ବିରାଟ କୋହଲି। କେବଳ ନାଁ ହିଁ ସବୁ କିଛି। କ୍ରିକେଟର ଜଗତର କିଙ୍ଗ ହେଉଛନ୍ତି ବିରାଟ। ହେଲେ ନିଜକୁ କେବେ ହେଲେ ବଡ଼ ଖେଳାଳି ବୋଲି ଭାବି ଅହଂକାର ଦେଖାନ୍ତି ନାହିଁ ବିରାଟ। ଏହାର ଜ୍ୱଳନ୍ତ ଉଦାହରଣ ଆଜି ଏସିଆ କପ ସୁପର ୪ ବାଂଲାଦେଶ ବିପକ୍ଷରେ ଦେଖିବାକୁ ମିଳିଛି।
ଭାରତ ଏସିଆ କପ ଫାଇନାଲରେ ପ୍ରବେଶ କରି ସାରିଥିବାରୁ ବାଂଲାଦେଶ ବିପକ୍ଷରେ ଏକାଧିକ ପରୀକ୍ଷା ନୀରିକ୍ଷା କରୁଛି। ଏଥିପାଇଁ ଆଜି ଦଳ ଟସ୍ ଜିତି ପ୍ରଥମେ ବୋଲିଂ କରିବା ସହ ଚୂଡ଼ାନ୍ତ ଏକାଦଶରେ ୫ଟି ପରିବର୍ତ୍ତନ କରିଛି। ଫାଇନାଲ ମ୍ୟାଚ୍ରେ ଖେଳିବାକୁ ଥିବା ଦଳର ଶ୍ରେଷ୍ଠ ୫ ଖେଳାଳିଙ୍କୁ ଟିମ ମ୍ୟାନେଜମେଣ୍ଟ ବିଶ୍ରାମ ଦେଇଛି। ଏମାନଙ୍କ ଭିତରେ ବିରାଟ କୋହଲି ମଧ୍ୟ ରହିଛନ୍ତି।
Also Read
ବିରାଟ ଆଜି ଅତିରିକ୍ତ ଖେଳାଳି ଭାବେ ବେଞ୍ଚରେ ବସିଥିବା ବେଳେ ନିଜର କର୍ତ୍ତବ୍ୟ ଭୁଲି ନାହାନ୍ତି। ଜଣେ ଅତିରିକ୍ତ ଖେଳାଳି ଯାହା ସବୁ କରନ୍ତି, ସେ ମଧ୍ୟ ସମାନ କାମ କରିଛନ୍ତି। ବଡ଼ ଖେଳାଳି ଭାବେ ପରିଚୟ ହାସଲ କରିଥିଲେ ମଧ୍ୟ ସେ ଓଭର ସରିବା ପରେ ପାଣି ବୋତଲ ବୋହି ପଡ଼ିଆ ଭିତରକୁ ଯାଇଛନ୍ତି। ଏହାର ଭିଡିଓ ସାମ୍ନାକୁ ଆସିଛି। ପାଣି ବୋହିବା ବେଳେ ବିରାଟ ମଧ୍ୟ ଏହାକୁ ବେଶ ଉପଭୋଗ କରୁଥିବା ଭିଡିଓରୁ ଜଣାପଡ଼ୁଛି।
ଏଥିସହ ବାଉଣ୍ଡରୀ ପାଖରେ ଛିଡ଼ା ହୋଇ ଦ୍ରୁତ ବୋଲର ମହମ୍ମଦ ଶାମିଙ୍କୁ ପାଣି ଯୋଗାଇ ଦେଇଛନ୍ତି। ବାଂଲାଦେଶର ୭ମ ଓଭର ପରେ ଶାମି କିଛି ମିନିଟ ପାଇଁ ପଡ଼ିଆ ଛାଡ଼ି ଥିଲେ।
Virat Kohli while carrying drink 😂😂#AsiaCup2023 #INDvsBANpic.twitter.com/iXeU7kIBAR
— RVCJ Media (@RVCJ_FB) September 15, 2023
ଏହି ସମୟରେ ବିରାଟ ତାଙ୍କ ବଦଳରେ ଅତିରିକ୍ତ ଖେଳାଳି ଭାବେ ଫିଲ୍ଡିଂ କରିଥିଲେ। ସେ ୨ ଓଭର ଫିଲ୍ଡିଂ କରିବା ପରେ ଶାମି ଫେରିଥିଲେ। ଏହାପରେ ବିରାଟ ପୁଣି ଡଗ ଆଉଟକୁ ଫେରି ଯାଇଥିଲେ। ଏଥିସହ ପାଣି ମଧ୍ୟ ନେବା ଆଣିବା କରିଥିଲେ।
ତାଙ୍କୁ ମହମ୍ମଦ ସିରାଜ ଓ କୁଲଦୀପ ଯାଦବ ମଧ୍ୟ ସହଯୋଗ କରିଥିଲେ। କାରଣ ଏହି ଦୁଇ ଖେଳାଳି ମଧ୍ୟ ଆଜିର ମ୍ୟାଚ୍ରେ ବିଶ୍ରାମ ପାଇଛନ୍ତି।
ଏହି ୩ ଖେଳାଳିଙ୍କ ବ୍ୟତୀତ ଯଶପ୍ରୀତ ବୁମ୍ରା ଓ ହାର୍ଦ୍ଦିକ ପାଣ୍ଡ୍ୟା ମଧ୍ୟ ଆଜିର ମ୍ୟାଚ୍ ଖେଳୁ ନାହାନ୍ତି। ମହମ୍ମଦ ଶାମି, ପ୍ରସିଦ୍ଧ କୃଷ୍ଣ ଓ ସୂର୍ଯ୍ୟ କୁମାର ଯାଦବ ଆଜି ମ୍ୟାଚ୍ ଖେଳିବାକୁ ସୁଯୋଗ ପାଇଛନ୍ତି। ଶାର୍ଦ୍ଦୁଲ ଠାକୁର ମଧ୍ୟ ଦଳକୁ କମବ୍ୟାକ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
