ମୁମ୍ବାଇ ଇଣ୍ଡିଆନ୍ସ ସ୍କ୍ୱାଡରୁ ଜୋଫ୍ରା ଆର୍ଚର ଆଉଟ, ଏହି ଖେଳାଳି ଆସିଲେ

୫ଥର ଆଇପିଏଲ ଟ୍ରଫି ଜିତିଥିବା ମୁମ୍ବାଇ ଇଣ୍ଡିଆନ୍ସର ସ୍କ୍ୱାଡରୁ ବାଦ ପଡ଼ିଛନ୍ତି ଦ୍ରୁତ ବୋଲର ଜୋଫ୍ରା ଆର୍ଚର। ଆହତ ସମସ୍ୟା ପାଇଁ ଗତ ବର୍ଷ ମୁମ୍ବାଇ ପାଇଁ ଖେଳି ନଥିବା ଆର୍ଚର ଏଥର କମବ୍ୟାକ କରିଥିଲେ।

କିନ୍ତୁ ଫିଟନେସ ଯୋଗୁ ସେ ନିୟମିତ ମ୍ୟାଚ୍‌ ଖେଳିବାରୁ ବଞ୍ଚିତ ହୋଇଥିଲେ। ସେହିପରି ଯେଉଁ ସବୁ ମ୍ୟାଚ୍‌ ଖେଳିଥିଲେ, ସେଥିରେ ମଧ୍ୟ ସେ ଆଖି ଦୃଶିଆ ପ୍ରଦର୍ଶନ କରି ନଥିଲେ। ତାଙ୍କ ଆହତ ସମସ୍ୟାକୁ ଦୃଷ୍ଟିରେ ରଖି ଆର୍ଚର ସ୍କ୍ୱାଡରୁ ବାହାରି ଯାଇଛନ୍ତି।

ତାଙ୍କ ବଦଳରେ ମୁମ୍ବାଇ ଇଣ୍ଡିଆନ୍ସ ଇଂଲଣ୍ଡର ଅନ୍ୟତମ ଦ୍ରୁତ ବୋଲର କ୍ରିସ ଜୋର୍ଡାନଙ୍କୁ ସ୍କ୍ୱାଡରେ ସାମିଲ କରିଛି। ଗୋଟିଏ ଟ୍ୱିଟରେ ମୁମ୍ବାଇ ଇଣ୍ଡିଆନ୍ସ ଏ ସମ୍ପର୍କରେ ସୂଚନା ଦେଇଛି।

ଏବେ ଆର୍ଚର ସ୍ୱଦେଶ ଫେରିଯିବେ ଓ ଇସିବି ତାଙ୍କ ସ୍ୱାସ୍ଥ୍ୟାବସ୍ଥାର ସମୀକ୍ଷା କରିବ। ସେହିପରି ଆଇପିଏଲର ଅବଶିଷ୍ଟ ମ୍ୟାଚ୍‌ ଗୁଡ଼ିକରେ ଜୋର୍ଡାନ ମୁମ୍ବାଇ ସ୍କ୍ୱାଡ ସହ ରହିବେ। ଏଥିପାଇଁ ତାଙ୍କ ସହ ମୁମ୍ବାଇ ୨ କୋଟି ଟଙ୍କାରେ ଚୁକ୍ତି କରିଛି।

𝗖𝗵𝗿𝗶𝘀 𝗝𝗼𝗿𝗱𝗮𝗻 𝗷𝗼𝗶𝗻𝘀 𝗠𝘂𝗺𝗯𝗮𝗶 𝗜𝗻𝗱𝗶𝗮𝗻𝘀

Chris Jordan will join the MI squad for the rest of the season.

Chris replaces Jofra Archer, whose recovery and fitness continues to be monitored by ECB. Jofra will return home to focus on his rehabilitation.… pic.twitter.com/wMPBdmhDRf

— Mumbai Indians (@mipaltan) May 9, 2023

୨୦୧୬ରେ ଆଇପିଏଲରେ ଡେବ୍ୟୁ କରିଥିବା ଜୋର୍ଡାନ ଏଯାଏ ୨୮ଟି ମ୍ୟାଚ୍‌ ଖେଳି ୨୭ଟି ୱିକେଟ ନେଇଛନ୍ତି। ତେବେ ସେ ଇଂଲଣ୍ଡ ପାଇଁ ୮୭ଟି ଟି-୨୦ରେ ୯୬ଟି ୱିକେଟ ଦଖଲ କରିଛନ୍ତି।