୍ମା, ପୂଜା ବସ୍ତ୍ରକର, ରାଧା ଯାଦବ, ତନୁଜା କନୱର ଓ ରେଣୁକା ସିଂହ ଠାକୁର।

ଶ୍ରୀଲଙ୍କା ଟିମ: ବିଶମି ଗୁଣରତ୍ନେ, ଚାମିରା ଆଟାପଟୁ, ହର୍ଷିତା ସମରାବିକ୍ରମା, କବିଶା ଦିଲହରି, ନୀଳକିଶ ଡିସିଲଭା, ଅନୁଷ୍କା ସଞ୍ଜିବନୀ, ହସିନି ପରେରା, ସୁଗନ୍ଧିକା କୁମାରୀ, ଇନୋଶି ପ୍ରିୟଦର୍ଶନୀ, ଉଦେଶିକା ଓ ସଚିନି ନିଶାନସାଲା।