ମେଲବର୍ଣ୍ଣ: ଆହତ ସମସ୍ୟା ପରେ ଟି-୨୦ ବିଶ୍ୱକପକୁ ଫେରିଥିବା ପାକିସ୍ତାନର ବାମହାତୀ ଦ୍ରୁତ ବୋଲର ଶାହୀନ ଶାହ ଆଫ୍ରିଦି ଅଭ୍ୟାସ ମ୍ୟାଚ୍ରେ ନିଜର ଜଲୱା ଦେଖାଇଛନ୍ତି। ସେ ଇଂଲଣ୍ଡ ବିପକ୍ଷ ଅଭ୍ୟାସ ମ୍ୟାଚ୍ରେ କୌଣସି ୱିକେଟ ଦଖଲ କରି ପାରି ନଥିଲେ। ହେଲେ ଆଜି ଆଫଗାନିସ୍ତାନ ବିପକ୍ଷରେ ଜବରଦସ୍ତ ପ୍ରଦର୍ଶନ କରିଛନ୍ତି।
ସେ ଏମିତି ଏକ ଘାତକ ୟର୍କର ପକାଇଥିଲେ ଯେ ଯାହା ଦ୍ୱାରା ଆଫଗାନ ବ୍ୟାଟରଙ୍କୁ ସିଧା ହସ୍ପିଟାଲ ଯିବାକୁ ପଡ଼ିଛି। ଆଫ୍ରିଦି ନିଜର ସୁଇଂ ଦ୍ୱାରା ଆରମ୍ଭରୁ ଆଫଗାନର ଦୁଇ ଓପନର ହଜରତୁଲ୍ଲା ଜଜାଇ ଓ ରହମନୁଲ୍ଲା ଗୁରବାଜଙ୍କୁ ଅଡ଼ୁଆରେ ପକାଇଥିଲେ। ସେ ଗୁରବାଜଙ୍କୁ ଏମିତି ଏକ ମାରାତ୍ମକ ଇନସୁଇଂ ପକାଇଥିଲେ ଯେ ଏହା ସିଧା ଯାଇ ତାଙ୍କ ଗୋଡ଼ରେ ମାଡ଼ ହୋଇଥିଲା।
ଏହି ବଲରେ ଗୁରବାଜ କେବଳ ଆଉଟ ହୋଇ ନଥିଲେ ବରଂ ସେ ଆହତ ମଧ୍ୟ ହୋଇଥିଲେ। ସ୍ଥିତି ଏପରି ହୋଇଥିଲା ଯେ ସେ ଚାଲିବାକୁ ସକ୍ଷମ ହୋଇ ପାରି ନଥିଲେ। ତୁରନ୍ତ ଆଫଗାନ ଫିଜିଓ ତାଙ୍କର ଚିକିତ୍ସା କରିଥିଲେ। ହେଲେ ତାଙ୍କ ଆହତ ସମସ୍ୟା ଦୂର ହୋଇ ନଥିଲା। ତେଣୁ ତାଙ୍କୁ ସାଥୀ ଖେଳାଳି କାନ୍ଧରେ ପକାଇ ଟେକିଟେକି ପଡ଼ିଆ ବାହାରକୁ ନେଇଥିଲେ।
ପରବର୍ତ୍ତୀ ଅବସ୍ଥାରେ ତାଙ୍କ ଆହତ ସମସ୍ୟାର ଯାଞ୍ଚ ପାଇଁ ଗୁରବାଜଙ୍କୁ ହସ୍ପିଟାଲ ନିଆଯାଇଛି। ସେଠାରେ ତାଙ୍କର ସ୍କାନ କରାଯାଇଛି। ତେବେ ଏହାର ରିପୋର୍ଟ ଏଯାଏ ସାମ୍ନାକୁ ଆସିନାହିଁ।
Shaheen Shah Afridi is just wow.
Hope Rahmanullah Gurbaz is alright! He has been taken to the hospital for scans pic.twitter.com/GFWFcQ6kvs
— Aritra Mukherjee (@aritram029) October 19, 2022
ଅଭ୍ୟାସ ମ୍ୟାଚ୍ କଥା ବିଚାରକୁ ନେଲେ ମହମ୍ମଦ ନବିଙ୍କ ଅପରାଜିତ ୫୧ ରନ ବଳରେ ଆଫଗାନିସ୍ତାନ ନିର୍ଦ୍ଧାରିତ ୨୦ ଓଭରରେ ୬ ୱିକେଟ ହରାଇ ୧୫୪ ରନ କରିଥିଲା। ଏହାର ଜବାବରେ ପାକିସ୍ତାନ ୨.୨ ଓଭର ସୁଦ୍ଧା ବିନା ୱିକେଟରେ ୧୯ ରନ କରିଥିବା ବେଳେ ବର୍ଷା ହୋଇଥିଲା। ତେଣୁ ମ୍ୟାଚ୍କୁ ବାତିଲ କରାଯାଇଥିଲା।
Shaheen Afridi is Back 💪🏻🦅 pic.twitter.com/JdBkNjkS45
— Ayesha 🇵🇰|| shanzay stan 💗 (@aasho56) October 19, 2022
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
