ଶୁଟିଂର ସ୍କିଟ ମିକ୍ସଡ ଟିମ ଇଭେଣ୍ଟରେ କମାଲ କରିଛନ୍ତି ଭାରତର ମାହେଶ୍ୱରୀ ଚୌହାନ ଓ ଅନନ୍ତଜୀତ ସିଂହ। ଉଭୟ ଯୋଗ୍ୟତା ପର୍ଯ୍ୟାୟରେ ଦମ ଦେଖାଇ ଫାଇନାଲରେ ପ୍ରବେଶ କରିଛନ୍ତି। ଯୋଗ୍ୟତା ପର୍ଯ୍ୟାୟରେ ଭାରତୀୟ ଯୋଡ଼ି ୪ର୍ଥ ସ୍ଥାନରେ ରହିବାରୁ ବ୍ରୋଞ୍ଜ ପଦକ ପାଇଁ ଲଢ଼େଇ କରିବେ।
ବ୍ରୋଞ୍ଜ ପଦକ ପାଇଁ ଉଭୟ ଚାଇନା ସହ ଲଢ଼େଇ କରିବେ। ଚାଇନା ଯୋଗ୍ୟତା ପର୍ଯ୍ୟାୟରେ ସମାନ ୧୪୬ ପଏଣ୍ଟ ସହ ୩ ସ୍ଥାନରେ ରହିଥିଲା। ତେଣୁ ଭାରତ ଓ ଚାଇନା ମଧ୍ୟରେ ବ୍ରୋଞ୍ଜ ପଦକ ପାଇଁ ଲଢ଼େଇ ହେବ। ଏହି ମ୍ୟାଚ୍ ଆଜି ସନ୍ଧ୍ୟା ୬.୩୦ରେ ଅନୁଷ୍ଠିତ ହେବ।
Also Read
ଶୁଟିଂର ସ୍କିଟ ମିକ୍ସଡ ଟିମ ଇଭେଣ୍ଟର ପ୍ରଥମ ସ୍ଥାନରେ ଇଟାଲୀ ଓ ଦ୍ୱିତୀୟ ସ୍ଥାନରେ ଆମେରିକା ରହିଛନ୍ତି। ଇଟାଲୀର ପଏଣ୍ଟ ସଂଖ୍ୟା ୧୪୯ ଥିବା ବେଳେ ଆମେରିକାର ପଏଣ୍ଟ ସଂଖ୍ୟା ଏହାଠାରୁ ଗୋଟିଏ କମ।
ଯୋଗ୍ୟତା ପର୍ଯ୍ୟାୟରେ ମାହେଶ୍ୱରୀ ଓ ଅନନ୍ତଜୀତ ଦମଦାର ପ୍ରଦର୍ଶନ କରିଥିଲେ। ଉଭୟଙ୍କ ମଧ୍ୟରେ ତଳମେଳର ଜବରଦସ୍ତ କମ୍ବିନେସନ ମଧ୍ୟ ଦେଖିବାକୁ ମିଳିଥିଲେ। ଏବେ ସେମାନଙ୍କ ନଜର ବ୍ରୋଞ୍ଜ ପଦକ ଉପରେ ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
