ମହିଳା ପ୍ରିମିୟର ଲିଗ ବା WPLର ଦ୍ୱିତୀୟ ମ୍ୟାଚ୍ରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଆରସିବି) ପାଇଁ ଦମଦାର ବ୍ୟାଟିଂ କରିଛନ୍ତି ରିଚା ଘୋଷ ଓ ଏସ୍ ମେଘନା।
ରିଚାଙ୍କ ୩୭ ବଲରେ ୬୨ ଓ ମେଘନାଙ୍କ ୪୪ ବଲରେ ୫୩ ବଳରେ ଆରସିବି ନିର୍ଦ୍ଧାରିତ ୨୦ ଓଭର୍ରେ ୬ ୱିକେଟ ହରାଇ ୧୫୭ ରନ କରିଛି। ଫଳରେ ୟୁପି ୱାରିୟର୍ସକୁ ମ୍ୟାଚ୍ ଜିତିବା ପାଇଁ ୧୫୮ ରନର ଟାର୍ଗେଟ ମିଳିଛି।
Also Read
ବେଙ୍ଗାଲୁରୁରେ ଖେଳା ଯାଉଥିବା ମ୍ୟାଚ୍ରେ ୟୁପି ଅଧିନାୟକ ଆଲିସ ହେଲି ଟସ ଜିତି ପ୍ରଥମେ ଆରସିବିକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲେ। ଆରମ୍ଭରୁ ଦଳ ସୋଫି ଡିଭାଇନ(୧) ଓ ସ୍ମୃତି ମନ୍ଧାନା(୧୩)ଙ୍କୁ ହରାଇଥିଲା।
ଷ୍ଟାର ବ୍ୟାଟର ଏସିଲ ପେରୀ ମଧ୍ୟ କେବଳ ୮ ରନ କରିବାକୁ ସକ୍ଷମ ହୋଇଥିଲେ। ତେବେ ମେଘନା ଓ ରିଚା ସ୍ଥିତି ସମ୍ଭାଳିବା ସହ କାଉଣ୍ଟର ଆଟାକ କରିଥିଲେ। ବିଶେଷ କରି ରିଚାଙ୍କ ବ୍ୟାଟରୁ ବଡ଼ ଶଟ ସବୁ ଦେଖିବାକୁ ମିଳିଥିଲା।
ମେଘନା ଅର୍ଦ୍ଧଶତକ ହାସଲ କରିବା ପରେ ବଡ଼ ଶଟ ଖେଳିବାକୁ ଚେଷ୍ଟା କରିଥିଲେ। କିନ୍ତୁ ତାଙ୍କୁ ରାଜେଶ୍ୱରୀ ଗାଏକ୍ୱାଡ ଆଉଟ କରି ଦେଇଥିଲେ। ୪୪ ବଲରେ ୫୩ ରନର ଇନିଂସ ଖେଳିଥିବା ମେଘନା ୭ଟି ଚୌକା ଓ ଗୋଟିଏ ଛକା ମାରିଛନ୍ତି। ମେଘନା ଆଉଟ ହୋଇଥିଲେ ମଧ୍ୟ ରିଚା ବଡ଼ ଶଟ ଖେଳିବା ବନ୍ଦ କରି ନଥିଲେ।
ସେ ମଧ୍ୟ ନିଜର ଅର୍ଦ୍ଧଶତକ ହାସଲ କରିଥିଲେ। ୧୯ତମ ଓଭରରେ ସେ ଦୀପ୍ତି ଶର୍ମାଙ୍କୁ ବଡ଼ ଶଟ ଖେଳିବାକୁ ଚେଷ୍ଟା କରି ଶେଷରେ ଆଉଟ ହୋଇଥିଲେ। ୩୭ ବଲରେ ୬୨ ରନ କରିଥିବା ରିଚା ୧୨ଟି ଚୌକା ମାରିଛନ୍ତି।
ଶେଷ ଭାଗରେ ଶ୍ରୀୟଙ୍କା ପାଟିଲ ୪ ବଲରେ ୮ ଓ ସୋଫି ମୋଲିନକ୍ସ ୯ ବଲରେ ୯ ରନ କରିବାରୁ ଆରସିବି ୧୫୭ ରନରେ ପହଞ୍ଚିବାକୁ ସକ୍ଷମ ହୋଇଥିଲା। ଏବେ ୟୁପିକୁ ମ୍ୟାଚ୍ ଜିତିବା ପାଇଁ ୧୫୮ ରନ କରିବାକୁ ପଡ଼ିବ।
ୟୁପି ପକ୍ଷରୁ ଗାଏକ୍ୱାଡ ୨ଟି ୱିକେଟ ନେଇଥିବା ବେଳେ ଗ୍ରେସ ହ୍ୟାରିସ, ତହଲିଆ ମ୍ୟାଗ୍ରା, ସୋଫି ଏସଲେଷ୍ଟୋନ ଓ ଦୀପ୍ତି ଶର୍ମା ଗୋଟିଏ ଲେଖାଏ ସଫଳତା ପାଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
