ଦକ୍ଷିଣ ଆଫ୍ରିକା ବିପକ୍ଷ ଦ୍ୱିତୀୟ ଟେଷ୍ଟରେ କମାଲ କରିଛନ୍ତି ଭାରତର ଦ୍ରୁତ ବୋଲର ମହମ୍ମଦ ସିରାଜ। ସେ ପ୍ରଥମ ସ୍ପେଲରେ ହିଁ ଦକ୍ଷିଣ ଆଫ୍ରିକାର ବ୍ୟାଟିଂ ଲାଇନ ଅପକୁ ଛିନଛତ୍ର କରି ଦେଇଛନ୍ତି।
ସିରାଜ ୯ ଓଭର ବୋଲିଂ କରି ୧୫ ରନ ଦେବା ସହ ୬ ଜଣ ବ୍ୟାଟରଙ୍କୁ ଆଉଟ କରିଛନ୍ତି। ସିରାଜଙ୍କ ଦମଦାର ପ୍ରଦର୍ଶନ ଯୋଗୁ ଦକ୍ଷିଣ ଆଫ୍ରିକା ତା’ର ପ୍ରଥମ ଇନିଂସରେ ମାତ୍ର ୫୫ ରନ କରି ଅଲଆଉଟ ହୋଇଯାଇଛି।
Also Read
୬ ୱିକେଟ ନେବା ଟେଷ୍ଟ କ୍ୟାରିୟରରେ ସିରାଜଙ୍କ ସର୍ବଶ୍ରେଷ୍ଠ ପ୍ରଦର୍ଶନ। ସେ ତୃତୀୟ ଥର ପାଇଁ ଟେଷ୍ଟ କ୍ରିକେଟରେ ୫ ୱିକେଟ ନେବାର ସଫଳତା ହାସଲ କରିଛନ୍ତି। ଏହାପୂର୍ବରୁ ସେ ୭୩ ରନ ଦେଇ ୫ ୱିକେଟ ଓ ୬୦ ରନ ଦେଇ ୫ ୱିକେଟ ନେଇଥିଲେ।
ଦକ୍ଷିଣ ଆଫ୍ରିକା ମାଟିରେ ସିରାଜ ୧୦ମ ଭାରତୀୟ ବୋଲର ଭାବେ ୫ କିମ୍ବା ତା’ ଠାରୁ ଅଧିକ ୱିକେଟ ନେବାର ରେକର୍ଡ କରିଛନ୍ତି। ସିରାଜଙ୍କ ପୂର୍ବରୁ ଜବାଗଲ ଶ୍ରୀନାଥ, ଅନୀଲ କୁମ୍ବଲେ, ମହମ୍ମଦ ଶାମି, ଭେଙ୍କଟେଶ ପ୍ରସାଦ, ଏସ୍ ଶ୍ରୀଶାନ୍ତ, ହରଭଜନ ସିଂହ, ଶାର୍ଦ୍ଦୁଲ ଠାକୁର, ରବୀନ୍ଦ୍ର ଜାଡେଜା ଓ ଯଶପ୍ରୀତ ବୁମ୍ରା ଦକ୍ଷିଣ ଆଫ୍ରିକା ମାଟିରେ ୫ କିମ୍ବା ତା’ ଠାରୁ ଅଧିକ ୱିକେଟ ନେଇଥିଲେ।
ଦକ୍ଷିଣ ଆଫ୍ରିକାରେ ଶ୍ରେଷ୍ଠ ପ୍ରଦର୍ଶନ କରିଥିବା ଭାରତୀୟ ଖେଳାଳିଙ୍କ ମଧ୍ୟରେ ସିରାଜ ତୃତୀୟ ସ୍ଥାନରେ ରହିଛନ୍ତି। ତାଙ୍କ ଉପରେ ଶାର୍ଦ୍ଦୁଲ ଠାକୁର ଓ ହରଭଜନ ସିଂହ ରହିଛନ୍ତି। ୨୦୨୨ ମସିହା ଜୋହାନ୍ସବର୍ଗ ଟେଷ୍ଟରେ ଶାର୍ଦ୍ଦୁଲ ଠାକୁର ୬୧ ରନ ଦେଇ ୭ ୱିକେଟ ଦଖଲ କରିଥିଲେ। ସେହିପରି ହରଭଜନ ୧୨୦ ରନ ଦେଇ ୭ ୱିକେଟ ନେଇଥିଲେ।
୧୯୯୨ରେ ଅନୀଲ କୁମ୍ବଲେ ୫୩ ରନରେ ୬ ୱିକେଟ, ୨୦୦୧ରେ ଶ୍ରୀନାଥ ୭୬ ରନରେ ୬ ୱିକେଟ ଓ ୨୦୧୩ରେ ରବୀନ୍ଦ୍ର ଜାଡେଜା ୧୩୮ ରନ ଦେଇ ୬ଟି ୱିକେଟ ନେଇଥିଲେ।
ଅନ୍ୟପକ୍ଷରେ କଞ୍ଜୁସ ବୋଲିଂ କରି ୫ କିମ୍ବା ତା’ ଠାରୁ ଅଧିକ ୱିକେଟ ଦଖଲ କରିଥିବା ଭାରତୀୟଙ୍କ ମଧ୍ୟରେ ବି ସିରାଜ ୪ର୍ଥରେ ରହିଛନ୍ତି। ତାଙ୍କ ଉପରେ ବୁମ୍ରା (୭ ରନରେ ୫ ୱିକେଟ), ଭେଙ୍କଟପତି ରାଜୁ(୧୨ ରନରେ ୬ ୱିକେଟ), ହରଭଜନ ସିଂହ(୧୩ ରନରେ ୫ ୱିକେଟ) ରହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
