ଆଇପିଏଲ ମହାସମର: ମୁମ୍ବାଇର ବିଜୟଧାରା ଜାରି

ଭୁବେନଶ୍ୱର: ଆଇପିଏଲ ମହାସମରରେ ମୁମ୍ବାଇ ଇଣ୍ଡିଆନର ବିଜୟଧାରା ଜାରି ରହିଛି। ଗତକାଲି ଖେଳାଯାଇଥିବା ମ୍ୟାଚରେ ଚେନ୍ନାଇକୁ ୬ ୱିକେଟରେ ପରାସ୍ତ କରିଛି ମୁମ୍ବାଇ। ଚେନ୍ନାଇ ପ୍ରଥମେ ବ୍ୟାଟିଂ କରି ୧୫୯ ରନ ଟାର୍ଗେଟ ଦେଇଥିଲା ମୁମ୍ବାଇକୁ। ମୁମ୍ବାଇ ୧୯.୨ଓଭରରେ ୪ ୱିକେଟ ହରାଇ ବିଜୟ ଲକ୍ଷ୍ୟ ହାସଲ କରିଥିଲା।

ଅନ୍ୟପକ୍ଷରେ ଆଜି ରହିଛି ଦୁଇଟି ମ୍ୟାଚ। ପ୍ରଥମ ମ୍ୟାଚ ଖେଳାଯିବ ଅପରାହ୍ଣ ୪ଟାରେ। କୋଲାକତାରେ ଏହି ମ୍ୟାଚ ଖେଳାଯିବ। ଏଥିରେ ସାମ୍ନାସାମ୍ନି ହେବେ କୋଲାକାତା ନାଇଟ୍ ରାଇଡ଼ର୍ସ ଏବଂ କିଙ୍ଗସ ଏକାଦଶ ପଞ୍ଜାବ । ଦ୍ୱିତୀୟ ମ୍ୟାଚ ରାତି ୮ଟାରେ । ରାୟପୁରରେ ହେବାକୁଥିବା ଏହି ମ୍ୟାଚରେ ଟକ୍କର ହେବ ସନରାଇଜର୍ସ ହାଇଦ୍ରାବାଦ ଏବଂ ଦିଲ୍ଲୀ ଡେଭିଲ୍ସ ମଧ୍ୟରେ।