ଚାଙ୍ଗୱନ୍: ଇଣ୍ଟରନ୍ୟାଶନାଲ୍ ଶୁଟିଂ ସ୍ପୋର୍ଟସ ଫେଡେରେସନ୍(ଆଇଏସ୍ଏସ୍ଏଫ୍) ୱାର୍ଲ୍ଡ ଚାମ୍ପିୟନଶିପ୍ର ୧୦ ମିଟର୍ ଏୟାର ରାଇଫଲ୍ ମିକ୍ସଡ୍ ଟିମ୍ ଜୁନିୟର ଇଭେଣ୍ଟରେ ଭାରତର ଦିବ୍ୟାଂଶ ସିଂହ ପନୱାର ଓ ଶ୍ରେୟା ଅଗ୍ରୱାଲ ବ୍ରୋଞ୍ଜ ପଦକ ଜିତିଛନ୍ତି। କିନ୍ତୁ ଭାରତର ବରିଷ୍ଠ ବିଭାଗର ଶୁଟ୍ରମାନେ ଦେଶକୁ ନିରାଶ କରିଛନ୍ତି ।
୪୨ଟି ଟିମ୍କୁ ନେଇ ଅନୁଷ୍ଠିତ କ୍ୱାଲିଫିକେସନ୍ ରାଉଣ୍ଡ୍ରେ ଦିବ୍ୟାଂଶ ଓ ଶ୍ରେୟା ୮୩୪.୪ ସ୍କୋର ସହ ୫ମ ସ୍ଥାନରେ ରହି ଫାଇନାଲ୍ ଟିକେଟ୍ ପାଇଥିଲେ। ଫାଇନାଲ୍ରେ ଏହି ଯୋଡ଼ି ୪୩୫ ସ୍କୋର ସହ ତୃତୀୟ ସ୍ଥାନରେ ରହି ବ୍ରୋଞ୍ଜ ପଦକ ପକ୍କା କରିଛନ୍ତି।
ଇଟାଲୀର ସୋଫିଆ ବେନେଟ୍ଟି ଓ ମାର୍କୋ ସୁପିନୀ ସ୍ୱର୍ଣ୍ଣ ପଦକ ଜିତିଥିବା ବେଳେ ଇରାନର ସାଦେଘିଆନ ଆର୍ମିନା ଓ ମହମ୍ମଦ ଆମୀର ନେକୌନାମ ରୌପ୍ୟ ପଦକ ଜିତିଛନ୍ତି। ଏହି ଇଭେଣ୍ଟରେ ଭାରତର ଅନ୍ୟତମ ଯୋଡ଼ି ଏଲାଭେନିଲ୍ ଭାଲାରିଭାନ୍ ଓ ହୃଦୟ ହାଜାରିକା ୮୨୯.୫ ପଏଣ୍ଟ ସହ ୧୩ତମ ସ୍ଥାନରେ ରହିଛନ୍ତି।
ଭାରତ ଏହି ଟୁର୍ଣ୍ଣାମେଣ୍ଟରେ ଅଦ୍ୟାବଧି ସମୁଦାୟ ୩ଟି ଲେଖାଏ ସ୍ୱର୍ଣ୍ଣ, ରୌପ୍ୟ ଓ ବ୍ରୋଞ୍ଜ ପଦକ ଜିତିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
