ବିରାଟ ରେକର୍ଡ ଭାଙ୍ଗିବା ପରେ ଏମିତି କିଛି କହିଲେ ସଚିନ ତେନ୍ଦୁଲକର

ବିରାଟ ଶତକ ହାସଲ କରିବା ପରେ ହେଲମେଟ ଖୋଲି ସଚିନଙ୍କ ଆଗରେ ମୁଣ୍ଡ ନୁଆଁ ଥିଲେ। ସଚିନ ମଧ୍ୟ ତାଳି ମାରି ବିରାଟଙ୍କୁ ଶୁଭେଚ୍ଛା ଜଣାଇଥିଲେ। ବିରାଟ ଆଜି ୧୧୭ ରନର ଇନିଂସ ଖେଳିଛନ୍ତି। ଏଥିରେ ୯ଟି ଚୌକା ଓ ୨ଟି ଛକା ରହିଛି।

ବିରାଟ ଓ ସଚିନ

Published: Wednesday, 15 November 2023
Updated: 15 November 2023, 08:26 PM IST

କିମ୍ବଦନ୍ତୀ କ୍ରିକେଟର ସଚିନ ତେନ୍ଦୁଲକରଙ୍କ ସର୍ବକାଳୀନ ଶତକ ରେକର୍ଡ ଆଜି ବିରାଟ କୋହଲି ଭାଙ୍ଗିବାକୁ ସକ୍ଷମ ହୋଇଛନ୍ତି। ସେ ମୁମ୍ବାଇର ୱାଙ୍ଖେଡେରେ ଖେଳା ଯାଉଥିବା ନ୍ୟୁଜିଲ୍ୟାଣ୍ଡ ବିପକ୍ଷ ସେମି ଫାଇନାଲ ମ୍ୟାଚ୍‌ରେ ୫୦ତମ ଶତକ ହାସଲ କରିଛନ୍ତି। ବିରାଟଙ୍କ ଐତିହାସିକ ଶତକ ବେଳେ ସଚିନ ମଧ୍ୟ ୱାଙ୍ଖେଡେ ଷ୍ଟାଣ୍ଡରେ ଉପସ୍ଥିତ ରହିଥିଲେ।

ତେବେ ବିରାଟଙ୍କ ୫୦ତମ ଶତକ ପରେ ବଡ଼ ବୟାନ ଦେଇଛନ୍ତି ସଚିନ। ସେ କହିଛନ୍ତି ଯେ ତାଙ୍କ ରେକର୍ଡ ଜଣେ ଭାରତୀୟ ଭାଙ୍ଗିଥିବାରୁ ସେ ବହୁତ ଖୁସି। ଏଥିସହ ବିଶ୍ୱକପର ଗୋଟିଏ ବଡ଼ ମ୍ୟାଚ୍‌ରେ ଏପରି ଶତକ ଆସିଥିବାରୁ ଏହା ଆହୁରି ସ୍ୱତନ୍ତ୍ର ବୋଲି ସଚିନ ସୋଶାଲ ମିଡିଆରେ ପୋଷ୍ଟ କରିଛନ୍ତି।