ଅକ୍ଟୋବର ୫ରୁ ଭାରତରେ ଆରମ୍ଭ ହେବାକୁ ଥିବା ଆଇସିସି ପୁରୁଷ ଦିନିକିଆ ବିଶ୍ୱକପର ପୁରସ୍କାର ରାଶି ଆଜି ଘୋଷଣା ହୋଇଛି। ପୁରସ୍କାର ବାବଦରେ ମୋଟ ୧୦ ମିଲିୟନ ଡଲାର ଅର୍ଥାତ ୮୩.୧୦ କୋଟି ଟଙ୍କା ଦିଆଯିବ।
ବିଶ୍ୱକପ ଜିତିବାକୁ ଥିବା ଦଳଗୁଡ଼ିକ ୪ ମିଲିୟନ ଡଲାର ବା ୩୩.୨୪ କୋଟି ଟଙ୍କା ମିଳିବ। ସେହିପରି ରନର୍ସ ଅପ ଦଳକୁ ୨ ମିଲିୟନ ଡଲାର ଦିଆଯିବ ବୋଲି ଆଇସିସି ପକ୍ଷରୁ ଜାରି ପ୍ରେସ ବିବୃତିରେ ଘୋଷଣା କରାଯାଇଛି।
Also Read
ଏଥିରେ କୁହାଯାଇଛି ଯେ ବିଶ୍ୱକପର ଗ୍ରୁପ ପର୍ଯ୍ୟାୟରେ ପ୍ରତି ଦଳ ୯ଟି ଲେଖାଏ ମ୍ୟାଚ୍ ଖେଳିବେ। ଏହି ପର୍ଯ୍ୟାୟରେ ବିଜେତା ଦଳକୁ ମ୍ୟାଚ ପିଛା ୪୦ ହଜାର ଡଲାର ଲେଖାଏ ମିଳିବ। ଗ୍ରୁପ ପର୍ଯ୍ୟାୟ ପରେ ନକଆଉଟରୁ ବାଦ ପଡ଼ୁଥିବା ଦଳଗୁଡ଼ିକୁ ୧୦୦୦୦ ଡଲାର ଲେଖାଏ ଦଆଯିବ।
ବିଶ୍ୱକପର ସେମି ଫଇନାଲରେ ଯେଉଁ ଦୁଇ ଦଳ ହାରିବେ ସେମାନଙ୍କୁ ୮୦,୦୦୦୦ ଡଲାର ଲେଖାଏ ମିଳିବ। ଭାରତୀୟ ମୁଦ୍ରାରେ ଏହା ପ୍ରାୟ ୬.୬୫ କୋଟି ଟଙ୍କା।
ଅକ୍ଟୋବର ୫ରୁ ଡିଫେଣ୍ଡ ଚାମ୍ପିୟନ ଇଂଲଣ୍ଡ ଓ ରନର୍ସ ଅପ ନ୍ୟୁଜିଲ୍ୟାଣ୍ଡ ଲଢ଼େଇରୁ ବିଶ୍ୱକପ ଆରମ୍ଭ ହେବ। ଭାରତ ଅକ୍ଟୋବର ୮ରୁ ତା’ର ଅଭିଯାନ ଚେନ୍ନାଇରୁ ଆରମ୍ଭ କରିବ। ପ୍ରଥମ ମ୍ୟାଚ୍ରେ ଦଳ ଅଷ୍ଟ୍ରେଲିଆକୁ ଭେଟିବ। ଏଥିପାଇଁ ସବୁ ଦଳ ଜୋରସୋରରେ ପ୍ରସ୍ତୁତ ଚଳାଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
