OR 
ଇଣ୍ଡିଆନ୍ ପ୍ରିମିୟର ଲିଗ୍(ଆଇପିଏଲ୍) ଆଜିର ମୁକାବିଲାରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରକୁ ୧୭୨ ରନ୍ର ବିଜୟ ଲକ୍ଷ୍ୟ ଦେଇଛି ମୁମ୍ବାଇ ଇଣ୍ଡିଆନ୍ସ। ବାଙ୍ଗାଲୋର ଏମ୍ ଚିନ୍ନାସ୍ୱାମୀ ଷ୍ଟାଡିୟମ୍ରେ ବାଙ୍ଗାଲୋର ଟସ୍ ଜିଣି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା। ମୁମ୍ବାଇ ଇଣ୍ଡିଆନ୍ସ ଟିମ୍ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୭ ୱିକେଟ୍ ହରାଇ ୧୭୧ ରନ୍ କରିଛି।
ଟିମ୍ ପକ୍ଷରୁ ତିଲକ ବର୍ମାଙ୍କ ଅପରାଜିତ ୮୪ ରନ୍(୪୬ଟି ବଲ୍, ୯ଟି ଚୌକା ଓ ୪ଟି ଛକା) ମୁମ୍ବାଇକୁ ଏକ ବଡ଼ ସ୍କୋର କରିବାରେ ସହାୟକ ହୋଇଥିଲା। ତେବେ ବାଙ୍ଗାଲୋରର ପ୍ରଭାବି ବୋଲିଂ ଯୋଗୁଁ ମୁମ୍ବାଇର ପ୍ରାରମ୍ଭିକ ବ୍ୟାଟିଂ ଖରାପ ହୋଇଥିଲା। ଦଳିୟ ସ୍କୋର ୨୦ ରନ୍ ବେଳକୁ ଈଶାନ କିଶନ(୧୦), କେମରନ ଗ୍ରିନ୍(୫) ଓ ରୋହିତ ଶର୍ମା(୧)ରେ ଆଉଟ୍ ହୋଇଥିଲେ। ଦଳୀୟ ସ୍କୋର ୪୮ ରନ୍ ବେଳକୁ ଯୁବ ବ୍ୟାଟର ସୂର୍ଯ୍ୟକୁମାର ଯାଦବ (୧୫) ଆଉଟ୍ ହୋଇଥିଲେ। ପଞ୍ଚମ ୱିକେଟ୍ରେ ତିଲକ ବର୍ମା ଓ ନେହାଲ ୱାଧହେରାଙ୍କ ୫୦ ରନ୍ର ଭାଗିଦାରୀ ହୋଇଥିଲା। ନେହାଲ ୨୧ ରନ୍ ଓ ଅର୍ସଦ ଖାନ୍ ଅପରାଜିତ ୧୫ ରନ୍ କରିଥିଲେ।
Also Read
ବାଙ୍ଗାଲୋର ତରଫରୁ କର୍ଣ୍ଣ ଶର୍ମା ସର୍ବାଧିକ ୨ଟି, ମହମ୍ମଦ ସିରାଜ, ରେସି ଟପ୍ଲେ, ଆକାଶ ଦୀପ, ହର୍ଷଲ ପଟେଲ ଓ ମିଚେଲ ବ୍ରାସୱେଲ ଗୋଟିଏ ଲେଖାଏଁ ୱିକେଟ୍ ନେଇଥିଲେ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
