ଜୁଲାଇ ୨୨ରୁ କଟକରେ ପ୍ରୋ କବାଡି ଲିଗ୍

କଟକ: କଟକରେ ଆସନ୍ତା ଜୁଲାଇ ୨୨ରୁ ଅନୁଷ୍ଠିତ ହେବ ପ୍ରୋ କବାଡି ଲିଗ୍। ଏହି ଲିଗରେ ୪ଟି ମ୍ୟାଚ୍ ୮ଟି ଦଳ ମଧ୍ୟରେ ଖେଳାଯିବ। ଏହି କବାଡି ଲିଗ୍ ଜୁଲାଇ ୨୫ ତାରିଖ ଯାଏଁ ଚାଲିବ। ଏନେଇ ପ୍ରୋ-କବାଡି ଲିଗର ମୁଖ୍ୟ ଦେଓରାଓ ଚତୁର୍ବେଦୀ ଠାରୁ ସକରାତ୍ମକ ସଙ୍କେତ ମିଳିଛି। ସୋମବାର ପ୍ରୋ-କବାଡି ଲିଗର ମୁଖ୍ୟଙ୍କ ସମେତ ପ୍ରସାରଣକାରୀ ସଂସ୍ଥା ଷ୍ଟାର ସ୍ପୋର୍ଟସର ଦୁଇଜଣ ଅଧିକାରୀ ଓଡିଶା ଆସି କଟକ ଓ ଭୁବନେଶ୍ୱରର ଦୁଇ ସମ୍ଭାବ୍ୟ ପ୍ରତିଯୋଗିତା ସ୍ଥଳ ବୁଲି ଦେଖିଥିଲେ। ସେମାନେ ଭୁବନେଶ୍ୱରର ପୂର୍ବତନ ରେଳବାଇ ଇନଡୋର୍ ହଲ୍ ତଥା କଟକର ଜବାହାରଲାଲ୍ ନେହୁରୁ ଇନଡୋର୍ ହଲ୍ ଦେଖିଥିଲେ। କଟକ ଇନଡୋର ହଲ୍ ଓ ଏଠାରେ ଥିବା ସୁବିଧା ସୁଯୋଗ ଦେଖି ସେମାନେ ସନ୍ତୋଷ ପ୍ରକାଶ କରିଥିବା ଓଡିଶା କବାଡି ସଂଘ ସଂପାଦକ ଅଜୟ ବେହେରା ଜଣାଇଛନ୍ତି। ତେବେ ଆସନ୍ତା ଦିନେ ଦୁଇ ଦିନ ମଧ୍ୟରେ ଚୂଡାନ୍ତ ନିଷ୍ପତ୍ତି ଜଣାଇବେ।