ଏସିଆ କପ ୨୦୨୩ର ସବୁ ଠାରୁ ବଡ଼ ମୁକାବିଲାରେ ମୁହାଁମୁହିଁ ହେଉଛନ୍ତି ଭାରତ ଓ ପାକିସ୍ତାନ। ଏହି ହାଇଭୋଲଟେଜ ମ୍ୟାଚ୍ରେ ଟିମ ଇଣ୍ଡିଆର ଅଧିନାୟକ ରୋହିତ ଶର୍ମା ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଛନ୍ତି। ଟସ୍ ପୂର୍ବରୁ ହାଲୁକା ବର୍ଷା ହୋଇଥିଲେ ମଧ୍ୟ ରୋହିତ ହାଇ ପ୍ରେସର ମ୍ୟାଚ୍ରେ ବ୍ୟାଟିଂ କରିବାକୁ ଶ୍ରେୟସ୍କର ମଣିଛନ୍ତି।
ଆହତ ସମସ୍ୟା ଦେଇ ଗତି କରୁଥିବା ଶ୍ରେୟସ ଆୟର ଆଜି ଚୂଡ଼ାନ୍ତ ଏକାଦଶକୁ ଫେରିଛନ୍ତି। ସେ ୪ନଂରେ ବ୍ୟାଟିଂ କରିବେ। ସେହିପରି ଉଭୟ ହାର୍ଦ୍ଦିକ ପାଣ୍ଡ୍ୟା ଓ ଶାର୍ଦ୍ଦୁଲ ଠାକୁର ଚୂଡ଼ାନ୍ତ ଏକାଦଶରେ ରହିଛନ୍ତି। ଏମାନଙ୍କ ବ୍ୟତୀତ ଯଶପ୍ରୀତ ବୁମ୍ରା ଓ ମହମ୍ମଦ ସିରାଜ ଦଳରେ ଅଛନ୍ତି। ଦୁଇ ସ୍ପିନର ରବୀନ୍ଦ୍ର ଜାଡେଜା ଓ କୁଲଦୀପ ଯାଦବ ମଧ୍ୟ ରହିଛନ୍ତି। ୱିକେଟ କିପର ଭାବେ ଈଶାନ କିଷନ।
Also Read
ପାକିସ୍ତାନ ଅଧିନାୟକ ବାବର ଆଜମ ଶୁକ୍ରାବାର ଠାରୁ ହିଁ ଚୂଡ଼ାନ୍ତ ଏକାଦଶ ଘୋଷଣା କରି ସାରିଥିଲେ। ନେପାଳ ବିପକ୍ଷ ମ୍ୟାଚ୍ରେ ପାକିସ୍ତାନର ଯେଉଁ ୧୧ ଜଣ ଖେଳାଳି ଖେଳୁଥିଲେ, ସେମାନେ ହିଁ ଭାରତ ବିପକ୍ଷରେ ଲଢ଼େଇ କରିବେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
