ଆଜି ଠାରୁ ଭାରତ ଓ ଆଫଗାନିସ୍ତାନ ମଧ୍ୟରେ ଆରମ୍ଭ ହୋଇଛି ୩ଟି ମ୍ୟାଚ୍ ବିଶିଷ୍ଟ ଟିଟ୍ୱେଣ୍ଟି ସିରିଜ୍। ଏହା ସହିତ କ୍ରିକେଟର ଏହି ଫର୍ମାଟକୁ ୧୪ ମାସ ପରେ ଫେରିଛନ୍ତି ରୋହିତ ଶର୍ମା। ଟିଟ୍ୱେଣ୍ଟି ବିଶ୍ୱକପ୍ ପୂର୍ବରୁ ଏହା ଭାରତର ଶେଷ ଅନ୍ତର୍ଜାତୀୟ ଟିଟ୍ୱେଣ୍ଟି ସିରିଜ୍ ହୋଇଥିବା ବେଳେ ସମସ୍ତଙ୍କ ନଜର ରହିଛି ରୋହିତ ଶର୍ମାଙ୍କ ଉପରେ। ହେଲେ ଆଜି ସିରିଜ୍ର ପ୍ରଥମ ମ୍ୟାଚ୍ରେ ଶୂନରେ ଆଉଟ୍ ହୋଇଛନ୍ତି ରୋହିତ ଶର୍ମା।
ଭାରତକୁ ୧୫୯ ରନ୍ର ବିଜୟ ଲକ୍ଷ୍ୟ ମିଳିଥିବା ବେଳେ ପ୍ରଥମ ଓଭରର ଦ୍ୱିତୀୟ ବଲ୍ରେ ଆଉଟ୍ ହୋଇଥିଲେ ରୋହିତ ଶର୍ମା। ଭୁଲ୍ ବୁଝାମଣା ଯୋଗୁ ସେ ରନ୍ ଆଉଟ୍ ହୋଇଥିଲେ। ଆଉ ଆଉଟ୍ ହେବା ପରେ ସେ ଶୁବମନ ଗିଲଙ୍କ ଉପରେ ରାଗି ଯାଇଥିଲେ। ସେ ଶୁବମନଙ୍କୁ କିଛି କହି ପ୍ୟାଭିଲିୟନକୁ ଫେରି ଯାଉଥିବା ଦେଖିବାକୁ ମିଳିଥିଲା।
Also Read
ଫଜଲହକ ଫାରୁକୀଙ୍କ ଏକ ବଲ୍କୁ ରୋହିତ ମିଡ୍ ଅଫ୍କୁ ମାରିଥିଲେ ଓ ସିଙ୍ଗଲ୍ ପାଇଁ ଶୁବମନ ଗିଲ୍ଙ୍କୁ ଡାକ ପକାଇଥିଲେ। ଅନ୍ୟପକ୍ଷରେ ଶୁବମନଙ୍କ ନଜର ବଲ୍ ଉପରେ ରହିଥିଲା। ରୋହିତ ଶର୍ମା ତାଙ୍କ କ୍ରିଜ୍ ଛାଡ଼ି ଆର ମୁଣ୍ଡକୁ ଦୌଡ଼ି ପଳାଇ ଯାଇଥିବା ବେଳେ ଶୁବମନ ଗିଲ ସେମିତି କ୍ରିଜ୍ରେ ଛିଡ଼ା ହୋଇ ରହିଥିଲେ। ଆଫଗାନିସ୍ତାନ ଫିଲ୍ଡର କୌଣସି ଭୁଲ୍ କରି ନଥିଲେ ଓ ସୁଯୋଗର ଫାଇଦା ଉଠାଇଥିଲେ। ରୋହିତ ଶର୍ମା ରନ୍ ଆଉଟ୍ ହୋଇଯାଇଥିଲେ।
ରୋହିତ ଶୂନରେ ଆଉଟ୍ ହୋଇଥିଲେ ବି ଭାରତ ଏହି ମ୍ୟାଚ୍ ଜିତି ଯାଇଛି। ଦଳ ୧୭.୩ ଓଭରରେ ଧାର୍ଯ୍ୟ ଲକ୍ଷ୍ୟକୁ ଅତିକ୍ରମ କରି ଯାଇଥିଲା। ଦଳ ୪ଟି ୱିକେଟ୍ ହରାଇଥିଲା। ଦଳ ପକ୍ଷରୁ ଶିବମ ଦୁବେ ଅପରାଜିତ ରହି ୬୦ ରନ୍ କରିଥିଲେ।
Rohit gone for duck 😭#RohitSharma #Gill #IndvsAfg #INDvAFG pic.twitter.com/xpSGnreCm5
— Shubham Chand (@shubhamchand768) January 11, 2024
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
