୨୦୨୧ରେ ଭାରତରେ ହେବ ଟି-୨୦ ବିଶ୍ୱକପ, ୨୦୨୨ରେ ଅଷ୍ଟ୍ରେଲିଆ ପାଳି

ନୂଆଦିଲ୍ଲୀ: ପୂର୍ବ ନିର୍ଦ୍ଧାରିତ ନିଷ୍ପତ୍ତି ଅନୁଯାୟୀ ଭାରତ ହିଁ ୨୦୨୧ ଟି-୨୦ ବିଶ୍ୱକପ ଆୟୋଜନ କରିବ। ବିସିସିଆଇ ବିଶ୍ୱକପ ଆୟୋଜନ ଅଧିକାର ପୂର୍ବଭଳି ବଜାୟୀ ରଖିଛି। ୨୦୨୦ ଟି-୨୦ ବିଶ୍ୱକପ ଅଷ୍ଟ୍ରେଲିଆରେ ହେବାର ଥିଲା। କିନ୍ତୁ କରୋନା ସଂକ୍ରମଣ ପାଇଁ ଏହାକୁ ବାତିଲ କରାଯାଇଥିଲା। କୁହାଯାଉଥିଲା ଯେ ୨୦୨୧ ଟି-୨୦ ବିଶ୍ୱକପ ଅଷ୍ଟ୍ରେଲିଆ ଆୟୋଜନ କରିବ। କିନ୍ତୁ ପୂର୍ବ ନିଷ୍ପତ୍ତି ଅନୁଯାୟୀ ଭାରତକୁ ହିଁ ହୋଷ୍ଟିଂ ଅଧିକାର ମିଳିଛି। ତେବେ ୨୦୨୦ରେ ଟି-୨୦ ବିଶ୍ୱକପ ଆୟୋଜନ କରିପାରି […]

o

o

Hemant Lenka
  • Published: Friday, 07 August 2020
  • Updated: 07 August 2020, 08:38 PM IST

ନୂଆଦିଲ୍ଲୀ: ପୂର୍ବ ନିର୍ଦ୍ଧାରିତ ନିଷ୍ପତ୍ତି ଅନୁଯାୟୀ ଭାରତ ହିଁ ୨୦୨୧ ଟି-୨୦ ବିଶ୍ୱକପ ଆୟୋଜନ କରିବ। ବିସିସିଆଇ ବିଶ୍ୱକପ ଆୟୋଜନ ଅଧିକାର ପୂର୍ବଭଳି ବଜାୟୀ ରଖିଛି। ୨୦୨୦ ଟି-୨୦ ବିଶ୍ୱକପ ଅଷ୍ଟ୍ରେଲିଆରେ ହେବାର ଥିଲା। କିନ୍ତୁ କରୋନା ସଂକ୍ରମଣ ପାଇଁ ଏହାକୁ ବାତିଲ କରାଯାଇଥିଲା। କୁହାଯାଉଥିଲା ଯେ ୨୦୨୧ ଟି-୨୦ ବିଶ୍ୱକପ ଅଷ୍ଟ୍ରେଲିଆ ଆୟୋଜନ କରିବ। କିନ୍ତୁ ପୂର୍ବ ନିଷ୍ପତ୍ତି ଅନୁଯାୟୀ ଭାରତକୁ ହିଁ ହୋଷ୍ଟିଂ ଅଧିକାର ମିଳିଛି।

ତେବେ ୨୦୨୦ରେ ଟି-୨୦ ବିଶ୍ୱକପ ଆୟୋଜନ କରିପାରି ନଥିବା ଅଷ୍ଟ୍ରେଲିଆ ୨୦୨୨ରେ ଏହାର ଆୟୋଜନ କରିବ। ଆଜି ଆଇସିସି ପକ୍ଷରୁ ଭିଡିଓ କନଫରେନ୍ସିଂ ଜରିଆରେ ହୋଇଥିବା ଆଲୋଚନା ପରେ ଏହା ସ୍ପଷ୍ଟ ହୋଇଯାଇଛି।

ଧାର୍ଯ୍ୟ ସୂଚୀ ଅନୁଯାୟୀ, ୨୦୨୧ ଟି-୨୦ ବିଶ୍ୱକପ ଅକ୍ଟୋବର-ନଭେମ୍ବର ମାସରେ ଭାରତରେ ଆୟୋଜନ ହେବ। ଫାଇନାଲ ମ୍ୟାଚ୍ ନଭେମ୍ବର ୧୪ରେ ଖେଳାଯିବ। ସେହିପରି ୨୦୨୨ରେ ହେବାକୁ ଥିବା ଟି-୨୦ ବିଶ୍ୱକପର ଫାଇନାଲ ମ୍ୟାଚ୍‌ ନଭେମ୍ବର ୧୩ରେ ଅନୁଷ୍ଠିତ ହେବ।

୨୦୨୩ ଦିନିକିଆ ବିଶ୍ୱକପ ମଧ୍ୟ ଭାରତରେ ଖେଳାଯିବ। ଅକ୍ଟୋବର-ନଭେମ୍ବର ମାସରେ ଭାରତ ଏକାକୀ ଏହାକୁ ଆୟୋଜନ କରିବ। ୫୦ ଓଭର ବିଶିଷ୍ଟ ବିଶ୍ୱକପର ଫାଇନାଲ ନଭେମ୍ବର ୨୬ରେ ଖେଳାଯିବାକୁ ସ୍ଥିର ହୋଇଛି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos