ଅନ୍ତର୍ଜାତୀୟ T-20ରୁ ଅବସର ନେଲେ ଅଲ୍ରାଉଣ୍ଡର ରବୀନ୍ଦ୍ର ଜାଡେଜା। କ୍ୟାପଟେନ୍ ରୋହିତ ଶର୍ମା ଓ ବିରାଟ କୋହଲିଙ୍କ ପରେ ତୃତୀୟ ଖେଳାଳି ଭାବେ ସେ T-20ରୁ ଅବସର ନେଇଛନ୍ତି। ଆଜି ସେ ଏନେଇ ସୋଶାଲ୍ ମିଡ଼ିଆରେ ଘୋଷଣା କରିଛନ୍ତି।
ସୋଶାଲ ମିଡ଼ିଆ ଇନ୍ଷ୍ଟାଗ୍ରାମ୍ ପୋଷ୍ଟରେ ସେ ଲେଖିଛନ୍ତି, T-20 ଅନ୍ତର୍ଜାତୀୟ କ୍ୟାରିୟରରେ ବିଶ୍ୱକପ୍ ଜିତିବା ସ୍ୱପ୍ନ ଥିଲା। ଯାହା ଆଜି ପୂରଣ ହୋଇଛି ବୋଲି ସେ ଲେଖିଛନ୍ତି।
Also Read
ସୂଚନାରୁ ପ୍ରକାଶ, ଭାରତୀୟ ଟିମ୍ରେ ରବୀନ୍ଦ୍ର ଜାଡେଜା ହେଉଛନ୍ତି ଜଣେ ଅଲ୍ରାଉଣ୍ଡର। ସେ ୭୪ଟି T-20 ଅନ୍ତର୍ଜାତୀୟ ମ୍ୟାଚ୍ ଖେଳି ୫୧୫ ରନ୍ କରିଥିବା ବେଳେ ୫୪ଟି ୱିକେଟ ଅକ୍ତିଆର କରିଛନ୍ତି। ତେବେ ସେ ଟେଷ୍ଟ, ଦିନିକିଆ ଓ ଆଇପିଏଲ୍ ଖେଳିବେ ବୋଲି ଜଣାପଡ଼ିଛି।
ରବୀନ୍ଦ୍ର ଜାଡେଜାଙ୍କ T-20 ଅନ୍ତର୍ଜାତୀୟ କ୍ୟାରିୟର୍ ୨୦୦୯ ମସିହା ଫେବ୍ରୁଆରୀ ୧୦ ତାରିଖରେ ଆରମ୍ଭ ହୋଇଥିଲା। ସେ ପ୍ରଥମ ମ୍ୟାଚ ଶ୍ରୀଲଙ୍କା ବିରୋଧରେ କଲମ୍ୱୋରେ ଖେଳିଥିଲେ। ଡେବ୍ୟୁ ମ୍ୟାଚରେ ସେ ୪ ଓଭର ବୋଲିଂ କରି ୨୯ ରନ୍ ଦେଇଥିଲେ। ମାତ୍ର କୌଣସି ୱିକେଟ୍ ଅକ୍ତିଆର କରିପାରିନଥିଲେ।
T-20 ବିଶ୍ୱ କପ୍ ଜିତିବା ପରେ T-20 ଅନ୍ତର୍ଜାତୀୟ ମ୍ୟାଚ୍ରୁ ଅବସର ନେଇଥିଲେ କ୍ୟାପ୍ଟେନ୍ ରୋହିତ ଶର୍ମା ଓ ବିରାଟ କୋହଲି। ଉଭୟ ଗତକାଲି ଏନେଇ ଘୋଷଣା କରିଥିଲେ।
Ravindra Jadeja announces retirement from T20 International Cricket
— ANI (@ANI) June 30, 2024
"Winning the T20 World Cup was a dream come true, a pinnacle of my T20 international career," Jadeja wrote on his social media pic.twitter.com/MUHh5MupCH
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
