ନୂଆଦିଲ୍ଲୀ: ଆସନ୍ତା କାଲିଠାରୁ ୟୁଏଇରେ ଆରମ୍ଭ ହେବ ଆଇପିଏଲର ତ୍ରୟୋଦଶ ସିଜିନ୍। ଏଥିପାଇଁ ବିଦେଶୀ ଖେଳାଳିମାନେ ଦୁବାଇରେ ପହଞ୍ଚିବା ଆରମ୍ଭ କରିଛନ୍ତି। ନିକଟରେ ଶେଷ ହୋଇଥିବା ଇଂଲଣ୍ଡ-ଅଷ୍ଟ୍ରେଲୀୟ ସିରିଜ୍ ପରେ ଉଭୟ ଦେଶର ଖେଳାଳିମାନେ ୟୁଏଇରେ ପହଞ୍ଚିବା ଆରମ୍ଭ କରିଛନ୍ତି। ଶୁକ୍ରବାର କୋଲକାତା ନାଇଟ ରାଇଡର୍ସ ପକ୍ଷରୁ ଟୁଇଟ୍ କରି କୁହଯାଇଛି ଯେ ଇଂଲଣ୍ଡ ଅଧିନାୟକ ଇଅନ ମୋର୍ଗାନଙ୍କ ସମେତ ଦଳର ଅନ୍ୟତମ ଖେଳାଳି ଟମ୍ ବ୍ୟାଣ୍ଟନ୍ ଓ ଅଷ୍ଟ୍ରେଲୀୟ ଫାଷ୍ଟ ବୋଲର୍ ପ୍ୟାଟ୍ କମିନସ ଦଳ ସହ ଯୋଗ ଦେଇଛନ୍ତି। ଏହି ତିନି ଖେଳାଳିଙ୍କ ପହଞ୍ଚିବା ଫଟୋ ମଧ୍ୟ ଚୁଇଟରରେ ଅପଲୋଡ୍ କରାଯାଇଛି।
https://twitter.com/KKRiders/status/1306907349941202946?s=20
ସେହିପରି ସନରାଇଜର୍ସ ହାଇଦ୍ରାବାଦ ପକ୍ଷରୁ ଟୁଇଟ୍ ଯୋଗେ କୁହାଯାଇଛି ଯେ ଦଳର ବିଦେଶୀ ଖେ୍ଳାଳି ଡେଭିଡ୍ ୱାର୍ଣ୍ଣର, ଜନି ବେୟାରଷ୍ଟୋ ଓ ମିଚେଲ୍ ମାର୍ଶ ଦଳ ସହ ଶୁକ୍ରବାର ଦଳ ସହ ଯୋଗ ଦେଇଛନ୍ତି।
https://twitter.com/SunRisers/status/1306895166716821505?s=20
ସୂଚନାଯୋଗ୍ୟ ଦୁବାଇ ପହଞ୍ଚିବା ପରେ ଉଭୟ ଦଳର ଖେଳାଳିମାନେ ମାତ୍ର 36 ଘଣ୍ଟା ଅର୍ଥାତ୍ ଦେଢ ଦିନ ସେଲଫ୍ ଆଇସୋଲେସନରେ ରହିବେ।