ବିଶ୍ୱକପରେ ନୂଆ ରେକର୍ଡ କରିଛନ୍ତି ଟିମ ଇଣ୍ଡିଆର ଅଧିନାୟକ ରୋହିତ ଶର୍ମା। ସେ ଆଫଗାନିସ୍ତାନ ବିପକ୍ଷରେ ଶତକ ମାରି ଏକାଧିକ ରେକର୍ଡର ଅଧିକାରୀ ହୋଇଛନ୍ତି। ସେ କ୍ରିକେଟ ଜଗତର ଦୁଇ କିମ୍ବଦନ୍ତୀ କ୍ରିକେଟର କପିଲ ଦେବ ଓ ସଚିବ ତେନ୍ଦୁଲକରଙ୍କ ରେକର୍ଡ ଭାଙ୍ଗିଛନ୍ତି।
ଆଫଗାନିସ୍ତାନ ଦେଇଥିବା ୨୭୩ ରନର ଟାର୍ଗେଟକୁ ପିଛା କରୁଥିବା ଭାରତ ପାଇଁ ରୋହିତ ଶର୍ମା ୬୩ ବଲରେ ଶତକ ହାସଲ କରିଛନ୍ତି। ଏହା ପୂର୍ବରୁ ସେ ୩୦ ବଲରେ ୫୦ ରନ ପୂରଣ କରିଥିଲେ।
Also Read
ରୋହିତ ୬୩ ବଲରେ ଶତକ ପୂରଣ କରିବା ମାତ୍ରେ କପିଲ ଦେବ ଓ ସଚିନଙ୍କ ରେକର୍ଡ ଭାଙ୍ଗି ଦେଇଥିଲେ। କାରଣ ଭାରତ ପାଇଁ ବିଶ୍ୱକପରେ ସବୁଠାରୁ କମ ବଲରେ ଶତକ ହାସଲ କରିବାର କୀର୍ତ୍ତିମାନ ତାଙ୍କ ନାଁରେ ଯୋଡ଼ି ହୋଇ ଯାଇଥିଲା।
ଏହାପୂର୍ବରୁ କପିଲ ଦେବ ସବୁଠାରୁ କମ ବଲରେ ଭାରତ ପାଇଁ ବିଶ୍ୱକପରେ ଶତକ ହାସଲ କରିଥିଲେ। ସେ ୭୨ ବଲରେ ଶତକ ହାସଲ କରିଥିଲେ। ୧୯୮୩ ମସିହା ଜୁନ ୧୮ରେ ଜିମ୍ବାୱେ ବିପକ୍ଷ ମ୍ୟାଚ୍ରେ କପିଲ ଦେବ ଏପରି ରେକର୍ଡ କରିଥିଲେ।
ତା’ ପରଠାରୁ କୌଣସି ଭାରତୀୟ ଏହି ରେକର୍ଡ ଭାଙ୍ଗି ପାରି ନଥିଲେ। କିନ୍ତୁ ଆଜି ରୋହିତ ୬୩ ବଲରେ ଶତକ ହାସଲ କରି ନୂଆ ରେକର୍ଡର ଅଧିକାରୀ ହୋଇଛନ୍ତି।
Topping The Charts! 🔝
— BCCI (@BCCI) October 11, 2023
Most Hundreds (7️⃣) in ODI World Cups 🤝 Rohit Sharma
Take a bow! 🙌 #CWC23 | #TeamIndia | #INDvAFG | #MeninBlue pic.twitter.com/VlkIlXCwvA
କପିଲ ଦେବଙ୍କ ବ୍ୟତୀତ ରୋହିତ କିମ୍ବଦନ୍ତୀ କ୍ରିକେଟର ସଚିନଙ୍କ ରେକର୍ଡ ମଧ୍ୟ ଭାଙ୍ଗିଛନ୍ତି। ବିଶ୍ୱକପ ଇତିହାସରେ ସର୍ବାଧିକ ଶତକ ହାସଲ କରିବା ରେକର୍ଡ ଉଭୟ ସଚିନ ଓ ରୋହିତଙ୍କ ନାଁରେ ଥିଲା। ସଚିନ ୧୯୯୨ରୁ ୨୦୧୧ ବିଶ୍ୱକପ ମଧ୍ୟରେ ୪୪ଟି ମ୍ୟାଚ୍ ଖେଳି ୬ଟି ଶତକ ହାସଲ କରିଥିଲେ। କିନ୍ତୁ ରୋହିତ ଏଯାଏ ୩ଟି ବିଶ୍ୱକପର ୧୯ଟି ମ୍ୟାଚ୍ରେ ୭ଟି ଶତକ ହାସଲ କରି ସଚିନଙ୍କ ରେକର୍ଡକୁ ଅତିକ୍ରମ କରି ଯାଇଛନ୍ତି।
ଏହାବାଦ ରୋହିତ ୪ର୍ଥ ଭାରତୀୟ ଭାବେ ବିଶ୍ୱକପରେ ୧ ହଜାର ରନ ମଧ୍ୟ ପୂରଣ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
