ଆଇସିସି ଦିନିକିଆ ବିଶ୍ୱକପ ପରେ ଏବେ ଟି-୨୦ ମହା ମୁକାବିଲାକୁ ନେଇ ସବୁଠି ଉତ୍କଣ୍ଠା। ଏଥର ସର୍ଟ ଫର୍ମାଟରେ କେଉଁ ଦେଶ ବିଶ୍ୱ ବିଜୟୀ ହେବ ତା' ଉପରେ ରହିଛି ସମସ୍ତଙ୍କ ନଜର। ଏହାରି ମଧ୍ୟରେ ଟି-ଟ୍ୱେଣ୍ଟି ବିଶ୍ୱକପ ପାଇଁ ଟ୍ୱେଣ୍ଟି ଟିମ୍ ନାମ ଘୋଷଣା କରିଛି ଆଇସିସି। ଆଇସିସି ଟିମ୍ ତାଲିକା ପ୍ରକାଶ ପାଉ ପାଉ ଇତିହାସ ରଚିଛି ଉଗାଣ୍ଡା। ପ୍ରଥମ କରି ବିଶ୍ୱକପ ଖେଳିବାକୁ ଯାଉଛି ଆଫ୍ରିକାର ଏହି ଦେଶ।
ନାମିବିୟାରେ ଆଫ୍ରିକା ରିଜିଅନ ଯୋଗ୍ୟତା ପ୍ରତିଯୋଗିତାରେ ରୁଆଣ୍ଡାକୁ ହରାଇ ଏହି ସୌଭାଗ୍ୟ ଅର୍ଜନ କରିଛି ଉଗାଣ୍ଡା। ଆଫ୍ରିକୀୟ ଦେଶରେ ଟି-୨୦ ବିଶ୍ୱକପ୍ ପାଇଁ ପ୍ରଥମ ଯୋଗ୍ୟତା ହାସଲ କରିଥିଲା ନାମିବିୟା ଦଳ। ଏହାପରେ ଉଗାଣ୍ଡା ଦ୍ୱିଦେଶ ଭାବେ ବିଶ୍ୱକପ୍ ଯୋଗ୍ୟତା ହାସଲ କରିଛି।ସେପଟେ ଜିମ୍ବାୱେର ବିଶ୍ୱକପ୍ ଖେଳିବା ସ୍ୱପ୍ନ ଧୂଳିସାତ୍ ହୋଇଯାଇଛି। ତେବେ କେଉଁ କେଉଁ ଦଳ ବିଶ୍ୱକପରେ ମୁହାଁମୁହିଁ ହେବେ, ନଜର ପକାନ୍ତୁ...
ଟି-୨୦ ବିଶ୍ୱକପ ଖେଳିବାକୁ ଥିବା ୨୦ ଦଳ:-
Also Read
ନୂଆ ଫର୍ମାଟ୍:-
୨୦ଟି ଦଳ ପ୍ରତିଦ୍ୱନ୍ଦ୍ୱିତା କରିବା ସହିତ, ଫର୍ମାଟରେ ଏକ ପ୍ରାରମ୍ଭିକ ଗ୍ରୁପ୍ ପର୍ଯ୍ୟାୟ ପ୍ରଦର୍ଶିତ ହେବ। ପ୍ରତ୍ୟେକ ପାଞ୍ଚଟି ଦଳକୁ ନେଇ ଚାରୋଟି ଗ୍ରୁପ୍ ରହିବ। ପ୍ରତ୍ୟେକ ଗ୍ରୁପର ଶ୍ରେଷ୍ଠ ଦୁଇ ଟିମ୍ 'ସୁପର ଏଇଟ୍' ପର୍ଯ୍ୟାୟକୁ ମନୋନୀତ ହେବେ।
ଟୁର୍ଣ୍ଣାମେଣ୍ଟର 'ସୁପର ଏଇଟ୍' ପର୍ଯ୍ୟାୟରେ ପ୍ରତ୍ୟେକ ଚାରୋଟି ଦଳକୁ ନେଇ ଦୁଇଟି ଗ୍ରୁପ ରହିବ। ଉଭୟ ଗ୍ରୁପର ଶ୍ରେଷ୍ଠ ଦୁଇ ଦଳ ସେମିଫାଇନାଲ ପାଇଁ ଯୋଗ୍ୟତା ଅର୍ଜନ କରିବେ ଏବଂ ପରେ ଫାଇନାଲ ମୁକାବିଲା ହେବ।
ଆସନ୍ତା ବର୍ଷ(୨୦୨୪) ଜୁନ ୪ରୁ ୩୦ ପର୍ଯ୍ୟନ୍ତ ଆଇସିସି ଟି-ଟ୍ୱେଣ୍ଟି ବିଶ୍ୱକପ୍ ଖେଳାଯିବ। ପ୍ରଥମ କରି ଆମେରିକା ବିଶ୍ୱକପ ଆୟୋଜନ କରୁଥିବା ବେଳେ ୱେଷ୍ଟଇଣ୍ଡିସ ସହ-ଆୟୋଜକ ରହିଛି। ସେହିପରି ଚଳିତ ସଂସ୍କରଣରେ ମଧ୍ୟ ପ୍ରଥମ କରି ୨୦ଟି ଟିମ୍ ଟୁର୍ଣ୍ଣାମେଣ୍ଟ ପାଇଁ ଯୋଗ୍ୟତା ହାସଲ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
