ଭାରତୀୟ ହକି ଖେଳାଳି ବରୁଣ କୁମାରଙ୍କ ବିରୋଧରେ ସଙ୍ଗୀନ ଅଭିଯୋଗ। ବେଙ୍ଗାଲୁରୁର ଜଣେ ୨୨ ବର୍ଷୀୟ ଯୁବତୀ ତାଙ୍କ ବିରୋଧରେ ଦୁଷ୍କର୍ମ ଅଭିଯୋଗ ଆଣିଛନ୍ତି।
ପୁଲିସ ସୂଚନା ଅନୁସାରେ, ବରୁଣ କୁମାର ତାଙ୍କୁ ବିବାହର ପ୍ରଲୋଭନ ଦେଖାଇ ଗତ ୫ ବର୍ଷ ଧରି ବାରମ୍ବାର ଦୁଷ୍କର୍ମ କରିଥିବା ଜଣକ ନିଜ ଅଭିଯୋଗରେ କହିଛନ୍ତି। ମହିଳାଙ୍କ କହିବା ମୁତାବକ, ୨୦୧୯ରେ ଇନ୍ଷ୍ଟାଗ୍ରାମ ଜରିଆରେ ବରୁଣ କୁମାରଙ୍କ ସହ ତାଙ୍କର ଦେଖାସାକ୍ଷାତ ହୋଇଥିଲା। ସେହି ସମୟରେ ତାଙ୍କର ବୟସ ୧୭ ବର୍ଷ ଥିଲା।
Also Read
ଯୁବତୀ ଜଣଙ୍କ ଅଭିଯୋଗ ମୁତାବକ, ବରୁଣ ଯେତେବେଳେ ବି ବେଙ୍ଗାଲୁରୁ ସାଇ ଷ୍ଟାଡିୟମକୁ ମ୍ୟାଚ୍ ଖେଳିବା ପାଇଁ ଆସୁଥିଲେ ସେତେବେଳେ ସେ ତାଙ୍କ ସହ ଶାରୀରିକ ସମ୍ପର୍କ ରଖୁଥିଲେ। ପୀଡିତଙ୍କ ଅଭିଯୋଗ ଆଧାରରେ ବେଙ୍ଗାଲୁରୁ ପୁଲିସ ବରୁଣ କୁମାରଙ୍କ ବିରୋଧରେ ଏଫ୍ଆଇଆର୍ ରୁଜୁ କରିଛି।
ବରୁଣ କୁମାର ହେଉଛନ୍ତି ହିମାଚଳ ପ୍ରଦେଶର ବାସିନ୍ଦା। ସେ କିନ୍ତୁ ପଞ୍ଜାବର ଜାଳନ୍ଧରରେ ରୁହନ୍ତି। ବର୍ତ୍ତମାନ ବରୁଣ ଫେରାର ଅଛନ୍ତି। ପୁଲିସ ତାଙ୍କୁ ଟ୍ରେସ୍ କରିବା ପାଇଁ ଚେଷ୍ଟା ଚଳାଇଥିବା ଅଧିକାରୀମାନେ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
